07-Dec-2021

ଢେଙ୍କାନାଳ(ତାପସ ଦାସ): ଆଜି ପୂର୍ବାହନରେ ଜିଲ୍ଲାପାଳଙ୍କ କାର୍ଯ୍ୟଳୟସ୍ଥ ସଦଭାବନା ସଭାଗୃହରେ ଜିଲ୍ଲାପାଳ ଶ୍ରୀ ସରୋଜ କୁମାର ସେଠୀଙ୍କ ଅଧ୍ୟକ୍ଷତାରେ ଦିତୀୟ ତ୍ରୟମାସିକ ଜିଲ୍ଲା ସ୍ତରୀୟ ବିପର୍ଯ୍ୟୟ ପରିଚାଳନା କର୍ତ୍ତୃପକ୍ଷ ବୈଠକ ଅନୁଷ୍ଠିତ ହୋଇଛି । ବିଭିନ୍ନ ବିପର୍ଯ୍ୟୟ ସମୟରେ କିପରି ଜନସାଧାରଣଙ୍କ ଧନ ଜୀବନ ରକ୍ଷା କରି ସେମାନଙ୍କ ଦୈନିନ୍ଦିନ ଜୀବିକା ଜୀବନକୁ ସ୍ବାଭାବିକ କରାଯାଇପାରିବ ସେଥପ୍ରତି ସମସ୍ତ ଉପଜିଲ୍ଲାପାଳ , ବି.ଡି.ଓ . , ତହସିଲଦାର ଏବଂ ସମ୍ପୃକ୍ତ ବିଭାଗୀୟ ଅଧିକାରୀମାନେ ସମନ୍ଵୟ ରଖୁ ବିହିତ ପଦକ୍ଷେପ ଗ୍ରହଣ କରିବାକୁ ପରାମର୍ଶ ଦେଇଛନ୍ତି । ଗତ ଲଗାଣ ବର୍ଷାରେ କ୍ଷତିଗ୍ରସ୍ତ ହୋଇଥିବା ରାସ୍ତାଘାଟ ଓ ଅନ୍ୟାନ୍ୟ ନିର୍ମାଣ କାର୍ଯ୍ୟର ମରାମତି ଯଥାଶୀଘ୍ର ଶେଷ କରିବାକୁ ଜିଲ୍ଲାପାଳ ବିଭାଗୀୟ ଅଧିକାରୀଙ୍କୁ କହିଛନ୍ତି । ଏହି ବୈଠକରେ ଜିଲ୍ଲାରେ କରୋନ ସଂକ୍ରମଣକୁ ରୋକିବା ନିମନ୍ତେ ନିଆଯାଇଥିବା ବିଭିନ୍ନ କର୍ଜ୍ୟକ୍ରମ ସମର୍କରେ ଆଲୋଚନା ହୋଇଥିଲା । ଜିଲ୍ଲାରେ ବିପର୍ଯ୍ୟୟର ମୁକାବିଲା ଓ ପରବର୍ତୀ ପଦକ୍ଷେପ ଗ୍ରହଣ ନିମନ୍ତେ ଯେଉଁ ଅନୁଷ୍ଠାନ ଭଲକାମ କରିବେ ସେହି ଅନୁଷ୍ଠାନକୁ ପ୍ରଥମ କରି ଆରମ୍ଭ ହୋଇଥିବା ସହିଦ ବାଜି ରାଉତ ବିପର୍ଯ୍ୟୟ ପୁରଷ୍କାର ପ୍ରତିବର୍ଷ ଦଶହଜାର ଟଙ୍କାର ଅର୍ଥ ରାଶି ପ୍ରାକୃତିକ ବିପର୍ଯ୍ୟୟ ଦିବସରେ ପ୍ରଦାନ କରାଯିବ । ୨୦୨୧ - ୨୨ ଆର୍ଥିକ ବର୍ଷରେ ପଞ୍ଚାୟତ ସ୍ତରରେ ବିପର୍ଯ୍ୟୟ ପରିଚାଳନା ପ୍ରସ୍ତୁତି ଯୋଜନା ପ୍ରଥମ କରି ଆରମ୍ଭ କରାଯିବ । ପ୍ରତ୍ୟେକ ପଞ୍ଚାୟତକୁ ଏହି ଯୋଜନାରେ ପଚାଶ ହଜାର ଟଙ୍କା ଅର୍ଥ ରାଶି ପ୍ରଦାନ କରାଯିବ । ଏହି ଅର୍ଥ ଗାଶି ପ୍ରତି ପଞ୍ଚାୟତର ମିସନ

ଶଲ୍ଲି ସ୍ବୟଂ ସହାୟକ ଗୋଷ୍ଠୀଙ୍କ ଦକ୍ଷତା ବିକାଶ ନିମନ୍ତେ ଗ୍ରାମ ପଞ୍ଚାୟତ ଫେଡରେଶନ ଗଠନ କରାଯାଇ ଏହାକୁ ବିପର୍ଯ୍ୟୟ ମୁକାବିଲାର ସଚେତନତା , ପ୍ରଶିକ୍ଷଣ ଏବଂ ୱାଲ ପେଣ୍ଟିଙ୍ଗ କାର୍ଯ୍ୟକ୍ରମରେ ବିନିଯୋଗ କରାଯିବ । ଅଦିନିଆ ବର୍ଷାରେ କ୍ଷୟକ୍ଷତି ଏବଂ ମରୁଡି ସମ୍ବନ୍ଧରେ ଆଲୋଚନା କରଯାଇଥିଲା । ଏହି ବୈଠକରେ ଅତିରିକ୍ତ ଜିଲ୍ଲାପାଳ ଶ୍ରୀ ସଶାଙ୍କ ଶେଖର ଦାସ , ଉପନିର୍ଦେଶକ ଶ୍ରୀ ସରୋଜ କୁମାର ସେଠୀ , ଜିଲ୍ଲା ମୁଖ୍ୟ କୃଷି ଅଧିକାରୀ ଉପନିର୍ଦେଶକ , ଉଦ୍ୟାନ ବିଭାଗ , ଜିଲ୍ଲା ସମାଜ ମଙ୍ଗଳ ଅଧିକାରୀ , ଉପ ଆରକ୍ଷୀ ଅଧିକ୍ଷକ ( ଡି.ଆଇ. ବି . ) ସମେତ ବିଭାଗୀୟ ଜିଲ୍ଲା ସ୍ତରୀୟ ଅଧିକାରୀମାନେ ଯୋଗ ଦେଇ ଥିଲେ । ଏହି ବୈଠକରେ ଓସ ଡମାର ଜିଲ୍ଲା ପ୍ରୋଗ୍ରାମ ଅଫିସର ଶ୍ରୀ ନିମେଇ ଚରଣ ଦାସ ପାୱାର ପଏଣ୍ଟ ମାଧ୍ୟମରେ ଜିଲ୍ଲାରେ ଘଟିଥିବା ବିଭିନ୍ନ ବିପର୍ଯ୍ୟୟ ସମ୍ପର୍କରେ ବୈଠକରେ ଅବଗତ କରାଇଥିଲେ । ପରିଶେଷରେ ଜିଲ୍ଲା ଆପାଗ କାଳୀନ ଅଧିକାରୀ ଶ୍ରୀମତୀ ସ୍ନିଗ୍ଧଛାୟା ମହାପାତ୍ର ଧନ୍ୟବାଦ ଦେଇଥିଲେ ।