21-Dec-2021

ସୁବର୍ଣ୍ଣପୁର(ମନୋରଞ୍ଜନ ତ୍ରିପାଠୀ): ଆଜି ରାତି   ୪ ଘଣ୍ଟା ସମୟରେ ଡ଼ଙ୍ଗରଗାଡ଼ ମଠର ମଠା ଧୀଶ  ମହନ୍ତ ଶ୍ରୀ ଗିରିବର ଦାସ ଜୀ ମହାରାଜ ଙ୍କ ହୃଦଘାତ ରେ ପରଲୋକ ଘଟି ଯାଇଥିବାରୁ ସୋନପୁର, ବୌଦ୍ଧ ତଥା ପାଖ ପଡୋଶୀ ଜ଼ିଲ୍ଲା ରେ ଆଜି ଶୋକ ର ଛାୟା ଖେଳି ଯାଇଛି l ୧୯୯୯ ମସିହା ରୁ ମହନ୍ତ ଶ୍ରୀ ଦାସ ଦୀର୍ଘ ୨୧ ବର୍ଷ ଧରି ବୌଦ୍ଧ ଅଂଚଳ ର ଡ଼ଙ୍ଗରଗାଡ଼ ମଠ ର ପୁନଃରୁଦ୍ଧାର କରି ସେ ଏ ଅଞ୍ଚଳ ରେ ଏକ ଆଧ୍ୟାତ୍ମିକ ପରିବେଶ ସୃଷ୍ଟି କରି ଆସିଥିବା ବେଳେ ଏହା ପୂର୍ବରୁ ଶ୍ରୀ ଦାସ ପ୍ରଥମେ ତରଭା ବ୍ଲକ ର ପାଇକ ବାହାଲ ଗାଁ ଓ ପରେ ବହିରlସର ଗାଁ ଉଭୟ ମଠ ର ମଠlଧୀଶ ଦାଇତ୍ୱ ନେଇ ସେ ଓ  ବିହାରୀ ଦାସ ପାଇକ ବାହାଲ ମଠ ର ପ୍ରଥମ ମହନ୍ତ ଶ୍ରୀ ସିଦ୍ଧ ଗୁରୁଙ୍କ ଠାରୁ ଶିଷ୍ୟ ଗ୍ରହଣ କରିଥିଲେ l ମହନ୍ତ  ଶ୍ରୀ ଗିରିବର ଦାସ  ହିମାଳୟ ରେ ମଧ୍ୟ କିଛି ବର୍ଷ ତପସ୍ୟା କରି ଥିବା ବେଳେ ଏ ତିନୋଟି ଜ଼ିଲ୍ଲାର ସମସ୍ତ ମଠ ରେ ତାଙ୍କ ତତ୍ୱାବଧାନରେ ଦୀର୍ଘ ବର୍ଷ ରୁ ଅଖଣ୍ଡ ମହାମନ୍ତ୍ର,

ନାମ ଯଜ୍ଞ ପରିଚାଳନା କରାଯାଉଥିବା ଏବଂ କୌଣସି ମାୟା ମୋହ ନ ରଖି ଏ ସମଗ୍ର ଅଞ୍ଚଳ ରେ ଏକ ଆଧ୍ୟାତ୍ମିକ ଚେତନା ସୃଷ୍ଟି କରି ପାରିଥିଲେ l ଶ୍ରୀ ଦାସଙ୍କ  ସାଧନା, ମଧୁର ବାଣୀ, ହସ ଓ ଅମାୟିକ ବ୍ୟବହାର ଲକ୍ଷ୍ୟ ଲକ୍ଷ୍ୟ ଲୋକଙ୍କ ହୃଦୟକୁ ଛୁଇଁ ପାରିଥିବା ବିଷୟ ସବୁ ଆଡେ ଚର୍ଚ୍ଚା ଚାଲିଛି l ମରୁ ଭୂମି ରେ ମରୁଦ୍ୟାନ ଯେପରି ତୃଷାର୍ତ୍ତ ପଥିକ ମନରେ ଆଶା ସଂଚାର କରେ ସେହିପରି ବିଷାଦ ଗ୍ରସ୍ତ  ମଣିଷ ମାନଙ୍କୁ ପ୍ରେରଣl ଦାୟୀ ଉପଦେଶ ମାଧ୍ୟମରେ ତାଙ୍କ ମନ ରେ ସକାରାତ୍ମକ ଭାବନା ର ମଞ୍ଜି  ବୁଣି ପାରିଥିଲେ l ଏଠି ତୁଳସୀ ଦାସ ଙ୍କ ଉକ୍ତି  ଟି ମନେ ପଡେ  "ଶଠ ସୁଧରହି ସତ ସଂଗତି ପାଇ " ରାମ କୃପା ବିନୁ ସୁଲଭନ କୋଈ " l ରାୟପୁର ଅମରକଣ୍ଟକ ମଠ ର ମଠlଧୀଶ ଶ୍ରୀ ଶ୍ରୀ କଲ୍ୟାଣ ଦାସ ଜୀ ମହାରାଜ ଙ୍କ ପ୍ରତ୍ୟକ୍ଷ ତତ୍ୱାବଧାନ ରେ ସୁବର୍ଣ୍ଣପୁର ର ମା ସୁରେଶ୍ୱରୀ ଙ୍କ ମନ୍ଦିର ରେ  ଲକ୍ଷାଧିକ ଜନ ସମାଗମ ରେ ଆୟୋଜିତ  ଚଣ୍ଡୀ ମହାଯଜ୍ଞ ରେ ଗୁରୁତ୍ୱପୂର୍ଣ ଦାଇତ୍ୱ ବହନ କରି ଶ୍ରୀ ଦାସ ଏହା କୁ ସୁ -ପରିଚାଳନା କରି ଥିଲେ  ଏବଂ ଏହା ସମେତ ଏ ସମଗ୍ର ଅଞ୍ଚଳ ରେ ଆୟୋଜିତ ବଡ଼ ବଡ଼ ଯଜ୍ଞ କାର୍ଯ୍ୟକ୍ରମ ରେ ଉତ୍ସର୍ଗୀକୃତ ସେବା ଓ ପରାମର୍ଶ କରିଥାନ୍ତି ଶ୍ରୀ ଦାସ l ଗତ ମାସ କାର୍ତିକ ପୁର୍ଣିମା ତିଥି ରେ ଶ୍ରୀ ଦାସ ସୁବର୍ଣ୍ଣପୁର ର ଐତିହାସିକ ପୀଠ ଶ୍ରୀ ରା ମେଶ୍ୱର ତ୍ରିବେଣୀ ସଙ୍ଗମ ର ଗଙ୍ଗା ଆରତୀ କାର୍ଯ୍ୟକ୍ରମ ରେ ହଜାର ହଜାର ଭକ୍ତ ଶ୍ରଦ୍ଧାଳୁ ଙ୍କୁ ଦର୍ଶନଦେବା ସହିତ ଖୋଲା ଖୋଲି ଭାବେ ବାର୍ତାଳାପ କରି ସମସ୍ତ ଭକ୍ତ ଶ୍ରଦ୍ଧାଳୁ ଙ୍କୁ ଆଶୀର୍ବାଦ ପ୍ରଦାନ କରିଥିଲେ l ଆଜି ଏ ଦୁଃଖଦ ଖବର ଏ ସମଗ୍ର ଅଞ୍ଚଳର  ଲକ୍ଷାଧିକ ଲୋକ  ତଥା ଭକ୍ତ ଶ୍ରଦ୍ଧାଳୁ  ଙ୍କ  ମନ ରେ ଖୁବ ଆଘାତ ଦେଇଥିବା ବେଳେ  ପୁରୀ ମହନ୍ତ ଶ୍ରୀ ବଂଶୀଧର ଦାସ ଜୀ ମହାରାଜ, ପାଇକ ବାହାଲ, ବହିରlସର ମଠ ଓ ଶହ ଶହ ସାଧୁ ସନ୍ୟାସୀଙ୍କ ସମେତ ଏ ଅଞ୍ଚଳର ବିଶିଷ୍ଟ ବ୍ୟକ୍ତି,  ସୁବର୍ଣ୍ଣପୁରର ଶ୍ରୀବତ୍ସ ମଲ୍ଲିକ, ଲଷ୍ମୀ ନାରାୟଣ ମେହେର, ଅଭିମନ୍ୟୁ କୁଶଳ, ,ମୁନା ତ୍ରିପାଠୀ, ମାନଭଞ୍ଜନ ବେଦବାକ, ରଶ୍ମି ସାହୁ, ଲକ୍ଷ୍ମଣ ଦେହୁରୀ, ମାରୱାଡି ଯୁବା ମଞ୍ଚର କର୍ମକର୍ତା,  ବିଭିନ୍ନ ଆଧ୍ୟାତ୍ମିକ ସଂଗଠନ ର ସଦସ୍ୟ ଓ ଏ ପାଖଆଖ ଜ଼ିଲ୍ଲା ର ହଜାର ଭକ୍ତ ଶ୍ରଦ୍ଧାଳୁ ଡ଼ଙ୍ଗରଗାଡ଼ ମଠ ରେ ପହଂଚି   ସ୍ବର୍ଗୀୟ ଦାସ ଙ୍କ ମର ଶରୀର କୁ ଅନ୍ତିମ ଦର୍ଶନ କରିଥିଲେ l