09-Dec-2021

ନୟାଗଡ଼, (ପ୍ରଦୀପ କୁମାର ପଣ୍ଡା)::ନୟାଗଡ ଜିଲ୍ଲା ଗଣିଆ ବ୍ଳକ ଅନ୍ତର୍ଗତ ବେଲପଡା ପାଟଣା ମଙ୍ଗଳା ମନ୍ଦିର ନିକଟରେ ଜଣେ ମହିଳା ପ୍ରବଳ ବର୍ଷା ରେ ବୁଲୁଥିଲେ | ତାଙ୍କ ବେଶଭୂଷା ଏବଂ ଚାଲିଚଳନ ଦେଖି ସ୍ଥାନୀୟ ଲୋକେ ସନ୍ଦେହ କରିଥିଲେ | ଉକ୍ତ ଗ୍ରାମର ସାମାଜିକ କର୍ମୀ ତପୁ ପଟ୍ଟନାୟକ ଉକ୍ତ ମହିଳା ଙ୍କ ବିଷୟରେ ସ୍ଥାନୀୟ ପୋଲିସ ଏବଂ ପ୍ରେସ କ୍ଳବ ର ସଭାପତି ଙ୍କୁ ଖବର ଦେଇଥିଲେ | ଖୁବ କମ ସମୟରେ ଘଟଣାସ୍ଥଳରେ ପ୍ରେସ କ୍ଳବ ର ସଭାପତି ଦେବୀ ପ୍ରସାଦ ଦାଶ, ସମାଜସେବୀ ଆନନ୍ଦ ଚନ୍ଦ୍ର ବେହେରା, ଉଷା ପଟ୍ଟନାୟକ ଏବଂ କିଛି ଗଣମାଧ୍ୟମ ପ୍ରତିନିଧି ପହଁଞ୍ଚି ଥିଲେ | ମହିଳା ଜଣକ ବଙ୍ଗଳା ଭାଷା ରେ କଥାବାର୍ତା କରୁଥିଲେ  ହେଲେ  କୌଣସି ପ୍ରଶ୍ନ ର ସଠିକ ଉତ୍ତର ଦେଉନଥିଲେ | ଏପରିକି ନିଜର ପରିଚୟ ଏବଂ ଠିକଣା ମଧ୍ୟ ସଠିକ ଦେଉନଥିଲେ | ଗଣିଆ ଥାନା ଅଧିକାରୀ ବିମଳ କୁମାର ମଲ୍ଲିକ ଘଟଣାସ୍ଥଳରେ ପହଞ୍ଚି ଉକ୍ତ ମହିଳା ଙ୍କୁ ଉଦ୍ଧାର କରିଛନ୍ତି | ନୟାଗଡ଼ ୱାନ ସ୍ଟେପ ସେଣ୍ଟର କୁ ଉକ୍ତ ବଙ୍ଗୀୟ ମହିଳା ଙ୍କୁ ପଠାଯିବ ବୋଲି ଥାନା ଅଧିକାରୀ ସୂଚନା ଦେଇଛନ୍ତି |