08-Dec-2021

ବୀରମହାରାଜପୁର,  (ବିନୋଦ ପାଣ୍ଡେ ) : ସୁବର୍ଣ୍ଣପୁର ଜିଲ୍ଲା ବୀରମହାରାଜପୁର ଥାନା ଅନ୍ତର୍ଗତ ଉଫୁଲା ସୌରନଗର ସ୍ଥିତ ସ୍ଵଧାର ଗୃହରୁ ଜଣେ ନାବାଳିକା ସହ ୪ ଅନ୍ତେବାସୀ ଫେରାର୍ ହୋଇଥିବା ସୂଚନା ମିଳିଛି । ସ୍ଵଧାର ଗୃହ କର୍ମଚାରୀଙ୍କ ଅବହେଳା ଯୋଗୁଁ ଅନ୍ତେବାସୀମାନେ ଫେରାର୍ ହେଉଛନ୍ତି । ମିଳିଥିବା ସୂଚନା ଅନୁଯାୟୀ ଗତକାଲି ବିଳମ୍ବିତ ରାତିରେ ସମସ୍ତ ଅନ୍ତେବାସୀ ଶୋଇଥିବା ସମୟରେ କର୍ମଚାରୀ ଙ୍କ ତକିଆ ତଳୁ ଚାବି ନେଇ ଜଣେ ନାବାଳିକା ଙ୍କ ସହ ୪ ଜଣ ଅନ୍ତେବାସୀ ଫଛ ଗେଟ ଖୋଲି ଫେରର୍ ହୋଇଥିଲେ । ସକାଳୁ ଅନ୍ତେବାସୀ ମାନଙ୍କୁ ସ୍ଵଧାର ଗୃହରେ ନଥିବାରୁ କର୍ମଚାରୀ ମାନେ ଖୋଜାଖୋଜି କରିଥିଲେ । ମାତ୍ର କୌଣସି ଖବର ନମିଳିବାରୁ ସ୍ଵଧାର ଗୃହର ପରାମର୍ଶ ଦାତା ଲକ୍ଷ୍ମୀପ୍ରିୟା ଜେନା  ବୀରମହାରାଜପୁର ଥାନାରେ ଲିଖିତ ଅଭିଯୋଗ କରିଥିଲେ । ଅଭିଯୋଗ ଅନୁଯାୟୀ ୬ ବର୍ଷର ନାବାଳିକା ସହ ସୁମିତ୍ରା ମାଝୀ (୨୪ ),ସରୋଜିନୀ ବାଘ( ୨୮),ଜୟନ୍ତୀ ନାଏକ( ୩୩) ଫେରାର୍ ହୋଇଥିବା ଉଲ୍ଲେଖ ରହିଛି ।  ଏନେଇ ବୀରମହାରାଜପୁର ପୋଲିସ ତିନୋଟି ନିରୁଦ୍ଦିଷ୍ଟ ମାମଲା ରୁଜୁ କରି ତଦନ୍ତ ଆରମ୍ଭ କରିଛି । ଏପର୍ଯ୍ୟନ୍ତ ଫେରାର୍ ହୋଇଥିବା ଅନ୍ତେବାସୀ ଙ୍କ କୌଣସି ସୁରାକ ମିଳିନଥିବା ଏ ଏସ ଆଇ ଅରବିନ୍ଦ ସାହୁ ପ୍ରକାଶ କରିଛନ୍ତି । ଏହି ସ୍ଵଧାର ଗୃହରୁ ଗତ ଛଅ ମାସ ଭିତରେ ଅନେକ ସମୟରେ ୩ ଥର ଅନ୍ତେବାସୀମାନେ ଫେରାର ହୋଇଛନ୍ତି ।   ସ୍ଵଧାର ଗୃହ କର୍ତ୍ତୃପକ୍ଷ ସୁରକ୍ଷା ପ୍ରତି ଦୃଷ୍ଟି ଦେଉନଥିବାରୁ ତଥା ଅବହେଳ  ମନମୁଖୀ  ଅବସ୍ଥାରେ ରହୁଥିବାରୁ ବିଭିନ୍ନ ସମୟରେ ଏଭଳି ଘଟଣା ଘଟୁଥିବା ଅଞ୍ଚଳରେ ଚର୍ଚ୍ଚା ହେଉଛି ।