15-Dec-2021

ବଲାଙ୍ଗୀର(ପ୍ରେରଣା ଖବର) - ବଲାଙ୍ଗୀର ସବ୍ ରେଜିଷ୍ଟର ପଦ୍ମନାଭ ପୁରୋହିତ ଯୋଗ ଦେବା ଦିନ ଠାରୁ ସବ୍ ରେଜିଷ୍ଟର କାର୍ଯ୍ୟାଳୟର ନବ କୋଳେବର ଆରମ୍ଭ ହୋଇଯାଇଛି ।ଦୀର୍ଘ ବର୍ଷରୁ ଜରାଜୀର୍ଣ୍ଣ ଅବସ୍ଥାରେ ଏହି କାର୍ଯ୍ୟାଳୟ ପଡ଼ି ରହିଥିଲା । ଏହି କାର୍ଯ୍ୟାଳୟକୁ ଯିବାପାଇଁ ଏକ ଗଳି ରାସ୍ତା ଥିଲା । କାର୍ଯ୍ୟାଳୟ ପାର୍ଶ୍ଵରେ ନାଳ, ଅଳିଆ ଆବର୍ଜନା ଜମି ରହି ଦୁର୍ଗନ୍ଧ ହେଉଥିଲା । ଦୀର୍ଘ ବର୍ଷରୁ କାର୍ଯ୍ୟାଳୟ ପଛ ପଟେ ଥିବା ପିପଲ୍ ଗଛର ଚେର କାର୍ଯ୍ୟାଳୟକୁ ପଶି ଗୃହ ଭାଙ୍ଗିବା ଅବସ୍ଥା ଥିବା ବେଳେ ବଲାଙ୍ଗୀର ଡି ଏଫ୍ ଓ ଙ୍କ ଆଦେଶ କ୍ରମେ ଗଛକୁ କାଟି ଗୃହକୁ ସୁରକ୍ଷା ଦେଇ ପାରିଛନ୍ତି ।  ଏ ସମସ୍ତ ଅବ୍ୟବସ୍ଥା କୁ ସୁବ୍ୟବସ୍ଥା କରିବା ପାଇଁ ପ୍ରଥମେ କାର୍ଯ୍ୟାଳୟ

ସମ୍ମୁଖରେ ଏକ ଗେଟ୍ ନିର୍ମାଣ କରାଗଲା । ରେଜିଷ୍ଟ୍ରି କରିବା ପାଇଁ ଆସୁଥିବା ବ୍ୟକ୍ତି ବିଶେଷ ମାନଙ୍କୁ ଘଣ୍ଟା ଘଣ୍ଟା ଧରି ଛିଡ଼ା ହେବାକୁ ପଡୁଥିଲା । ସେମାନଙ୍କ ସୁବିଧା ପାଇଁ ୱେଟିଙ୍ଗ ହଲ ନିର୍ମିତ ହେଲା । ଇ-ରେଜିଷ୍ଟ୍ରେସନ୍ ପାଇଁ ଅଫିସ ପାର୍ଶ୍ଵରେ ଦୁଇ ଗୋଟି କାଉଣ୍ଟର କରାଗଲା ।ଏବେ କିଛି ଦିନ ତଳେ ପଦ୍ମନାଭ ପୁରୋହିତ ଙ୍କ ପ୍ରଚେଷ୍ଟାରେ ଏସ ବି ଆଇ, ବଲାଙ୍ଗୀର ଏକ ୱାଟର ପ୍ୟୁରିଫାୟର ଡୋନେଟ୍ କଲେ । ଏହି ୱାଟର ପ୍ୟୁରିଫାୟର ବର୍ତ୍ତମାନ ସବ ରେଜିଷ୍ଟର କାର୍ଯ୍ୟାଳୟର ୱେଟିଙ୍ଗ ହଲରେ ଲାଗିଛି । ରେଜିଷ୍ଟ୍ରି କରିବା ପାଇଁ ଆସୁଥିବା ଲୋକେ କିଭଳି ହଇରାଣ ନ ହେବେ ସେଥିପାଇଁ ଜାଗ୍ରତ ଥିବା ତଥା ଦୁର୍ନୀତି ମୁକ୍ତ ରଖିବା ପାଇଁ  ଚେଷ୍ଟା ଜାରି ରଖିଥିବା ତାଙ୍କ ଉନ୍ନୟନ ଏବଂ ଲୋକାଭିମୁଖୀ କାର୍ଯ୍ୟକଳାପରୁ ଜଣାପଡେ । ତାଙ୍କର ଏଭଳି କାର୍ଯ୍ୟକଳାପକୁ ସମସ୍ତେ ପ୍ରଶଂସା କରିଛନ୍ତି ।