27-Dec-2021

ସୁବର୍ଣ୍ଣପୁର ଜିଲ୍ଲା ବୀରମହାରାଜପୁର ବ୍ଲକ ଅନ୍ତର୍ଗତ ଲୁତୁରପଙ୍କ ସ୍ଥିତ ହାଇସ୍କୁଲ ପଡିଆରେ ହେଉଥିବା ୨୫ତମ ସର୍ବଭାରତୀୟ ଲୁତୁରପଙ୍କ କ୍ରିକେଟ କପ ର ପୁଲ -ବି ର ଦ୍ବିତୀୟ ମ୍ୟାଚରେ ଗ୍ରିନ ଗ୍ରାସ କ୍ରିକେଟ କ୍ଲବ କୁ ହରେଇ ସେଲ ରାଞ୍ଚି ବିଜୟୀ ହୋଇ ସେମି ଫାଇନାଲ ରେ ପ୍ରବେଶ କରିଛି।ମ୍ୟାଚଟି ଦୁଇଟି ଫର୍ମାଟରେ ହୋଇଥିଲା।କୋଲକତା ଟସ ଜିଣି ପ୍ରଥମେ ବ୍ୟାଟିଂ କରି ନିର୍ଦ୍ଧାରିତ ୨୦ ଓଭର ରେ ୬ ୱିକେଟ ହରେଇ ୧୩୮ ରନ କରିଥିଲେ।ଦଳର ସର୍ଫରାଜ ସୈଖ ୨୫ ବଲରୁ ୫୪ ରନ ଓ ଅଭିଶେକ କୁମାର ୪୨ରନ ଲେଖାଏଁ କରିଥିଲେ।ବିପକ୍ଷ ରୋହନ ଓ ରୋହିତ ପ୍ରତ୍ୟେକ ୨ ଟି ଲେଖାଏଁ ୱିକେଟ ନେଇଥିଲେ।ଜବାବରେ ସେଲ ରାଞ୍ଚି ଦଳ ୧୫.୪ ଓଭର ରେ ୭ୱିକେଟ ହରେଇ ୧୪୧ରନ କରିଥିଲା।ଦଳର ଉତ୍ତମ ୨୯,ସୁରଜ ସିଂ ୨୭ ଓ ସୁବୋଧ ଖୁସୱା ୨୦ ରନ ଲେଖାଏଁ କରିଥିଲେ।କୋଲକତା ର ଭାନୁପ୍ରତାପ ସିଂ, ଜୟ ପ୍ରକାଶ ଗୁପ୍ତା ଓ ସର୍ଫରାଜ ପ୍ରତ୍ୟେକ ୨ ଟି ଲେଖାଏଁ ୱିକେଟ ନେଇଥିଲେ।ଦ୍ବିତିୟ ଫର୍ମାଟରେ କୋଲକତା ପ୍ରଥମେ ବ୍ୟାଟିଂ କରି ନିର୍ଦ୍ଧାରିତ ୧୦ ଓଭର ରେ ୬ ୱିକେଟ ହରେଇ ୯୭ରନ କରିଥିଲା।ଦଳର ଫିରୋଜ ଅହମ୍ମଦ ଖାଁ ସର୍ବାଧିକ ୫୮ ରନ କରିଥିଲେ।ଜବାବରେ ସେଲ ରାଞ୍ଚି ଦଳ ୭.୪ ଓଭର ରେ ୨ ୱିକେଟ ହରେଇ ୯୮ରନ କରି ଥିଲା।ଦଳର ଉତ୍ତମ ସର୍ବାଧିକ ୨୬ ବଲରୁ ୫୪ ରନ ସଂଗ୍ରହ କରିଥିଲେ।ଉଭୟ ଫର୍ମାଟରେ ବିଜୟୀ ହୋଇ ସେଲ ରାଞ୍ଚି ଦଳ ସେମି ଫାଇନାଲ ରେ ପ୍ରବେସ କରିଛି।ପୀତାମ୍ବର ସାହୁ ଙ୍କ ସଂଯୋଜନା ରେ ଅନୁଷ୍ଠିତ ପୁରସ୍କାର ବିତରଣୀ ଉତ୍ସବରେ ବାଗବର ସରପଞ୍ଚ ବ୍ୟୋମକେଶ ପଣ୍ଡା,ରାଜ୍ୟପାଳ ପୁରସ୍କାର ପ୍ରାପ୍ତ ଶିକ୍ଷକ ଲକ୍ଷ୍ମୀ ନାରାୟଣ ସାହୁ ଓ କମିରା ୟୁପି ସ୍କୁଲ ର ପ୍ରଧାନ ଶିକ୍ଷକ ଦିଲ୍ଲିପ କୁମାର ଚାନ୍ଦ ପ୍ରମୁଖ ଅତିଥି ଭାବେ  ଯୋଗଦେଇ ସେଲ ରାଞ୍ଚିର ଉତ୍ତମ ଙ୍କୁ ମ୍ୟାନ ଅଫ ଦି ମ୍ୟାଚ ଭାବେ ପୁରସ୍କୃତ କରିଥିଲେ। ମ୍ୟାଚଟି କୁ ଓସିଏ ମାନ୍ୟତାପ୍ରାପ୍ତ ଅମ୍ପାୟାର ଶ୍ୟାମ ସୁନ୍ଦର ପଣ୍ଡା ଓ ଚୁଡାମଣୀ ପାଢୀ ପରିଚାଳନା କରିଥିବା ବେଳେ ବାଙ୍କାବିହାରୀ ମହାକୁର ସ୍କୋରିଂ,ଚମାରୁ ମହାକୁର ଅନଲାଇନ ସ୍କୋରିଂ ଏବଂ ଆଲୋକ ଦେଓ,ସ୍ବାଧିନ ପାଣିଗ୍ରାହୀ ଓ ପ୍ରଭାସ ବେଦୋକ୍ତା ଧାରାବିବରଣୀ ପ୍ରଦାନ କରିଥିଲେ।ମଙ୍ଗଳବାର ପୁଲ -ବି ର ଦ୍ବିତୀୟ ସେମିଫାଇନାଲ ସେଲ ରାଞ୍ଚି ଓ ଆଲ୍ଲାହାବାଦ ମଧ୍ୟରେ ହେବ ବୋଲି ଆୟୋଜକ ସୁଶିଳ ପ୍ରଧାନ ସୁଚନା ଦେଇଛନ୍ତି l