24-Dec-2021

ନୟାଗଡ଼, (ପ୍ରଦୀପ କୁମାର ପଣ୍ଡା): ରାଜ୍ୟ ଓ କେନ୍ଦ୍ର ସରକାର ଙ୍କ ମିଳିତ ସହଯୋଗରେ ଶିକ୍ଷା ର ବିକାଶ ପାଇଁ ଗ୍ରାମାଞ୍ଚଳ ରେ  କୋଟିକୋଟି ଟଙ୍କା ବ୍ୟୟ ହେଉଛି | ଉଚ୍ଚ ଶିକ୍ଷା ମନ୍ତ୍ରୀଙ୍କ ଜିଲ୍ଲାରେ  ଶିକ୍ଷାର ବିକାଶ ପାଇଁ ଡିଜିଟାଲ ଶ୍ରେଣୀଗୃହ କାର୍ଯ୍ୟ ଚାଲିଥିବା ବେଳେ ତାହାର ଏକ ନଗ୍ନ ଚିତ୍ର ଦେଖିବାକୁ ମିଳିଛି ଦଶପଲ୍ଲା ନିର୍ବାଚନ ମଣ୍ଡଳୀରେ । ଏପଟେ ଆଦିବାସୀ ହରିଜନ ଛାତ୍ରଛାତ୍ରୀମାନଙ୍କ ପାଇଁ ଆଶ୍ରମ ବିଦ୍ୟାଳୟ ସରକାର ଖୋଲିଥିବା ବେଳେ ତାହାର ବିକାଶ ଉପରେ ଗୁରୁତ୍ବ ଦେବାକୁ ଭୁଲି ଯାଉଥିବା  ଭଳି ଏହି ଚିତ୍ରରୁ ଅନୁମାନ କରାଯାଉଛି ।

ଏଭଳି ଏକ ଅଭିଯୋଗ ଆସିଛି ନୟାଗଡ଼ ଜିଲ୍ଲା ନୂଆଗାଁ ବ୍ଳକ ଅନ୍ତର୍ଗତ ଆଦିବାସୀ ଅଧ୍ୟୁଷିତ  ମାଇଛେଳି ପଂଚାୟତରୁ | ଉକ୍ତ ପଞ୍ଚାୟତର ଗୋହିରି ବାଦୁ ଆଶ୍ରମ ବିଦ୍ୟାଳୟ | ୧୯୫୧ ମସିହାରେ ସ୍ଥାପିତ ଉକ୍ତ ବିଦ୍ୟାଳୟ ଟି ବର୍ତମାନ  ପ୍ରଥମରୁ ଅଷ୍ଟମ ଶ୍ରେଣୀରେ ୧୨୦ ଛାତ୍ରଛାତ୍ରୀ ପଢୁଛନ୍ତି | ଆବଶ୍ୟକ

ଶ୍ରେଣୀ ଗ୍ରୁହ ନଥିବା ବେଳେ ଏଯାବତ ଛାତ୍ରୀନିବାସ ନଥିବା ହେତୁ ଦୂରଦୂରାନ୍ତ ର ଛାତ୍ରୀ ମାନେ ରହିବା ପାଇଁ ହନ୍ତସନ୍ତ ହେଉଛନ୍ତି | ବିଦ୍ୟାଳୟ ପାଚେରୀ ଅବସ୍ଥା କହିଲେ ନସରେ |  ଖେଳ ପଡିଆର ଅଭାବ ହେତୁ ବିଦ୍ୟାର୍ଥୀ ମାନେ ମନୋରଞ୍ଜନ ରୁ ବଞ୍ଚିତ ହେଉଥିବା ଅଭିଯୋଗ ହେଉଛି | ଏହିଭଳି ଅନେକ ଅସୁବିଧାରେ ଚାଲିଥିବା   ଆଶ୍ରମ ବିଦ୍ୟାଳୟ ପ୍ରତି ଜିଲ୍ଲା ପ୍ରଶାସନ ଦୃଷ୍ଟି ଦେବାପାଇଁ ଅଞ୍ଚଳବାସୀ ଦାବୀ କରିଛନ୍ତି ।