01-Dec-2021

ପାଟଣାଗଡ଼ (ପୂର୍ଣ୍ଣ ଶାଶି ଶେଖର ରାଓ ) ପାଟଣାଗଡ଼ ଉପଖଣ୍ଡ ଦାଦନ ଗଡ ହୋଇଥିବା ବେଳେ ସବୁ ସମୟରେ ବେଆଇନ ଦାଦନ ଚାଲାଣ ହେଉଥିବା ନଜିର ଆସୁଛି। ବର୍ତମାନ ପଞ୍ଚାୟତ ନିର୍ବାଚନ ପାଖେଇ ଆସୁଥିବାବେଳେ ସରକାର ରୋକ୍ ଲଗାଇବା ପାଇଁ ଚେଷ୍ଟା ଚଳାଇ ଥିଲେ ସୁଦ୍ଧା ରୋକିବା ରେ ଅସମର୍ଥ ହେଉଛନ୍ତି।ସୂଚନା ଅନୁସାରେ ପାଟଣାଗଡ଼ ଉପଖଣ୍ଡ ବେଲପଡା ବ୍ଳକ ବାଲିଖମାର ପଞ୍ଚାୟତ ପତ୍ରାପାଲି ଗାଁ ର ଗୌରାଙ୍ଗ ମାହାର ଙ୍କ କ୍ଷେତରେ ଦାଦନ ଶ୍ରମିକ ରଖାଯାଇଥିଲା ବେଲପଡା ଥାନା ଅଧିକାରୀ ବୁଳୁ ମୁଣ୍ଡା କୌଣସି ସୂତ୍ରରୁ ଖବର ପାଇ ଚଢ଼ାଉ କରି ୭ ଜଣ ପୁରୁଷ ଓ ୭ ଜଣ ମହିଳା ଏବଂ ୩ ଜଣ ଶିଶୁ କୁ ଉଦ୍ଧାର କରି ଜଣକୁ ଗିରଫ କରିଥିଲେ । ଥାନା କେଶ ନମ୍ବର ମାମଲା ରୁଜୁ କରି କୋର୍ଟ ଚାଲାଣ କରିଥିବା ତଦନ୍ତ କାରୀ ମହିଳା ଅଫିସର ଦୀପ୍ତିମୟୀ

ଶତପଥୀ ସୂଚନା ଦେଇଛନ୍ତି। ଏଠି ପ୍ରଶ୍ନ ଉଠୁଛି ଯେ ବେଲପଡା ଅଞ୍ଚଳ ରେ ବହୁ ଗୁଡ଼ିଏ ବିନା ଲାଇସେନ୍ସଧାରୀ ଦଲାଲ୍ ମାନଙ୍କୁ ଗିରଫ କରି ପାରୁନାହାନ୍ତି କାହିଁକି ? ଆହୁରି ମଧ୍ୟ ଶୁଣିବାକୁ ମିଳୁଛି ଯେ ଗିରଫ ଦାଦନ ଦଲାଲ୍ ଠାରୁ ୧ ଲକ୍ଷ ଟଙ୍କା ଲାଞ୍ଚ ନେଇ ମଧ୍ୟ ପୋଲିସ ତାକୁ ଗିରଫ କରି କୋର୍ଟ ଚାଲାଣ କରିଛି।ଦାଦନ ଦଲାଲ୍ ମାନଙ୍କ ଠାରୁ  ବେଲପଡା ଥାନା ମୂଲ୍ୟାଙ୍କନ ପଠାଇଥିବା ମଧ୍ୟ ଅଭିଯୋଗ ଆସୁଛି। ଯଦିଓ ଠିକ୍ ସମୟରେ ଦଲାଲ୍ ମାନେ ଫିକ୍ସ ମୂଲ୍ୟାଙ୍କନ ନ ପଠାନ୍ତି ତାହେଲେ ତାଙ୍କୁ ଟାର୍ଗେଟ କରି ଧରାଯାଏ ବୋଲି ଜନସାଧାରଣରେ ମତ ପ୍ରକାଶ ପାଉଛି।