15-Dec-2021

ବଲାଙ୍ଗୀର(ବଲାଙ୍ଗିର ଖବର ବ୍ୟୁରୋ) : ବଲାଙ୍ଗିର ର ମାନ୍ୟବର ଜିଲ୍ଲାପାଳ ଶ୍ରୀ ଚଞ୍ଚଳ ରାଣା ଜିଲ୍ଲାରେ ଯୋଗଦାନ ଦେବା ଦିନ ଠାରୁ ଅନେକ ଉନ୍ନୟନମୂଳକ କାମ କରି ସାରିଲେଣି । ଜିଲ୍ଲାକୁ ୧ ନମ୍ବର କରିବାର ପ୍ରୟାସ ଜାରି ରଖିଛନ୍ତି ଶ୍ରୀ ରlଣା । ବଲାଙ୍ଗୀର ସହରର ସୌନ୍ଦର୍ଯ୍ୟକରଣ ପାଇଁ ସହରର ବିଭିନ୍ନ ସ୍ଥାନରେ ପାର୍କ ନିର୍ମାଣ କରି ସାରିଛନ୍ତି । ଏବେ ସହର ମଧ୍ୟରେ ଥିବା ଶିଶୁ ଉଦ୍ୟାନ ଏବଂ ରାଜେନ୍ଦ୍ର ପାର୍କ ର ନବୀକରଣ ପାଇଁ ଲାଗିଛନ୍ତି । ରାସ୍ତା ପ୍ରଶସ୍ତିକରଣ କରି ରାସ୍ତା ପାର୍ଶ୍ବ ସୌନ୍ଦର୍ଯ୍ୟ କରାଯାଇଛି । ଉଠା ଦୋକାନୀ ମାନଙ୍କ ପାଇଁ ସହରର ବିଭିନ୍ନ ସ୍ଥାନରେ ଛୋଟ ଛୋଟ ମାର୍କେଟ କମ୍ପ୍ଲେକ୍ସ କରି ଥଇଥାନ କରିଛନ୍ତି । ନିକଟରେ ରୁଗୁଡ଼ିପଡ଼ା ଠାରେ ମାଛ ବଜାର ନିର୍ମାଣ କରି ମାଛ ବେପାରୀ

ମାନଙ୍କୁ ଥଇଥାନ କରିପାରିଛନ୍ତି । ଏହି ମାଛ ବଜାରକୁ ମାଛ ବିକ୍ରି କରୁଥିବା ଜଣେ ମହିଳାଙ୍କ ହାତରେ ଉଦଘାଟନ କରି ନିଜର ମହାନତାକୁ ପ୍ରତିପାଦିତ କରିପାରିଛନ୍ତି । ବସ୍ତି ବିସ୍ଥାପିତ ପରିବାରଙ୍କୁ ସହର ଆଖପାଖ ରେ ଥିବା ଜମି ଦେବା ପାଇଁ ନିଶ୍ଚିତ କରିଛନ୍ତି । ସରକାରଙ୍କ ପ୍ରାୟ ଯୋଜନା ଜିଲ୍ଲାରେ ଲାଗୁ କରିବାରେ ସଫଳ ହୋଇଛନ୍ତି ସେ । ଜିଲ୍ଲାପାଳଙ୍କ ବିଭିନ୍ନ ଲୋକାଭିମୁଖୀ କାର୍ଯକ୍ରମକୁ ସଭିଏଁ ପ୍ରଶଂସା କରିଛନ୍ତି ।