19-Nov-2021

ବଲାଙ୍ଗୀର(ପ୍ରେରଣା ଖବର): ପାଟଣାଗଡ ରେଞ୍ଜ ଅନ୍ତର୍ଗତ ଟିକ୍ରାପରା ସେକ୍ସନରେ ଥିବା ଫରେଷ୍ଟରଙ୍କ ଦୁର୍ବଳତା ଯୋଗୁ ଅନେକ ସମୟରେ ଜଙ୍ଗଲ ମାଫିଆ ମାନେ କିରବାଞ୍ଜି ସରଂକ୍ଷିତ ଜଙ୍ଗଲରୁ କାଠ ଚୋରି କରୁଥିବା ଜଣାପଡିଛି ।ଚଳିତ ମାସ ଗତ ୪ ତାରିଖ ଦିନ ଟିକ୍ରାପରା ସେକ୍ସନ ସାଇମରା

ଜଙ୍ଗଲରୁ ଏକ ଟ୍ରାକ୍ଟର ଯୋଗେ ଶାଗୁଆନ ଗଣ୍ଡୀ ଚୋରା ଚାଲାଣ ହେଉଥିବା ବେଳେ ଟ୍ରାକ୍ଟରକୁ ଟିକ୍ରାପରା ବନ ବିଭାଗ ଧରି ମୂଲଚାଲ କରି ଛାଡ଼ି ଦେଇଥିବା ଗଣମାଧ୍ୟମରେ ପ୍ରକାଶିତ ହୋଇଥିଲା । ଏହା ପୂର୍ବରୁ କୁଆଡେ ଟିକ୍ରାପରା ସେକ୍ସନ ବଡଘାଟିରୁ ଖଇର ଗଣ୍ଡି ପିକ୍ଅପ୍ ଗାଡ଼ି ଯୋଗେ ଚୋରା ଚାଲାଣ ହେଉଥିବା ବେଳେ ଶିଆଳବନ୍ଧ ଠାରେ ପାଟଣାଗଡ ରେଞ୍ଜ ଷ୍ଟାଫ ଏହି ଗାଡିକୁ ଜବତ କରି କେସ ରୁଜୁ କରିଥିଲେ । ଟିକ୍ରାପରା ସେକ୍ସନ ଅନ୍ତର୍ଗତ ଜଙ୍ଗଲରୁ କେନ୍ଦୁ ଗଛ  ଚୋରା ଚାଲାଣ ବେଳେ ଲୋକ ଲୋଚନକୁ ଆସିଲେ ଫରେଷ୍ଟର ୟୁଡ଼ି କେସ କରି ଆସାମୀକୁ ତଦନ୍ତ କରିବା ପରିବର୍ତ୍ତେ ଚୁପ୍ ହୋଇ ବସିବା ତାଙ୍କ ପ୍ରତି ଆଙ୍ଗୁଳି ନିର୍ଦ୍ଦେଶ କରୁଛି । ବାରମ୍ବାର ଚୋରା ଚାଲାଣ ହେଉଥିବା ବେଳେ କୌଣସି କାର୍ଯ୍ୟାନୁଷ୍ଠାନ ହୋଇନଥିବା ମାଫିଆ ମାନଙ୍କ ପ୍ରତି ଆଶୀର୍ବାଦ ହୋଇଛି । 

   ଆଜି କିରବାଞ୍ଜୀ ସଂରକ୍ଷିତ ଜଙ୍ଗଲ ମଧ୍ୟରୁ କୁରୁଡୁ ଗଛ କଟା ଯାଇ ବାହାର କୁ ଚୋରା ଚାଲାଣ କରିବା ପାଇଁ ଯୋଜନା କରୁଥିବା ବେଳେ ବଲାଙ୍ଗୀର ର ଦକ୍ଷ  ଡି ଏଫ୍ ଓ କୌଣସି ସୂତ୍ରରୁ ଖବର ପାଇ ବଲାଙ୍ଗୀର ମୋବାଇଲ୍ ସ୍କ୍ୱାର୍ଡ କୁ ନିର୍ଦ୍ଦେଶ ଦେଇଥିଲେ । ବଲାଙ୍ଗୀର ମୋବାଇଲ୍ ସ୍କ୍ୱାର୍ଡ ଏବଂପାଟଣାଗଡ ପାରା ଫରେଷ୍ଟ ଷ୍ଟାଫ ଉକ୍ତ ସ୍ଥାନରେ  ମିଳିତ ଚଢାଉ କରି କଟାଯାଇଥିବା ତିନି ଟ୍ରାକ୍ଟର କୁରୁଡୁଗଛ କୁ  ଜବତ କରି ସେକ୍ସନ ଫରେଷ୍ଟର ପ୍ରଦୀପ ସାହୁ ଙ୍କୁ ହସ୍ତାନ୍ତର କରି କେସ ରୁଜୁ କରିବା ପାଇଁ କହିଥିଲେ । ତେବେ ଏଠି ପ୍ରଶ୍ନ ଉଠେ କୀରବାଞ୍ଜି ସଂରକ୍ଷିତ ଜଙ୍ଗଲ ରୁ ଏତେ ପରିମାଣର ଗଛ କଟାଯାଉଥିବା ବେଳେ ଟିକ୍ରାପରା ବନ ବିଭାଗ ଧରି ପାରୁନଥିବା ଟିକ୍ରାପରା ବନ ବିଭାଗ ପ୍ରତି ଲଜ୍ଜ୍ୟା ର ବିଷୟ । ଜିଲ୍ଲାରେ ଡି ଏଫ୍ ଓ ନୀତିଶ କୁମାର ଯୋଗଦାନ ଦେଲା ଦିନଠାରୁ ଜଙ୍ଗଲ ମାଫିଆ ଙ୍କ ନିଦ ହଜି ଯାଇଛି । ଡି ଏଫ୍ ଓ ଙ୍କ ଆଦର୍ଶ ନୀତି ଯୋଗୁଁ ଜିଲ୍ଲାରେ ଥିବା ଜଙ୍ଗଲ ସୁରକ୍ଷିତ ରହିବ ବୋଲି ଆଶା କରାଯାଉଛି ।