25-Nov-2021

ବୌଦ୍ଧ(ମନୋରଞ୍ଜନ ତ୍ରିପାଠୀ) : କରୋନା ସଂକ୍ରମଣ ରେ ମୃତ୍ୟୁର ଶୀକାର ହୋଇଥିବା ବୌଦ୍ଧ ଜ଼ିଲ୍ଲା ର ଯୁବ ସାମ୍ବାଦିକ ଦୁର୍ବାକ୍ଷ ବସ୍ତିଆଙ୍କ ଶୋକସନ୍ତପ୍ତ ପରିବାରକୁ ବୌଦ୍ଧ ଜ଼ିଲ୍ଲା ର ଉଭୟ ପୋଲିସ ଓ ପ୍ରଶାସନିକ ମହିଳା ଅଧିକାରୀ ତପସ୍ୱିନୀ କଅଁର, ଓ  ରୀତା ବଳିୟାର ସିଂହ  ସାକ୍ଷାତ କରି ସମବେଦନା ଜଣାଇବା ସହ ଆର୍ଥିକ ସହାୟତା ମଧ୍ୟ ଯୋଗାଇଦେଇଥିବା ଜଣାଯାଇଛି । ଓଡ଼ିଶା ଭାସ୍କର ସମ୍ବାଦପତ୍ରରେ ଜ଼ିଲ୍ଲା ପ୍ରତିନିଧି ଭାବରେ କାର୍ଯ୍ୟ କରୁଥିବା ସ୍ୱର୍ଗତ ବସ୍ତିଆ କରୋନା ସଂକ୍ରମଣ ଦ୍ୱାରା ସଂକ୍ରମିତ ହୋଇ ଗତ ମଇ ୧୦ ତାରିଖ ଦିନ ସୁବର୍ଣ୍ଣପୁର ଚିକିତ୍ସାଳୟକୁ ନେବା ରାସ୍ତାରେ ଆମ୍ବୁଲାନସରେ ହିଁ ତାଙ୍କର ମୃତ୍ୟୁ ହୋଇଯାଇଥିଲା । ଏ ଘଟଣା ପରେ ବୌଦ୍ଧ ଜ଼ିଲ୍ଲା ସୂଚନା ଓ ଲୋକ ସମ୍ପର୍କ ଅଧିକାରୀ ମିସ ସିଂହ  ସ୍ବର୍ଗୀୟ ବସ୍ତିଆଙ୍କ ପରିବାରକୁ  ରାଜ୍ୟ ସରକାରଙ୍କ ପକ୍ଷରୁ ଆର୍ଥିକ ସହାୟତା  ଯୋଗାଇ ଦେବାକୁ ଜ଼ିଲ୍ଲାପାଳ ଙ୍କ ସହିତ  ଆଲୋଚନା କରି  ଖୁବ ପ୍ରୟାସ କରିଛନ୍ତି  l ଅନେକ ଥର ତାଙ୍କ  ଗାଁ ଓ ପରିବାରକୁ  ଯାଇ  ଏଥିପାଇଁ ବିଭିନ୍ନ ଡକୁମେଣ୍ଟସ  ବି  ପ୍ରସ୍ତୁତ କରିଛନ୍ତି  ମିସ ସିଂହ l  କିନ୍ତୁ  ତାଙ୍କର ତାଙ୍କ ଚିକିତ୍ସା ଅନ୍ୟ ଜ଼ିଲ୍ଲାରେ ହୋଇଥିବl ଓ ପରିବାର ସମ୍ପର୍କୀୟଙ୍କ ଅବହେଳା ଯୋଗୁଁ କରୋନା ପରୀକ୍ଷା ହୋଇ ପାରିନଥିବାରୁ ସରକାରଙ୍କ ପକ୍ଷରୁ କୋଭିଡ ଯୋଦ୍ଧା ଭାବରେ ଘୋଷିତ ସହାୟତା ରାଶି ତାଙ୍କ ପରିବାରକୁ ଯୋଗାଇବା ସମ୍ଭବ ହୋଇ ପାରିନି । ତେବେ ମିସ ସିଂହ ଓ ଜ଼ିଲ୍ଲାପାଳ ଶ୍ରୀ ଲଲାଟେନ୍ଦୁ ମିଶ୍ରଙ୍କ  ଦୃଢ଼ଇଚ୍ଛା ଶକ୍ତି  ଓ ଉଦ୍ୟମ ବଳରେ ଗତ ଜାତୀୟ ପ୍ରେସ ଦିବସ ଅବସରରେ ବୌଦ୍ଧ ଜିଲା ପ୍ରଶାସନ ପକ୍ଷରୁ ସ୍ୱର୍ଗତ ବସ୍ତିଆଙ୍କୁ ତାଙ୍କର କର୍ତ୍ତବ୍ୟ ନିଷ୍ଠା ପାଇଁ ମରଣୋତ୍ତର ସମ୍ମାନ ଭାବରେ ସମ୍ବର୍ଦ୍ଧିତ କରାଯାଇଥିଲା ।  ଗୁରୁବାର ଦିନ ପୂର୍ବାହ୍ନରେ ବୌଦ୍ଧ ସୂଚନା ଓ ଲୋକସମ୍ପର୍କ ଅଧିକାରୀ ରିତାକାନ୍ତି ବଳିୟାରସିଂହ ଓ ବୌଦ୍ଧ ଆଦର୍ଶଥାନା ଅଧିକାରୀ ତପସ୍ୱିନୀ କହଁର ସ୍ୱର୍ଗତ ବସ୍ତିଆଙ୍କ ପରିବାରକୁ ଭେଟି ତାଙ୍କ କଣ୍ଟାମାଲ ବ୍ଲକ ଶୁଣ୍ଢିପଦର ସ୍ଥିତ ଘରେ ପହହଞ୍ଚିଥିଲେ ଓ ଜ଼ିଲ୍ଲା ପ୍ରଶାସନ ପକ୍ଷରୁ ଏହି ସମ୍ବର୍ଦ୍ଧନା ପତ୍ର  ପ୍ରଦାନ କରି ଥିଲେ l  ବୌଦ୍ଧ ଥାନା ଅଧିକାରୀ ସୁଶ୍ରୀ କଅଁର  ଦୁର୍ବାକ୍ଷଙ୍କ ଶୋକସନ୍ତପ୍ତ ପରିବାରକୁ ୩୦ ହଜାର ଟଙ୍କାର ସହାୟତା ରାଶି ପ୍ରଦାନ କରି ଥିବା ବେଳେ ମିସ ମଧ୍ୟ ଏହି ପରିବାରକୁ ପୂର୍ବରୁ ଭେଟି  ଆର୍ଥିକ ଓ ମାନସିକ ସ୍ତରରେ 

ଅନେକ ପ୍ରେରଣା ଓ ସହାୟତା  ଦେଇ ଆସିଥିବା  ଜଣା ଯାଇଛି l ଥାନା ଅଧିକାରୀ ସୁଶ୍ରୀ କହଁର ଓ ମିସ ସିଂହ ଙ୍କ ଏହି  ସହାୟତା, ମହାନତା, ବଦାନ୍ୟତା  ଏବଂ ଜ଼ିଲ୍ଲାପାଳ  ଶ୍ରୀ ମିଶ୍ର ଙ୍କ  ସମବେଦନା, ପ୍ରେରଣା, ଓ  ଉତ୍ସାହ କୁ ବୌଦ୍ଧ ଓ ସୁବର୍ଣ୍ଣପୁର ଉଭୟ ଜିଲାର ବୁଦ୍ଧିଜୀବୀ, ସାମ୍ବାଦିକ  ମହଲରେ ତାଙ୍କୁ ଭୁୟସୀ ପ୍ରଶଂସା କରାଯାଇଛି ।