07-Nov-2020

ଟିଟିଲାଗଡ଼, (ପ୍ରେରଣା ଖବର) - ଭାରତୀୟ ନାଗରିକ ଭାବେ ପ୍ରତ୍ୱେକ ଜନ ସାଧାରଣ ସବୁ ବର୍ଗ ନିମନ୍ତେ ଆଧାର ପରିଚୟ ପତ୍ର ବାଧ୍ୟତାମୂଳକ ହୋଇଥିବା ବେଳେ ପୂର୍ବରୁ କେବଳ ୧୮ ବର୍ଷ ହେଲେ ପ୍ରଦାନ କରାଯାଉଥିବା ଭୋଟର କାର୍ଡ କୁ ସବୁ କ୍ଷେତ୍ରରେ ବ୍ୟବହାର କରାଯାଉ ଥିଲା । ସରକାରୀ ଭାବେ ଏହି ଆଧାର ପରିଚୟ ପତ୍ର ପାଇଁ କେନ୍ଦ୍ର ସରକାର ଦେଶରେ ପ୍ରତ୍ୱେକ ଗ୍ରାମ ସ୍କୁଲ ଗୁଡିକୁ ବିଭିନ୍ନ ଅଧିକାରୀ ଆସି ମାତ୍ର କିଛି ଲୋକଙ୍କ ନାମ ତାଲିକା କରି ଗୋଟିଏ ଦିନରେ ଚାଲିଯାଇଥିଲେ । ଯଦ୍ୱାରା ଅନେକ ସଂଖ୍ୟକ ସାଧାରଣ ଏ ପତ୍ର ପାଇପାରି ନ ଥିଲେ । ହେଲେ ପରେ ଏହାକୁ ଅନଲାଇନ ପଞ୍ଜିକରଣ ବ୍ୟବସ୍ଥା କରି ପ୍ରତି ପରିଚୟ ପତ୍ର ପାଇଁ ୪୦ ଟଙ୍କା ଉକ୍ତ କେନ୍ଦ୍ର ଗୁଡିକୁ ପ୍ରଦାନ ବ୍ୟବସ୍ଥା କରାଯାଇଥିଲା। ହେଲେ ଉକ୍ତ କେନ୍ଦ୍ର ଗୁଡିକୁ ହଠାତ ବନ୍ଦ କରି ଦେଇ ପ୍ରତି ଜିଲ୍ଲା ଓ ଉପଖଣ୍ଡ ସ୍ତରରେ ମାତ୍ର ଗୋଟିଏ କେନ୍ଦ୍ର ର ବ୍ୟବସ୍ତା କରାଗଲା। ଫଳରେ ଏ ନେଇ ଲୋକେ ପଞ୍ଜିକୃତ ନ ହୋଇ ବାଦ ପଡିଛନ୍ତି । ସେହିପରି ବଲାଙ୍ଗୀର ଜିଲ୍ଲାର ଟିଟିଲାଗଡ଼ ସବ୍ଡିଭିଜନ ରେ ଏବେ ମାତ୍ର ଗୋଟିଏ କେନ୍ଦ୍ର ରେ ଏ ପ୍ରକ୍ରିୟା ଜାରି ରହିଥିବା ବେଳେ ଆଖ, ପାଖରେ ଓ ଦୂରଦୂରାନ୍ତରୁ ଆସି ଦୁର୍ଦ୍ଦଶା ର  ଶିକାର ହେଉଥିବା ଅଭିଯୋଗ ବାରମ୍ବାର ହୋଇ ଆସୁଛି । ପ୍ରକାଶ ଯେ,ବୈଶାଖୁ ବାଗ(୩୮) ନାମକ ଜଣେ ଭିନ୍ନକ୍ଷମ ଏହି ଆଧାର ପରିଚୟ ପତ୍ର ପାଇଁ ମାସିକ ବିକଳାଙ୍ଗ ଭତ୍ତା ଓ ଖାଉଟି କାର୍ଡ଼, ଟିଏ ମନ୍ଧ୍ୟ ଆଜି ସୁଦ୍ଧା ପାଇ ପାରି ନାହାନ୍ତି। ଏପରି କି ସେ ୭ ଥର ଅନଲାଇନ କରେଇବା କହି ୭ ସହ ଟଙ୍କା ବି ନେଇସାରିଛନ୍ତି, ହେଲେ ତାଙ୍କୁ ଏକ ଚିଠା ଦେଇ କେବଳ ତାରିଖ ଦିଆଯିବା ସାର ହୋଇଛି ।ତାଙ୍କ ର ମାଆ, ବାବା ଙ୍କ ମୃତ୍ୟୁ ହୋଇସାରିଥିବା ଓ କେହି ସାହା, ଭରସା ନ ଥିବା ବେଳେ ଏ ନେଇ ଦୁଇ ଥର ଟିଟିଲାଗଡ଼ ଉପଜିଲ୍ଲାପାଳ ଙ୍କୁ ଲିଖିତ ଅଭିଯୋଗ କରି ସୁଦ୍ଧା ନିରାଶ ହେବା ସାର ହୋଇଛି । ସେହିପରି ଅନେକ ଲୋକେ ନିଜ ଛୋଟ ଶିଶୁ ଓ ମହିଳା ଆସି  ଘଣ୍ଟା, ଘଣ୍ଟା ଧରି ଅପେକ୍ଷା କରି ଅକଥନୀୟ ଦୁର୍ଦ୍ଦଶା ର ଶିକାର ହେଉଥିବା ଅଭିଯୋଗ ହୋଇଛି । ଏହି ଅଞ୍ଚଳରେ ୪୦ ଗୋଟି ଆଧାର କେନ୍ଦ୍ର ରେ ପଞ୍ଜିକରଣ ଅନୁମତି ପ୍ରଦାନ କରିଥିଲେ ହେଁ ହଠାତ ସେ ସବୁ ବନ୍ଦ କରି ଦିଆଗଲା । ଏବେ କେବଳ   ଟିଟିଲାଗଡ଼ ର ଗୋବିନ୍ଦ ବାଟିକା ରେ ଏକ ମାତ୍ର କେନ୍ଦ୍ର ରହିଛି । ପରିତାପର ବିଷୟ ଯେ, ଏହି ମାଗଣା ସେବା ବଦଳରେ ପଞ୍ଜିକରଣ ପାଇଁ ୧୫୦ ଟଙ୍କା ଓ ପନ୍ଦର ଦିନ ପରେ ଆସିବାକୁ କହି କାର୍ଡ ପ୍ରଦାନ ପାଇଁ ୧୦୦ରୁ ୨୦୦ ଟଙ୍କା ଲେଖାଏଁ ଆଦାୟ କରାଯାଉଛି । ଅନେକ ଲୋକେ ଆଧାର ସଂଶୋଧନ ପାଇଁ ଲୋକଙ୍କ ଠାରୁ ମନଇଚ୍ଛା ଅର୍ଥ ବେଆଇନ ଭାବେ ଆଦାୟ କରିବା,  ତାଲିକାଭୁକ୍ତ ଙ୍କୁ ମନ୍ଧ୍ୟ ମନଇଚ୍ଛା ତାରିଖ ଦେଇ ହଇରଣ,ହରକତ କରାଯାଉଥିବା ନେଇ ଜନସେବା ସଙ୍ଘ ତରଫରୁ ଏ ନେଇ ବିଭିନ୍ନ ଉଚ୍ଚ କର୍ତ୍ତୃପକ୍ଷଙ୍କ ନିକଟ କୁ କାର୍ଯ୍ୟାନୁଷ୍ଠାନ ନିମନ୍ତେ ଦାବି ପତ୍ର ପ୍ରେରଣ କରାଯାଇଛି। ସୂଚନାଯୋଗ୍ୟ ଯେ ଵୃଦ୍ଧ, ବୃଦ୍ଧା, ଭିନ୍ନକ୍ଷମ ମାନଙ୍କୁ ମାସିକ ଭତା ବା ପେନସନ ଓ ଅନେକ ସରକାରୀ ଯୋଜନା ରେ ଆଧାର ବିନା ବଞ୍ଚିତ ହୋଇ ରହିଛନ୍ତି।