25-Nov-2021

ରେଢାଖୋଲ ( ଅନିଲ କୁମାର ପୃଷ୍ଟି )  ସମ୍ବଲପୁର ଜିଲ୍ଲା ରେଢାଖୋଲ ଥାନା ପୋଲିସ ବେଆଇନ ଭାବେ ଏଲପିଜି ଗ୍ୟାସ ଚୋରୀ ଅଭିଯୋଗ ରେ ଗୁରୁବାର ରେଢାଖୋଲ କଲେଜ ଛକ ନିକଟରୁ ୩ ଜଣଙ୍କୁ ଗିରଫ କରି କୋର୍ଟ ଚାଲାଣ କରିଛି। ଗିରଫ ଅଭିଯୁକ୍ତ ମାନେ ହେଲେ ବରଗଡ ଜିଲ୍ଲା ଭେଡେନ ଥାନା ଅନ୍ତର୍ଗତ ଦେହୁରିପାଲି ଗ୍ରାମର ନିରଞ୍ଜନ ପାନୂଆ (୩୦), ରାଉରକେଲା ସେକ୍ଟର ୧ ର ଦୁର୍ଗା ଚରଣ ପୁଲେଇ(୪୩) ଓ  ଉତ୍ତରପ୍ରଦେଶ ମାଉ ଜିଲ୍ଲା /ଥାନାର  ଏସ. କେ. ମହତାବ(୨୦)। ଅଭିଯୁକ୍ତ ମାନଙ୍କ ପାଖରୁ  ବେଆଇନ ଚୋରୀରେ ବ୍ୟବହୃତ ଟ୍ୟାଙ୍କର, ୩ ଇଲେଟ୍ରିକ ପମ୍ପ, ଗ୍ୟାସ ରିଡିଙ୍ଗ ମୋଟର ସମେତ ବେଆଇନ କାଗଜ ପତ୍ର ଆଦି ଜବତ କରାଯାଇଛି। ଏ ସଂକ୍ରାନ୍ତରେ ରେଢାଖୋଲ ଥାନା କେସ ନମ୍ବର ୨୨୬/୨୧ ଏକ ମାମଲା ରୁଜୁ କରି ଦଫା ୩୭୯, ୪୧୧,୩୪ରେ  ଗିରଫ ଅଭିଯୁକ୍ତ ଙ୍କୁ ଗୁରୁବାର କୋର୍ଟ ଚାଲାଣ କରାଯାଇଛି। ପୋଲିସ ସୂତ୍ରରୁ ଜଣାପଡ଼ିଛି ଯେ ରେଢାଖୋଲ କଲେଜ ଛକରୁ ଏକ ଏଲପିଜି ଗ୍ୟାସ ବୋଝେଇ ଟ୍ୟାଙ୍କର ନମ୍ବର ଟିଏସ ୧୨ୟୁବି ୬୩୫୧ ଗାଡ଼ିରେ ଗିରଫ ଅଭିଯୁକ୍ତ ମାନେ ସମ୍ବଲପୁର- କଟକ ୫୫ ନମ୍ବର ଜାତୀୟ ରାଜପଥ ଅନୁଗୋଳ ଜିଲ୍ଲା କିଶୋରନଗର ଥାନା ଅନ୍ତର୍ଗତ ଭାଙ୍ଗମୁଣ୍ଡା ଠାରୁ ଅନ୍ୟ ବଡ଼ ବଡ଼ ଏଲପିଜି ଗ୍ୟାସ ଗାଡିରୁ ଚୋରି କରି ଅନ୍ୟ ଗାଡ଼ିରେ ବୋଝେଇ କରି ହାଇଦ୍ରାବାଦ ଚାଲାଣ କରୁଥିବା ପୋଲିସ ଜାଣିବାକୁ ପାଇଥିଲା।  ଏହି ସବୁ ଚୋରି ଗ୍ୟାସକୁ

ଗାଡି ପୁରା ଲୋଡ଼ ହେଲା ପରେ ଦୁର୍ଗା ଚରଣ ପଳେଇ ଭାଙ୍ଗମୁଣ୍ଡା ଗ୍ରାମରେ ରହି ଏହି ବେଆଇନ ଗ୍ୟାସ ଗାଡିକୁ ଚାଲାଣ ପାଇଁ ହାଇଦ୍ରାବାଦ ପଠାଉଥିଲା ।ଏହାପରେ  ତେଲେଙ୍ଗାନା ରାଜ୍ୟ ( ଚାର ମିନାର)ର ମିର ମିଜାଫର ଅଲି ଏହି ବେଆଇନ ଏଲପିଜି ଗ୍ୟାସ କୁ ନେଇ ହାଇଦ୍ରାବାଦ ରେ ଚଢା ଦରରେ ବିକ୍ରି କରୁଥିବା ପୋଲିସ ଜାଣିବାକୁ ପାଇଥିଲା।  ଏହା ପରେ  ରେଢାଖୋଲ ପୋଲିସ  ବୁଧବାର ଚଢ଼ାଉ କରି ଟ୍ୟାଙ୍କର ସହ ୩ ଜଣଙ୍କୁ ଗିରଫ କରି ଗୁରୁବାର କୋର୍ଟ ଚାଲାଣ କରାଯାଇଛି ବୋଲି ପୋଲିସ ଏସଡ଼ିପିଓ ପ୍ରଶାନ୍ତ କୁମାର ମେହେର ପ୍ରକାଶ କରିଛନ୍ତି। ଦୀର୍ଘ ଦିନ ଧରି ଚାଲିଥିବା ଏହି ବେଆଇନ କାରବାର ଚଢ଼ାଉରେ ପୋଲିସ କୁ ବଡ଼ ସଫଳତା ମିଳିଛି।