01-Dec-2021

ବଲାଙ୍ଗୀର (ସନ୍ତୋଷ କୁମାର ଠାକୁର) : ବଲାଙ୍ଗୀର ସହର ବେଆଇନ ଜବରଦଖଲ କୁ ଜିଲ୍ଲା ପ୍ରଶାସନ ପକ୍ଷରୁ ଉଚ୍ଛେଦ କରାଯାଉଛି । ବର୍ତ୍ତମାନ ସୁଦ୍ଧା ସହରର ଚାରିଟି ପଡା ରୁ ଜବରଦଖଲ ଉଚ୍ଛେଦ କରାଯାଇଥିବା ବେଳେ, ଲୋକଙ୍କୁ ବିସ୍ଥାପିତ କରିନଥିବାରୁ ଆଜି ବିଜେଡି ଓ କଂଗ୍ରେସ ଜିଲ୍ଲାପାଳଙ୍କ କାର୍ଯ୍ୟାଳୟ ସମ୍ମୁଖରେ ବିକ୍ଷୋଭ ପ୍ରଦର୍ଶନ କରିଛନ୍ତି। ଏହା ମଧ୍ୟରେ ଉଭୟ ଦଲ ମୁହଁମୁହିଁ ହେଇଥିବା ଦେଖିବାକୁ ମିଳିଥିଲା। କଂଗ୍ରେସ ଦଳ ତମ ସରକାର ତମ ଜିଲ୍ଲା ପ୍ରଶାସନ ବୋଲି କହୁଥିବା ବେଳେ ବିଜେଡି ବିଗତ ୫ବର୍ଷ ବଲାଙ୍ଗୀର ର ବିକାଶ ନୁହେଁ ବିନାଶ ଚାଲିଛି ବୋଲି ନାରା ଦେଇଥିଲେ। ଏହା ମଧ୍ୟରେ ପ୍ରକୃତ ହିତାଧିକାରୀ କୁ ଚିହ୍ନଟ କରାଯାଇ ଥଇଥାନ ପରେ ଜବରଦଖଲ ଉଚ୍ଛେଦ କରାଯାଉ ବୋଲି ଉଭୟ ଦଳର ପକ୍ଷରୁ ଦାବି କରାଯାଇଥିଲା। ଏ ନେଇ ଜିଲ୍ଲାପାଳ ଶ୍ରୀ ଚଞ୍ଚଲ ରାଣା, ଜାଗା ମିସନର ଉପଯୁକ୍ତ ହିତାଧିକାରୀଙ୍କୁ ଚିହ୍ନଟ କରାଯାଇଛି ଓ ଉଛେଦ ପ୍ରକ୍ରିୟା ଚାଲିଛି ବୋଲି କହିଥିଲେ।