23-Nov-2021

ପଦ୍ମପୁର:-କେନ୍ଦ୍ରସରକାର ଙ୍କ ଏକଚାଟିଆ ଶାସନ ରେ ଲୋକେ ଅତିଷ୍ଟ ହୋଇଗଲେଣି lକେନ୍ଦ୍ରସରକାର ଗାଦି ରେ ବସିବା ଦିନଠାରୁ ଏ ଅହେତୁକ ମୂଲ୍ୟବୃଦ୍ଧି ସମସ୍ତ ନିତ୍ୟବ୍ୟବହାର୍ଯ୍ୟ ସାମଗ୍ରୀ ରେ ନିଆଁ ଲଗାଇ ଦେଇଛି lରୋଗୀ ର ଓୈାଷଧ ଠାରୁ ଆରମ୍ଭ କରି ରୋଷେଇ ଘର ସାମଗ୍ରୀ ଠୁ ଆରମ୍ଭ କରି ରନ୍ଧନ ଗ୍ୟାସ ପର୍ଯ୍ୟନ୍ତ lମୂଲ୍ୟ କମ କରିବା ତ ଦୂରର କଥା, ସମସ୍ତ ଖାଉଟି ଏଥିପାଇଁ ଅତିଷ୍ଟ ଏବଂ ଜର୍ଜରିତ lଏହାର ପ୍ରତିବାଦରେ ବିଜୁ ଜନତା ଦଳ ପକ୍ଷରୁ ଆଜି ସମଗ୍ର ରାଜ୍ୟରେ ବିଜୁ ମହିଳା ଜନତା ଦଳ,ଯୁବ ଓ ଛାତ୍ର ଜନତା ଦଳ ପକ୍ଷରୁ ରନ୍ଧନ ଗ୍ୟାସ ର ଅହେତୁକ ଦରବୃଦ୍ଧି ପ୍ରତିବାଦରେ ରାସ୍ତା କୁ ଓହ୍ଲାଇ ପ୍ରତିବାଦର ବାର୍ତ୍ତା ଦେଇଛି lଏହା ସ୍ୱାଗତଯୋଗ୍ୟ ପଦକ୍ଷେପ

ବୋଲି ଜନମାନସ ରେ ଶୁଣାଯାଏ lଏ ପରିପ୍ରେକ୍ଷୀରେ ବରଗଡ ଜିଲ୍ଲା ପଦ୍ମପୁର ବିଜୁଜନତା ଦଳ କାର୍ଯ୍ୟାଳୟ ଠାରୁ ଶତାଧିକ ମହିଳା,ଯୁବ, ଛାତ୍ର ଏକ ବିଶାଳ ଶୋଭାଯାତ୍ରା ରେ ବାହାରି, ପଦ୍ମପୁର ବିଜ୍ଞାପିତ ଅଞ୍ଚଳ ପରିଷଦ ଠାରେ ଏବଂ ରାଜବୋଡାସମ୍ବର ବ୍ଳକ ସମ୍ମୁଖରେ ବିକ୍ଷୋଭ ପ୍ରଦର୍ଶନ କରିବା ସହିତ ଭାରତ ର ମାନ୍ୟବର ରାଷ୍ଟ୍ରପତି ଙ୍କ ଉଦ୍ଦେଶ୍ୟ ଦାବୀପତ୍ର ପ୍ରଦାନ କରାଯାଇଛି lଏହି କାର୍ଯ୍ୟକ୍ରମ ରେ ଯୁବନେତା ଶ୍ରୀ ଭୋଜରାଜ ସିଂ ବରିହା,ପଦ୍ମପୁର ଟାଉନ ସଭାପତି ତଥା ପୂର୍ବତନ ପଦ୍ମପୁର ଏନ.ଏ.ସି ଚ୍ୟାରମେନ ଶ୍ରୀଯୁକ୍ତ ପ୍ରିତମ ମେହେର,ରାଜବୋଡାସମ୍ବର ବ୍ଳକ ବିଜୁ ମହିଳା ଜନତା ଦଳ ର ସଭାନେତ୍ରୀ ଶ୍ରୀମତୀ ରଜନୀ ସାହୁ,ବିଜୁ ଜନତା ଦଳ ର ବ୍ଳକ ସଭାପତି ଶ୍ରୀଯୁକ୍ତ ପରମାନନ୍ଦ ସାହା ପ୍ରମୁଖ ଏହି ଶୋଭାଯାତ୍ରା ର ମଙ୍ଗ ଧରିଥିଲେ