01-Dec-2021

ବଲାଙ୍ଗିର- ଶେଷରେ ବନ୍ଧା ହେଲେ  ବଲାଙ୍ଗିର ଜିଲ୍ଲା ବଙ୍ଗୋମୁଣ୍ଡା ଥାନା ଆଇ. ଆଇ. ସି ବିନୋଦ ବିହାରୀ ନାୟକ । ଆୟ ବହିର୍ଭୂତ ସମ୍ପତ୍ତି ଠୁଳ ଅଭିଯୋଗରେ ଭିଜିଲାନ୍ସ ଦ୍ୱାରା ଗିରଫ ହେଲେ ବିନୋଦ ବିହାରୀ  ନାୟକ । ତାଙ୍କ ନିକଟରୁ ୫ ଲକ୍ଷରୁ ଉର୍ଦ୍ଧ୍ୱ ନଗଦ ଟଙ୍କା ଜବତ ହୋଇଛି ।
 ସୂଚନାଯୋଗ୍ୟ,  ଦୀର୍ଘ ଦିନ ହେଲା ଭିଜିଲାନ୍ସ ସ୍କାନରରେ ଥିଲେ ବଙ୍ଗୋମୁଣ୍ଡା ଲାଞ୍ଚୁଆ ଥାନାଧିକାରୀ । ସମ୍ବଲପୁର, ବରଗଡ଼, ସୋନପୁର, ବଲାଙ୍ଗିର ଭିଜିଲାନ୍ସ ଅଧିକାରୀଙ୍କୁ ନେଇ ଗଠିତ‌ ସ୍ୱତନ୍ତ୍ର ଟିମ୍‌ ଦୀର୍ଘ ଦିନ ହେଲାଣି ତାଙ୍କ ଉପରେ ନଜର ରଖିଥିଲା। ଗତକାଲି ଆଇ. ଆଇ. ସି ବିନୋଦ ଵିହାରି ନାୟକ  କାର୍‌ରେ ନିଜ ଘରକୁ ଯାଉଥିବା ବେଳେ  ଭିଜିଲାନ୍ସ ଟିମ୍‌ ତାଙ୍କୁ ଅଟକାଇଥିଲା। ଏହାପରେ ବରଗଡ ଟୋଲଗେଟ ନିକଟରେ ତାଙ୍କୁ ଅଟକାଇଥିଲେ ଓ ଭିଜିଲାନ୍ସ ଅଧିକାରୀ ମାନେ କାର୍‌ ଯାଞ୍ଚ ସମୟରେ ସିଟ୍‌ ତଳୁ ବାହାରିଥିଲା ୨ ଲକ୍ଷ, ୬ ହଜାର ୨୦ ଟଙ୍କା । ବିନୋଦ ବିହାରୀ ଉକ୍ତ ଟଙ୍କା ଧରି ନିଜ

ଗାଁ କୁ ଯାଉଥିଲେ ମଧ୍ୟ ଏତେ ପରିମାଣର ଟଙ୍କା କେଉଁଠୁ ଆଣିଲେ ଵୋଲି ପଚାରିଵାରୁ  ସେ ନେଇ ସନ୍ତୋଷଜନକ ଉତ୍ତର ଦେଇ ପାରି ନଥିଲେ। ତାଙ୍କୁ ସମ୍ବଲପୁର ଭିଜିଲାନ୍ସ କାର୍ଯ୍ୟାଳୟ ନିଆଯାଇ ସେଠାରେ ପଚରାଉଚରା କରାଯାଇଥିଲା।  ଗତ ରାତିରେ ଭିଜିଲାନ୍ସର ଆଉ ଏକ ଟିମ୍‌  ବଙ୍ଗୋମୁଣ୍ଡା ଥାନା ନିକଟରେ ଥିବା ବିନୋଦ ବିହାରୀ ନାୟକ ଙ୍କ କ୍ୱାର୍ଟର୍ସରେ ଚଢଉ ଜାରି ରଖିଥିଲେ । ରାତି ସାରା ଚଢ଼ାଉ ଜାରି ରହିଥିବା ବେଳେ ସେଠାରୁ ୩ ଲକ୍ଷ ୮୦ ହଜାର ୯ ଶହ ଟଙ୍କା ଜବତ କରାଯାଇଥିବା ସୂଚନା ମିଲିଛି । ଏତେ ଟଙ୍କା କେଉଁଠୁ ଆଣିଲେ, କିପରି ଠୁଳ କଲେ ସେ ନେଇ ଆଇଆଇସି ବିନୋଦ ଵିହାରି ନାୟକ କୌଣସି ସନ୍ତୋଷଜନକ ଉତ୍ତର ଦେଇ ନ ପାରିବାରୁ ତାଙ୍କୁ ସମ୍ଵଲପୁର ଭିଜିଲାନ୍ସ ଗିରଫ କରିଥିବା ସୂଚନl ମିଳିଛି।

(ବଲାଙ୍ଗୀର ଜିଲ୍ଲାରୁ ଅନ୍ତର୍ୟାମୀ ସାହୁଙ୍କ ରିପୋର୍ଟ)