13-Dec-2021

ନୟାଗଡ, (ପ୍ରଦୀପ କୁମାର ପଣ୍ଡା): ତୁମେ ପାଠ ପଢ଼ି କ’ଣ ହେବ ? ମୁଁ ପାଇଲଟ ହେବି । ଓଡ଼ିଶାର ଶ୍ରେଷ୍ଠ ପାଇଲଟ ଙ୍କ ନାମ କୁହ? ବିଜୁ ପଟ୍ଟନାୟକ, ଠିକ ଅଛି ମୁଁ ତୁମ ପାଖକୁ ଗୋଟିଏ ବହି ପଠାଉଛି ଏହି ବହି ପଢ଼ି ତୁମେ ବିଜୁ ବାବୁଙ୍କ ପରି ପାଇଲଟ ହେବ । ଏହା କୌଣସି ନାଟକର କଥା ନୁହେଁ ଗତ କାଲି ୫ଟି ସଚିବ ବି.କେ.ପାଣ୍ଡିଆନ ସ୍କୁଲ ରୁପାନ୍ତରିତ କାର୍ଯ୍ୟକ୍ରମର ଇଣ୍ଟର ଆକ୍ସନ ବେଳେ ଜଣେ ନବମ ଶ୍ରେଣୀର ଛାତ୍ର ଏହି ଉତ୍ତର ଦେଇଥିଲେ । ସୁଚନାନୁସାରେ ୫ଟି ସଚିବ ବି.କେ.ପାଣ୍ଡିଆନ ଗତକାଲି ନୟାଗଡ଼ ଜିଲ୍ଲାର ବିଭିନ୍ନ ବ୍ଲକର ଛାତ୍ରଛାତ୍ରୀ, ସରପଞ୍ଚ , ସ୍ଥାନୀୟ ସ୍କୁଲର ପ୍ରଧାନ ଶିକ୍ଷକଙ୍କ ସହିତ ଇଣ୍ଟର ଆକ୍ସନ ବେଳେ ଏଭଳି ଘଟଣା ଘଟିଛି ।

ରଣପୁର ନିର୍ବାଚନ ମଣ୍ଡଳୀ ଗୋପାଳପୁର ହାଇସ୍କୁଲର ନବମ ଶ୍ରେଣୀ ଛାତ୍ର ସୁଭ୍ରଶାସ୍ୱତ ମାଝୀଙ୍କୁ ଏଭଳି ପ୍ରଶ୍ନ ପଚାରିଥିଲେ ୫ଟି ସଚିବ । ୫ଟି ସଚିବ ଛାତ୍ରର ଉତ୍ତରରେ ଖୁସି ହୋଇ ଆଜି ମୁଖ୍ୟମନ୍ତ୍ରୀଙ୍କ କାର୍ଯ୍ୟାଳୟରୁ ନୟାଗଡ଼ଙ୍କ ଜିଲ୍ଲାପାଳଙ୍କ ମାଧ୍ୟମରେ ଉକ୍ତ ଛାତ୍ରଙ୍କୁ ‘ଦି ଟଲ ମ୍ୟାନ’ ପୁସ୍ତକ ପ୍ରଦାନ କରାଯାଇଛି । ଏହି କାର୍ଯ୍ୟକ୍ରମରେ ଜିଲ୍ଲାପାଳ ଡ.ପୋମା ଟୁଡୁ , ପ୍ରକଳ୍ପ ନିର୍ଦ୍ଦେଶକ ସୁବାଷ ଚନ୍ଦ୍ର ରାୟ ଓ ଗୋପାଳପୁର ହାଇସ୍କୁଲର ପ୍ରଧାନ ଶିକ୍ଷକ ଗଦାଧର ବେହେରା ଉପସ୍ଥିତ ରହି ଉକ୍ତ ଛାତ୍ରକୁ ବହିଟିକୁ ପ୍ରଦାନ କରାଯାଇଥିଲା ।