18-Nov-2021

ପଦ୍ମପୁର(ନିରଞ୍ଜନ ତ୍ରିପାଠୀ): ପଦ୍ମପୁର ରୁ ଅନତିଦୂରରେ ଥିବା ବନୁପାଲି ଗ୍ରାମରେ କାର୍ତ୍ତିକ ଚତୁର୍ଦ୍ଦଶୀ ପର୍ବ ମହା ସମାରୋହରେ ପାଳିତ ହୋଇଯାଇଛି । ଏଥିରେ ପ୍ରଥମେ ଶିବ ଓ ହନୁମାନ ଭଗବାନଙ୍କ ପ୍ରତିମୂର୍ତ୍ତିକୁ ଘଣ୍ଟ, ଶଙ୍ଖ , ହୁଳହୁଳି ର ମିଳିତ ସ୍ୱରରେ କିର୍ତ୍ତନ ତାଳରେ ସ୍ବାଗତ କରାଯାଇଛି । ଏହି ଭଗବାନଙ୍କ ପ୍ରତିମୂର୍ତ୍ତି ଛତିଶଗଡ଼ ଧର୍ମ ଜାଗରଣ ଆବାହକ ଘନଶ୍ୟାମ ଦୀପ ପ୍ରଦାନ କରିଥିଲେ । ଏଥିରେ ମୁଖ୍ୟ ଅତିଥି ସମାଜସେବୀ ନରେନ୍ଦ୍ର ହୋତା , ଜିଲ୍ଲା ପରିଷଦର ସଭ୍ୟା ସଂଯୁକ୍ତା ମାଝୀ , ଓକିଲ ସଂଘର ସଭ୍ୟ ପ୍ରଶାନ୍ତ ମାଝୀ

ଯୋଗଦେଇଥିଲେ । ଏହା ସହ ବନୁପାଲି ଗ୍ରାମରେ ବୃକ୍ଷରୋପଣ ମଧ୍ୟ କରାଯାଇଛି । ରାଜକିଶୋର ରଥ,ସଚ୍ଚିଦାନନ୍ଦ ମେହେର, ଋଷି ମେହେର, ଶାନ୍ତି ମେହେର, ରାମକୃଷ୍ଣ ମେହେର, ଶିବ ମେହେର, ସୁଦାମ ମେହେର, ହଳ ମେହେର, ସଂକୀର୍ତ୍ତନ ମେହେର, ସଂଜୀବ ମେହେର ଓ ସମସ୍ତ ଗ୍ରାମବାସୀ ଙ୍କ ସହଯୋଗରେ ଏହା ଅନୁଷ୍ଠିତ ହୋଇଥିଲା । ପରିଶେଷରେ ସମସ୍ତଙ୍କୁ ପ୍ରସାଦ ସେବନ ର ବ୍ୟବସ୍ଥା କରାଯାଇଥିଲା।