05-Dec-2021

ଉଲୁଣ୍ଡା (ଗୌରଚନ୍ଦ୍ର ପରିଛା) ଉଲୁଣ୍ଡା ବ୍ଲକ ଚଡେଇପଙ୍କ କୋଲଟିକ୍ରା ଠାରେ ଜିଲ୍ଲା ସ୍ତରୀୟ କୋଶଲିଆ ମାଲି ସମାଜର ଏକ ବୈଠକ ଜିଲ୍ଲା ସଭାପତି ଡ. ଅନିରୁଦ୍ଧ କୁରକୁରିଆଙ୍କ ସଭାପତିତ୍ୱରେ ଅନୁଷ୍ଠିତ ହୋଇଯାଇଛି ।  ପ୍ରାରମ୍ଭରେ ବାବା କୋଶଲେଶ୍ୱରଙ୍କୁ ଯଥାରିତ ପୂଜାର୍ଚନା ପରେ ଉପସ୍ଥିତ ସମସ୍ତ ଜାତି ଭାଇ ଆଶିର୍ବାଦ  ନେଇଥିଲେ ।  ଜିଲ୍ଲା ସଂପାଦକ ନିରଂଜନ ପୁଟେଲ ସଭାର ଉଦ୍ୟେଶ୍ୟ ଜ୍ଞାପନ କରିଥିଲେ ।  ବୈଠକରେ ଦୁଇଟି ଗୁରୁତ୍ୱପୁର୍ଣ୍ଣ ପ୍ରସ୍ତାବ ଗ୍ରହଣ କରାଜିବା ସହ ଆଗାମୀ ୧୯ ତାରିଖରେ ବୀରମହାରାଜପୁର ଠାରେ ହେବାକୁଥିବା ରାଜ୍ୟ ସ୍ତରୀୟ କୋଶଲିଆ ମାଲି ସମାଜ ନିର୍ବାଚନ ସମ୍ପର୍କରେ ବିଶଦ ଭାବରେ ଆଲୋଚନା କରାଯାଇଥିଲା । ବୈଠକରେ ଜିଲ୍ଲା ଯୁବ ସଭାପତି ବିଦ୍ୟାଧର ଖୁର୍ଡୀଆ, ବ୍ଲକ ଉପସଭାପତି ନରେନ୍ଦ୍ର ବାଘ, ଶ୍ରୀଧର ପୁଟେଲ, ହରିଶ୍ଚନ୍ଦ୍ର ପୁଟେଲଙ୍କ ସମେତ ଜିଲ୍ଲାର ବିଭିନ୍ନ ସ୍ଥାନରୁ ମାଲି ସମାଜର ଭାଇ ମାନେ ଉପସ୍ଥିତ ଥିଲେ । ଜିଲ୍ଲା ଉପସଭାପତି ହିମାଂଶୁ ଶେଖର ପୁଟେଲ ଧନ୍ୟବାଦ ଦେଇଥିଲେ ।