01-Dec-2021

ବିନିକା(ହିମାଂଶୁ ଶେଖର ପୁଟେଲ) ଆଜି ବିଶ୍ୱ ଏଡସ ଦିବସ ପରିପେକ୍ଷିରେ ବିନିକା ସିଦ୍ଧାର୍ଥ ଡିଗ୍ରୀ ଓ ଜୁନିଅର କଲେଜ ଯୁବ ରେଡକ୍ରସ ବିଭାଗ ଓ ଜାତୀୟ ସେବା ଯୋଜନାର ମିଳିତ ଆନୁକୁଲ୍ୟରେ ବିଶ୍ଵ ଏଡ଼ସ ଦିବସ ପାଳିତ ହୋଇ ଯାଇଛି।

ପ୍ରାରମ୍ଭରେ ଉଭୟ କଲେଜର ସମସ୍ତ ଛାତ୍ରଛାତ୍ରୀ ଏକ ଶୋଭାଯାତ୍ରା ମାଧ୍ୟମରେ ବିନିକା ସହର ପରିକ୍ରମା କରି ଏଡ଼ସ ରୋଗ ଉପରେ ବିଭିନ୍ନ ସ୍ଲୋଗାନ ଦେଇ ଲୋକଙ୍କୁ ସଚେତନତା ବାର୍ତ୍ତା ପ୍ରଦାନ କରିଥିଲେ । ପରେ ଡିଗ୍ରୀ କଲେଜ ଅଧ୍ୟକ୍ଷ ଧୀରେନ୍ଦ୍ର କୁମାର ନାୟକଙ୍କ ସଭାପତିତ୍ବରେ ଅନୁଷ୍ଠିତ ଏହି ସଭାରେ ବିନିକା ଗୋଷ୍ଟି ସ୍ୱାସ୍ଥ୍ୟକେନ୍ଦ୍ର ଅଧିକାରୀ ଡ଼ଃ ଅଂଶୁମାଳିନୀ ପଣ୍ଡା ମୁଖ୍ୟ ଅତିଥି ଭାବେ ଯୋଗଦେଇ ମାରାତ୍ମକ ରୋଗ ଏଡସ ରୋଗର କାରଣ,ନିରାକରଣ ଓ ତାର ନିଧନ ଉପରେ କହିବା ସହ ଏହି ରୋଗରୁ   ବର୍ତିବାର ବିଭିନ୍ନ ଦିଗ ଉପରେ ପ୍ରାଞ୍ଜଳ ଭାବେ ବୁଝାଇଥିଲେ । ଏଥିରେ ସ୍ଵତନ୍ତ୍ର ଅତିଥି ଭାବେ ସିଦ୍ଧାର୍ଥ ଜୁନିଅର କଲେଜ ଅଧ୍ୟକ୍ଷା ରେଖା ପ୍ରଧାନ ଯୋଗଦେଇ ଏହି ରୋଗରୁ ନିଜକୁ ଦୂରେଇ ରଖିବା ପାଇଁ ପରାମର୍ଶ ଦେଇଥିଲେ ।କାର୍ଯ୍ୟକ୍ରମକୁ ଯୁବ ରେଡକ୍ରସ କାଉନସିଲର ବିଶ୍ଵନାଥ ମିଶ୍ର ସଂଯୋଜନା କରିଥିବା ବେଳେ+୨କଲେଜ କାଉନସିଲର ତଥା ଅଧ୍ୟାପକ ପ୍ରୀତି ରଞ୍ଜନ ସାହୁ ଧନ୍ୟବାଦ୍ ଅର୍ପଣ କରିଥିଲେ । ଅନୁଷ୍ଠିତ ଏହି କାର୍ଯ୍ୟକ୍ରମରେ ଅଧ୍ୟାପକ ଗୋପାଳ କୃଷ୍ଣ ଦାଶ,ରୁଦ୍ର ନାରାୟଣ ଦାଶ,ବାଣୀପ୍ରସାଦ ବିଶ୍ଵାଳ,ହରିଶ୍ଚନ୍ଦ୍ର ହୋତା,ମାନସ ରଞ୍ଜନ ମିଶ୍ର,ଭଗବାନ ସାହୁ,ରୋହିତ ଧାରୁଆ,ମନୋରଞ୍ଜନ ପ୍ରଧାନ,

ସପ୍ତସାଗର ପ୍ରଧାନ ଧନେଶ୍ଵର ସାହୁ,ସନୋଜ କୁମାର ଦାଶ,ଗରିବ ସାଲମା, ଅଧ୍ୟାପିକା ଦିପ୍ତିରାଣି ସ୍ୱାଇଁ,ପ୍ରମୀତା ମିଶ୍ର,ମିତାଲି ପ୍ରଧାନ,ରୁବୀ ପୁଝାରୀ,ସୁପ୍ରଭା ପୂଜାରୀ,ଜାନକୀ ସାମନି,ଦୀପିକା ବାରିକ,ମନିଷା ଷଡ଼ଙ୍ଗୀ,ମଧୁମିତା ମେହେର ପ୍ରମୁଖ ସହଯୋଗ କରିଥିଲେ ।