20-Nov-2021

ବୀରମହାରାଜପୁର,  ( ବିନୋଦ ପାଣ୍ଡେ  ) : ସରକାର ପର୍ଯ୍ୟଟନ କ୍ଷେତ୍ରର ଉନ୍ନତି ଓ ସୌନ୍ଦର୍ଯ୍ୟ କରଣ ପାଇଁ ଲକ୍ଷାଧିକ ଟଙ୍କା ଖର୍ଚ୍ଚ କରୁଛନ୍ତି । ମାତ୍ର ତାହା ଅନେକ ସ୍ଥାନରେ କାଗଜ କଲମରେ ସୀମିତ ରହି ଯାଉଥିବା ଦେଖାଯାଉଛି । ଏହାର ଏକ ଉଦାହରଣ ଦେଖିବାକୁ ମିଳିଛି ସୁବର୍ଣ୍ଣପୁର ଜିଲ୍ଲା ବୀରମହାରାଜପୁର ବ୍ଲକ ଅନ୍ତର୍ଗତ ଦୁର୍ଜନତୈଲା ପଞ୍ଚାୟତରେ ଥିବା ହରିହର ଯୋର ଜଳସେଚନ ପ୍ରକଳ୍ପ ବା ଠେଙ୍ଗୋ ଡ୍ୟାମରେ । ଜିଲାରେ ଥିବା ପ୍ରମୁଖ ପର୍ଯ୍ୟଟନ କେନ୍ଦ୍ରମାନଙ୍କ ମଧ୍ୟରୁ ଏହା ଅନ୍ୟତମ ଅଟେ । ୧୯୯୭ ମସିହାରେ ଏହି ଠେଙ୍ଗୋ ଡ୍ୟାମ୍ ଉଦଘାଟନ ହୋଇଥିଲା । ଜିଲାର ବୀରମହାରାଜପୁର ଓ ଉଲୁଣ୍ଡା ବ୍ଲକକୁ ଜଳସେଚନ  ସହିତ ପର୍ଯ୍ୟଟନ କ୍ଷେତ୍ର ପାଇଁ ନିର୍ମାଣ ହୋଇଥିଲା । ପ୍ରଥମେ ଏହି ଡ୍ୟାମ୍ ସୁନ୍ଦର ଭାବେ ନିର୍ମାଣ ହୋଇଥିବା ବେଲେ ଦୀର୍ଘ ୩ କିଲୋମିଟର ରାସ୍ତା ଉପରେ ଲାଗିଥିଲା ଷ୍ଟ୍ରିଟ ଲାଇଟ ।

ଉଦଘାଟନ ହେବାର କିଛି ଦିନ ପର୍ଯ୍ୟନ୍ତ ଏହି ଠିକରେ ଜଳୁଥିଲା ।ପରେ ଏଠାରେ କର୍ତ୍ତବ୍ୟରତ କର୍ମଚାରୀ ନ ରହିବା ସହିତ ଡ୍ୟାମ୍ ରକ୍ଷାଣ ବେକ୍ଷଣ ମଧ୍ଯ କରାଗଲା ନାହିଁ । ଏହା ସୁଯୋଗ ନେଇ ଦୁର୍ବୁତ୍ତ ମାନେ ଏଠାରୁ ବିଭିନ୍ନ ବିଦ୍ୟୁତ ତାର, ଷ୍ଟ୍ରିଟ ଲାଇଟ ସହ ଅନ୍ଯାନ୍ଯ ସାମଗ୍ରୀ ଲୁଟିନେଇଥିଲେ । ଡ୍ୟାମ୍ ତଲେ ପୋଲିସ ଫାଣ୍ଡି ଥିଲେ ମଧ୍ଯ ପୋଲିସ ସୁରାକ ପାଇନଥିଲା । ଫଳରେ ଆଜି ପର୍ଯ୍ୟନ୍ତ ସମଗ୍ର ଡ୍ୟାମ୍ ଅନ୍ଧାରରେ ରହିଛି । ଯାହାଫଳରେ ସନ୍ଧ୍ୟା ହେଲେ ମଦୁଆଙ୍କ ଆସର ଜମେ । ଏହା ଏକ ପ୍ରମୁଖ ପର୍ଯ୍ୟଟନ ହିସାବରେ ବର୍ଷ

ତମାମ ଏଠାକୁ ହଜାର ହଜାର ପର୍ଯ୍ଯଟକ ଓ ପିକନିକ ପାର୍ଟି ଆସିଥାନ୍ତି । ମାତ୍ର ଥରେ ଆସିବା ପରେ ଆଉ ମନ କରୁନାହାନ୍ତି । ପର୍ଯ୍ୟଟକଙ୍କ କହିବା ଅନୁସାରେ  ଅସାମାଜିକ ବ୍ୟକ୍ତିମାନେ ଅନ୍ଧାର ସୁଯୋଗ ନେଇ ଅନେକ ସମୟରେ ଚୋରି, ଡକାୟତ ଠାରୁ ଆରମ୍ଭ କରି ଅନେକ ଆସାମାଜିକ କାର୍ଯ୍ୟ ହେଉଥିବା ଅଭିଯୋଗ କରିଛନ୍ତି । ତଥାପି ବିଭାଗ ସବୁ ଦେଖି ଚୁପ ରହୁଛି । ବିଭିନ୍ନ ସମୟରେ ଆସୁଥିବା ଅନୁଦାନ କାର୍ଯ୍ୟ ରେ ନଲାଗି ହରିଲୁଟ ହେଉଥିବା ଅଭିଯୋଗ ହେଉଛି ।ସାଧାରଣ ଲୋକ ଏଥିପ୍ରତି ତୀବ୍ର ଅସନ୍ତୋଷ ପ୍ରକାଶ କରୁଛନ୍ତି । ଏନେଇ ବିଭାଗୀୟ ଅଧିକାରୀ ଦୃଷ୍ଟି ଦେବାକୁ ଅନୁରୋଧ l