03-Dec-2021

ବୀରମହାରାଜପୁର,  (ବିନୋଦ ପାଣ୍ଡେ ) : ସୁବର୍ଣ୍ଣପୁର ଜିଲ୍ଲା ବୀରମହାରାଜପୁର ବ୍ଲକ ଟାଙ୍ଗରସାଇ ସରକାରୀ ଉଚ୍ଚ ପ୍ରାଥମିକ ବିଦ୍ୟାଳୟରେ ବିଶ୍ବ ଦିବ୍ଯାଙ୍ଗ ଦିବସ ପାଳିତ ହୋଇଯାଇଛି । ଏହି ଅବସରରେ ଏକ ସଚେତନତା ସଭା ଅନୁଷ୍ଠିତ ହୋଇଥିଲା । ଏଥିରେ ମୁଖ୍ଯ ଅତିଥି ଭାବେ ବ୍ଲକ ଶିକ୍ଷା ଅଧିକାରୀ ଶାନ୍ତାନୁ କୁମ୍ଭକାର ଯୋଗଦେଇ ଉଦଘାଟନ କରିଥିଲେ । ସମ୍ମାନୀତ ଅତିଥି ଭାବେ  ସହଗୋଷ୍ଠୀ ଶିକ୍ଷା ଅଧିକାରୀ ବାରାଣା ଡୁଙ୍ଗଡୁଙ୍ଗ, ଚମ୍ପେଶ୍ବର ଦାସ ଓ ଲକ୍ଷ୍ମଣ ରଥ ପ୍ରମୁଖ ଅତିଥି ଭାବେ ଯୋଗଦେଇ ଥିଲେ । ବିଆଇଟି ସଙ୍ଗୀତା ମହାପାତ୍ର ସଭାପତିତ୍ବରେ ଏହି କାର୍ଯ୍ୟକ୍ରମରେ ଅନୁଷ୍ଠିତ ହୋଇଥିବା ବେଳେ ଲକ୍ଷ୍ଯ, ଉଦ୍ଧେଶ୍ୟରେ ସଂପର୍କରେ

ସବିଶେଷ ବିବରଣୀ ପ୍ରଦାନ କରିଥିଲେ । କାର୍ଯ୍ୟକ୍ରମକୁ ଶିକ୍ଷକ ଅଭିମନ୍ୟୁ ବଗର୍ତ୍ତୀ ସଭା ସଂଯୋଜନା କରିଥିବା ବେଳେ ବିଆରଟି ଦିଲ୍ଲୀପ ପଧାନ ଧନ୍ଯବାଦ ଅର୍ପଣ କରିଥିଲେ  । ଏଥିରେ ଛାତ୍ରଛାତ୍ରୀମାନଙ୍କୁ ନେଇ ଚିତ୍ରାଙ୍କନ, ପୁଚିଖେଲ, ମ୍ୟୁଜିକ୍ ଚେୟାର, ସଂଗୀତ ଓ ଗପ ଅନୁଷ୍ଠିତ ହୋଇଥିଲା । କୃତି ଛାତ୍ରଛାତ୍ରୀମାନଙ୍କୁ ଅତିଥି ମାନଙ୍କ ଦ୍ଵାରା ପୁରସ୍କୃତ କରାଯାଇଥିଲା । ସୂର୍ଯ୍ୟକାନ୍ତ ସାହୁ,  ନୀଳକାନ୍ତ ମିଶ୍ର, ନେପାଳ ଭୋଇ, ଜୋତିନ ଦାସ,ବିପ୍ରଚରଣ ପଧାନ ସହ ସମସ୍ତ ଶିକ୍ଷକ ଶିକ୍ଷୟିତ୍ରୀ ଉପସ୍ଥିତ ରହି ସହଯୋଗ କରିଥିଲେ ।