26-Dec-2021

ଉଲୁଣ୍ଡା(ଗୌରଚନ୍ଦ୍ର ପରିଛା) ଉଲୁଣ୍ଡା ବ୍ଲକ କୋଟସମଲାଇ ପାତାଳି ଶ୍ରୀକ୍ଷେତ୍ରରେ ସୁବର୍ଣ୍ଣପୁର ଜିଲ୍ଲା ସାମ୍ବାଦିକ ସଂଘର ସାଧାରଣ ପରିଷଦ ବୈଠକ ଅନୁଷ୍ଠିତ ହୋଇଛି । ଜିଲ୍ଲା ସଭାପତି ଗୋରେଖନାଥ ସାହୁଙ୍କ ସଭାପତିତ୍ୱରେ ହୋଇଥିବା ଏହି ବୈଠକରେ ସମସ୍ତ ୬ଟି ବ୍ଲକରୁ ସାମ୍ବାଦିକ ମାନେ ଯୋଗଦେଇଥିଲେ । ପ୍ରଥମେ ପାତାଲୀ ଜଗନ୍ନାଥଙ୍କ ଦର୍ଶନ ତଥା ପୂଜାର୍ଚନା ପରେ ବୈଠକ ଅନୁଷ୍ଠିତ ହୋଇଥିଲା । ଜିଲ୍ଲାରେ ଦୁଇଜଣ କ୍ୟାବିନେଟ ମନ୍ତ୍ରୀ ଥିବା ସତ୍ୱେ ସୁବର୍ଣ୍ଣପୁର ଜିଲ୍ଲା ବିଭିନ୍ନ କ୍ଷେତ୍ରରେ ଅବହେଲିତ ହୋଇଥିବା ନେଇ କ୍ଷୋଭ ପ୍ରକାଶ କରାଯାଇଥିଲା । ବିଶେଷକରି ଦିର୍ଘ ବର୍ଷ ହେଲା ଆର୍ଥୀକ ଅନୁଦାନ ଥିଲେ ମଧ୍ୟ ପାତାଲି ଶ୍ରୀ କ୍ଷେତ୍ର ରୋପୱେ ନିର୍ମାଣ କରାଯାଉନଥିବା, ସୋନପୁର, ବିନିକା, ତରଭା ରିଙ୍ଗ ରୋଡକୁ ସଂମ୍ପୁନ୍ନ କରା୍‌ାଉନଥିବା, ବଲାଙ୍ଗିର- ଖୋର୍ଦ୍ଧା ରେଲପଥ ନିର୍ମାଣରେ ଶିଥିଲତା ଦେଖାଦେଇଥିବା ଉପରେ ଆଲୋଚନା କରାଯାଇଥିଲା । ସେହିପରୀ ସମସ୍ତ ପ୍ରକାର ଭତି ଭୂମୁ ରହିଥିବା ସତ୍ୱେ ସୋନପୁର ସୂତାକଳକୁ କାର୍ଯ୍ୟକ୍ଷମ କରାଯାଉନଥିବା, ଅଙ୍ଗ ଜଲସେଚନ ଏବଂ ଠେଙ୍ଗୋ ଜଲସେଚନ ପ୍ରକଲ୍ପର ସମ୍ପୁନ୍ନ କାର୍ଯ୍ୟକ୍ଷମ ହେଉନଥିବା ଉପରେ ଆଲୋଚନା ହୋଇଥିଲା । ତେବେ ଉପରୋକ୍ତ ସମସ୍ୟା ନେଇ ଜିଲ୍ଲା ସାମ୍ବାଦିକ ସଂଘ ମୁଖ୍ୟମନ୍ତ୍ରୀ ତଥା ବିଭିନ୍ନ ଅଧିକାରୀଙ୍କୁ ଲିଖିତ ଭାବରେ ଜଣାଇଥିଲେ । ସମସ୍ୟାର ସମାଧନ ପାଇଁ କୌଣସି ପଦକ୍ଷେପ ନିଆଯାଉନଥିବା ଯୋଗୁଁ ଯଥାଶିଘ୍ର ସଂଘ ତରଫରୁ ବିଭିନ୍ନ ଅଧିକାରୀଙ୍କୁ ସାକ୍ଷାତ କରି ସମସ୍ୟା ବିଷୟରେ ଅବଗତ କରାଇବା ପାଇଁ ପ୍ରସ୍ତାବ ଗୃହିତ ହୋଇଥିଲା । ସଂଘର ସମ୍ପାଦକ ବ୍ୟୋମକେଶ ଦାସ ବୀବରଣୀ ପାଠ କରିଥିବା ବେଳେ ଅଶୋକ ସାହୁ, ରବିନ୍ଦ୍ର ହୋତା, ଶେଷଦେବ ବାରିକ, ରତ୍ନାକର ସେଠ, ସନ୍ତୋଷ ମିଶ୍ର, ଦଧିବାମନ ନାଏକ, ଘନଶ୍ୟାମ ମେହେର, ଜୁଗଲ କିଶୋର ମିଶ୍ର, କମଲ ରଂଜନ ପରିଛା, ସୁଧିର ବିଶ୍ୱାଲ, ସତ୍ୟବାନ ପୁରୋହିତ, ସୁଦାମ ପଣ୍ଡା, ସତ୍ୟବ୍ରତ ପଧାନଙ୍କ ସମେତ ଜିଲ୍ଲାର ସମସ୍ତ ସାମ୍ବାଦିକ ଯୋଗଦେଇଥିଲେ । ବେଣୁଧର ପଧାନ ଧନ୍ୟବାଦ ଦେଇଥିଲେ ।