18-Dec-2021

ନର୍ଲା (ସଞ୍ଜିବ ଦାସ) ନର୍ଲା ବ୍ଳକ ଅନ୍ତର୍ଗତ ପଲସାପଡା ଗ୍ରାମର ନୀଳଚକ୍ର ସାଂସ୍କୃତିକ ଅନୁଷ୍ଠାନ ଓ ମହାଲକ୍ଷ୍ମୀ ପୂଜା କମିଟି ପକ୍ଷରୁ ମହାଲକ୍ଷ୍ମୀ ପୂଜା ସହ ଲକ୍ଷ୍ମୀ ପୁରାଣ ପାରାୟଣ ଅନୁଷ୍ଠିତ ହେଉଛି। ପୂଜା କମିଟିର ୧୨ତମ ବାର୍ଷିକ ପୂଜା ଉତ୍ସବରେ ସୁପ୍ରସିଦ୍ଧ ପାରାୟଣ ଗାୟିକା ଜ୍ୟୋତ୍ସ୍ନାମୟୀ ଦୀକ୍ଷିତ ଓ ବର୍ଷାରାଣୀ ବହିଦାର ସୁଲଳିତ କଣ୍ଠରେ ଲକ୍ଷ୍ମୀ ପୁରାଣ ଗାୟନ କରୁଥିବା ବେଳେ ଏହି କାର୍ଯ୍ୟକ୍ରମ ସ୍ଥଳରେ ବହୁ ସଂଖ୍ୟାରେ ଶ୍ରଦ୍ଧାଳୁ ଭକ୍ତଙ୍କ ସମାଗମ ହେଉଛି। ପୂଜାରେ ଗ୍ରାମର ହିମାଚଳ ନାଏକ ଓ ତାଙ୍କ ପତ୍ନୀ ବୈଜୟନ୍ତି ନାଏକ କର୍ତ୍ତା କାର୍ଯ୍ୟ ତୁଲାଉଛନ୍ତି। ଗତ ୧୪ ତାରିଖ ଠାରୁ କଳସ ଯାତ୍ରା ସହିତ ପୂଜା କାର୍ଯ୍ୟ ଆରମ୍ଭ ହୋଇ ଆସନ୍ତା ୧୯ ତାରିଖ ଦିନ  ମୂର୍ତ୍ତି ଭସାଣି ଉତ୍ସବ ଅନୁଷ୍ଠିତ ହେବ ବୋଲି ପୂଜା କମିଟି ଘୋଷଣା କରିଛି।