07-Nov-2020

ପାଟଣାଗଡ଼ (ଗୋରେଖନାଥ ବରିହା ) ବଲାଙ୍ଗୀର ଜିଲ୍ଲା ପାଟଣାଗଡ଼ ବ୍ଳକ ମରୁଆ ପଞ୍ଚାୟତ ଝୁଲେନବର ଗ୍ରାମ ର ବସ୍ ଷ୍ଟାଣ୍ଡ ନିକଟସ୍ଥ ଉତ୍ତର ଦିଗରେ ଚାଲିଥିବା ନିର୍ମାଣ ଗ୍ରିଡକୋ ଟ୍ରାସଫର୍ମର ପ୍ରକଲ୍ପ କୁ ଲାଗି ରହିଥିବା ଗ୍ରାମ ର ତୁଷସୁନା ଓ ଲକ୍ଷ୍ମୀ ସୁନା ଙ୍କ ପୈତୃକ ରୟତି ଆଟ ଜମି ରେ ବସବାସ କରୁଥିବା ୭ ଟି ନିରୀହ ଆଦିବାସୀ (ଶବର) ପରିବାର ଙ୍କ ଲାଗି ସରକାରଙ୍କ ଜନହିତକର ଯୋଜନା ଏମାନଙ୍କ ପାଇଁ ଅପହଞ୍ଚ ହୋଇ ରହିଛି । ଏମାନଙ୍କ ମଧ୍ୟରୁ କେତେକଙ୍କ ଭୋଟର କାର୍ଡ , ଆଧାର କାର୍ଡ ଥିଲେ ମଧ୍ୟ  ରାସନ୍ କାର୍ଡ କି ଅନ୍ତୋଦୟ କାର୍ଡ ପାଇଁ ପାରି ନାହିଁ ।। କରୋନା ମହାମାରୀ ବିପତ୍ତି ସମୟରେ ସଟ୍ ଡାଉନ୍ ଲକ୍ ଡାଉନ୍ ହେତୁ ଏମାନଙ୍କର କୈାଲିକ ବୃତ୍ତି ବନ୍ଦ ହୋଇଯିବାରୁ ବହୁ ଅସୁବିଧାରେ ପରିବାର ପ୍ରତିପୋଷଣ କରୁଥିବା ପ୍ରକାଶ କରିଛନ୍ତି ।କରୋନା କଟକଣା ସମୟରେ କେତେ ଜଣ ସମାଜ ସେବୀ ବ୍ୟକ୍ତି ବିଶେଷ କିଛି ଶୁଣିଲା ଖାଦ୍ୟ ସହଯୋଗ କରିଥିବାରୁ ସେମାନେ କେତେ ଦିନ ଦୁଃଖ କଷ୍ଟ ରେ ପରିବାର ଚଲାଇନେଲେବୋଲି ସେମାନେ ପ୍ରକାଶ କରିଛନ୍ତି । ରାତି ପାହିଲେ ଅନ୍ୟ ପାଖରେ ଖଟିଲେ ଯାଏଁ ଏମାନଙ୍କର ପିଲା -ସଂସାର କୁଟୁମ୍ବ ର ପେଟକୁ ଦାନା ମୁଠେ ଯୋଗାଡ଼ ହୋଇଥାଏ । କିନ୍ତୁ ସରକାର ଗରିବ ଭୁମିହୀନ ଅହାୟକ ପରିବାର ଙ୍କୁ ଘର ଡିହ, ଆବାସ ଗୃହ , ପାନୀୟ ଜଳ ସମସ୍ୟା ଭଲି ଅନେକ ଜନହିତକର ଯୋଜନା କାର୍ଯ୍ୟକାରୀ ହୋଇଥିବା ବେଳେ ଏମାନଙ୍କ ପାଖେ ପହଂଚି ପାରୁନାହିଁ କାହିଁକି ? ତାହା ସାଧାରଣରେ ଏବେ ଚର୍ଚ୍ଚା ଚାଲିଛି । ବିଭିନ୍ନ ମୈ।ଲିକ ସୁବିଧା କ୍ଷେତ୍ରରୁ ଆଜକୁ ପ୍ରାୟ ୧୫ ବର୍ଷ ରୁ ଉର୍ଦ୍ଧ ଦିନ ହେବ ଏମାନେ ବଂଚିତ ରହି ଏଠାରେ ଝାଟିମାଟି କୁଡ଼ିଆ ଘରରେ ଜୀବନ ବିତାଉଥିଲେ ମଧ୍ୟ ବ୍ଳକ ପ୍ରଶାସନ ଙ୍କର କିପରି ଦୃଷ୍ଟି ପଡ଼ିନାହିଁ ତାହା ପ୍ରଶ୍ନବାଚୀ ଉଠିବା ନିଶ୍ଚିତ ଯୋଗ୍ୟ ବୋଲି କେତେ ଜଣ ବୁଦ୍ଧି ଜୀବି ପ୍ରକାଶ କରିଛନ୍ତି । ବ୍ଳକ ପ୍ରଶାସନ ଓ ଜନପ୍ରତିନିଧି ଏମାନଙ୍କ ପ୍ରତି ସ୍ବତନ୍ତ୍ର ଦୃଷ୍ଟି ଦେବା ଦାୟିତ୍ବ ନୁହେଁ କି ବୋଲି ସାଧାରଣରେ ପ୍ରଶ୍ନବାଚୀ ସୃଷ୍ଟି ହେଉଛି। ଖଟିଖିଆ ଦିନ ମଜୁରିଆ ନିରିହ ଗରିବ ଭୂମିହୀନ ଆଦିବାସୀ ବାସିନ୍ଦା  ସୁର୍ଯ୍ୟ ଶବର , ସବିତା ଶବର ,ତୁଲସିଶବର  ,ସୁରୁବାଲି ଶବର ,ବୁରୋତଲେନ ଶବର,ତାଲବହଲିଆ ଶବର ,ଚିତ୍ର ଶବର, କରନ ଶବର ପ୍ରମୁଖ ଙ୍କ ସମେତ ଛୁଆଁ ଠାରୁ ବୃଦ୍ଧ ବୃଦ୍ଧା ଙ୍କ ପର୍ଯ୍ୟନ୍ତ ସରକାର ଙ୍କ ବିଭିନ୍ନ ଜନହିତକର ଯୋଜନାରେ କିପରି ସାମିଲ ହେବେ ଓ ଭୂମିହୀନ ୭ ଟି ଆଦିବାସୀ ପରିବାର ଙ୍କୁ କିପରି ଘରଡିହ, ଆବାସ ଗୃହ , ରାସନ୍ କାର୍ଡ କିପରି ପାଇପାରିବେ ବୋଲି ସେମାନେ ସ୍ଥାନୀୟ ବିଧାୟକ ଓ ବ୍ଳକ ପ୍ରଶାସନ କଳର ଅଧିକାରୀ ମହୋଦୟ ଙ୍କୁ ନିବେଦନ କରିଛନ୍ତି ।