28-Nov-2021

 ବିନିକା(ହିମାଂଶୁ ଶେଖର ପୁଟେଲ): ସ୍ୱାସ୍ଥ୍ୟ ଚିନ୍ତା ନେଇ ଗରିବଙ୍କ ଦୁଃଖ ବଡ଼ି ଚାଲିଥିଲା କିନ୍ତୁ ତାର ପ୍ରତିକାର ପାଇଁ ମାନ୍ୟବର ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ବିଜୁ ସ୍ବାସ୍ଥ୍ୟ କଲ୍ୟାଣ ଯୋଜନା ଆରମ୍ଭ କରି ସମସ୍ତଙ୍କୁ ମାଗଣାରେ ଚିକିତ୍ସା ସେବା ଯୋଗାଇ ଦେବା ପାଇଁ ବିଜୁ ସ୍ବାସ୍ଥ୍ୟ ସ୍ମାର୍ଟ କାର୍ଡ ପ୍ରଦାନ କରିଛନ୍ତି ବୋଲି ଆଜି ବିନିକା  ଏନଏସି ଅଞ୍ଚଳର ଲୋକଙ୍କୁ ସ୍ବାସ୍ଥ୍ୟ କାର୍ଡ ବଣ୍ଟନ କରି ମାନ୍ୟବର ପରିବହନ ମନ୍ତ୍ରୀ ପଦ୍ମନାଭ ବେହେରା କହିଛନ୍ତି l ସ୍ଥାନୀୟ ଏନଏସି କମ୍ୟୁନିଟି ସେଣ୍ଟର ସମ୍ଭୂଖରେ ବୀରମହାରାଜପୁର ଉପ ଜିଲ୍ଲାପାଳ ତଥା ବିନିକା ବିଜ୍ଞାପିତ ପରିଷଦ ପ୍ରଶାସକ ଅଶୋକ କୁମାର ଭୋଇଙ୍କ ଅଧ୍ୟକ୍ଷତାରେ ଅନୁଷ୍ଠିତ ବଣ୍ଟନ ମେଳାରେ ମନ୍ତ୍ରୀ ଶ୍ରୀ ପଦ୍ମନାଭ ବେହେରା ମୁଖ୍ୟଅତିଥି ଭାବେ ଯୋଗଦେଇ ହିତାଧିକାରୀଙ୍କୁ ସ୍ବାସ୍ଥ୍ୟ କାର୍ଡ ବଣ୍ଟନ କରି ପ୍ରତି ପରିବାର ବାର୍ଷିକ ୫ଲକ୍ଷ ଓ ମହିଳା ମାନେ ୧୦ ଲକ୍ଷ ଟଙ୍କା ପର୍ଯ୍ୟନ୍ତ ମାଗଣା ଚିକିତ୍ସା ସେବା ପାଇପରିବେ ବୋଲି କହିଥିଲେ । ଏଥିରେ ଅନ୍ୟ ମାନଙ୍କ ମଧ୍ୟରେ ବିନିକା ତହସିଲଦାର ମୁକ୍ତେଶ୍ଵର ପାଣିଗ୍ରାହୀ,ବିଡ଼ିଓ

ବ୍ୟାସଦେବ ବେହେରା, କାର୍ଯ୍ୟନିର୍ବାହୀ ଅଧିକାରୀ ଶ୍ରୀକୁମାର ରଥ ଉପସ୍ଥିତ ଥିଲେ l ସଭାକୁ ଶିକ୍ଷକ ହିମାଂଶୁ ଭୁଷଣ ପଣ୍ଡା ସଂଯୋଜନା କରିଥିଲେ । ସୂଚନା ଯୋଗ୍ୟ ଯେ ବିନିକା ବିଜ୍ଞାପିତ ପରିଷଦର ବିନିକା କମ୍ୟୁନିଟି ସେଣ୍ଟର,ଡଭଲା, ପାପକ୍ଷୟ ଓ ଜୁହ୍ନାପଡ଼ା ଆଦି ୪ଟି କେନ୍ଦ୍ରରେ ୩୪୫୩ ଜଣ ହିତାଧିକାରୀଙ୍କୁ କାର୍ଡ ବଣ୍ଟନ କରା ଯାଉଥିବା ବେଳେ ୧୫,୭୬୫ଜଣ ଲୋକ ଏହାର ସୁବିଧା ପାଇବେ । ଏହା ପୂର୍ବରୁ ମାନ୍ୟବର ମନ୍ତ୍ରୀ ଶ୍ରୀ ବେହେରା ଏହି ବ୍ଲକ ଅଧିନସ୍ଥ ମହାଦେବପାଲି ଓ ବାଉସୁନି ପଞ୍ଚାୟତରେ ଅନୁଷ୍ଟିତ ସ୍ଵତନ୍ତ୍ର କାର୍ଯ୍ୟକ୍ରମରେ ଯୋଗଦେଇ ଲୋକଙ୍କୁ ସ୍ମାର୍ଟ କାର୍ଡ ବଣ୍ଟନ କରିଥିଲେ ।