18-Nov-2021

ବଲାଙ୍ଗୀର ( ପ୍ରେରଣା ଖବର) : ଶିଶୁ ପରିବାର ଠାରୁ ଦୂରରେ ରହିଲେ ତାର ବିକାଶ ପ୍ରକ୍ରିୟା ରେ ବାଧା ପହଞ୍ଚେ।ଶିଶୁ ଯତ୍ନ ଅନୁଷ୍ଠାନାଦି ମାଧ୍ୟମରେ ଶିଶୁ ର ଯତ୍ନ କରାଯାଉଥିଲେ ମଧ୍ୟ ପରିବାର ଭିତରେ ହିଁ ତାର ପ୍ରକୃତ ବିକାଶ ସମ୍ଭବ ହୋଇଥାଏ।ଅଭାବ ଅସୁବିଧା ଭିତରେ ତାର ବ୍ୟକ୍ତିତ୍ବ ର ପ୍ରକୃତ ପରିସ୍ଫୁଟନ ହୋଇଥାଏ । ଏଣୁ ଶିଶୁ ପାଇଁ ଉତ୍ତମ ପରିବାର ଓ ଅଭିଭାବକ ଜରୁରୀ ବୋଲି ମତ ଦେଇଛନ୍ତି ୱା ସି ଡି ଏ ବଲାଙ୍ଗୀର ଶାଖା ତରଫରୁ ଜଲିଆ ନିକଟରେ ଥିବା ଏ 3 ୱାର୍ଲ୍ଡ ପରିସରରେ ଶିଶୁ ର ପରିବାରରେ ରହିବାର ଆନନ୍ଦ ଉତ୍ସବ ର ଅତିଥି ମାନେ।

୧୦୦ ରୁ ଅଧିକ ଶିଶୁ,ସେମାନଙ୍କ ଅଭିଭାବକ, ଶିଶୁ ମଙ୍ଗଳ ସମିତି ର କର୍ମକର୍ତ୍ତା ଶିଶୁ ସୁରକ୍ଷା ୟୁନିଟ ର କର୍ମକର୍ତ୍ତା, ଗଣମାଧ୍ୟମ ପ୍ରତିନିଧି,ଶିକ୍ଷାବିତ୍ ,ସାମାଜିକ ଅନୁଷ୍ଠାନ ର କର୍ମକର୍ତ୍ତା ମାନଙ୍କୁ ନେଇ ଶିଶୁ ଅଧିକାର ସପ୍ତାହ ପାଳନ ଅବସରରେ ଏହି ମତ ପ୍ରକାଶ ପାଇଛି ।ୱା ସି ଡି ଏ ବଲାଙ୍ଗୀର ର ସୁବ୍ରତା ଜେନା , ସୁରେଶ ପ୍ରଧାନ, ଅରୁଣ ପ୍ରଧାନଙ୍କ ପରିଚାଳନା ରେ ଅନୁଷ୍ଠିତ ଏହି କାର୍ଯ୍ୟକ୍ରମରେ ଶିଶୁ ମାନଙ୍କୁ ଆନନ୍ଦ ସହ ଶିକ୍ଷା ପାଇଁ

ମ୍ୟାଜିକ ସୋ, ଚିତ୍ରାଙ୍କନ,ନାଚ ଗୀତ ସହ ଉତ୍ତମ ପରିବାର ସହ ଉତ୍ତମ ଅଭିଭାବକ,ମାତା ପିତା ଙ୍କ ଦାୟିତ୍ବ ତଥା କର୍ତ୍ତବ୍ୟ ସଂପର୍କରେ ଏକ ଆଲୋଚନା କରାଯାଇଥିଲା । ଜିଲ୍ଲା ଶିଶୁ ମଙ୍ଗଳ ସମିତି ର ଅଧ୍ୟକ୍ଷ ଯୋଗେଶ୍ବର ମହାନ୍ତି, ସଦସ୍ୟ ଡାକ୍ତର ଗୋଦାବରୀଶ ରଥ,ବିରଞ୍ଚି ନାରାୟଣ ବହିଦାର, ସୁନୀତା ତ୍ରିପାଠୀ, ନନ୍ଦିକିଶୋର ସାଣ୍ଢ, ଜିଲ୍ଲା ଶିଶୁ ସୁରକ୍ଷା ୟୁନିଟ ଡି ସି ପି ଓ ଲକ୍ଷ୍ମୀ ସିଂ,ଶିକ୍ଷାବିତ୍ ସନାତନ ଠାକୁର,ପୋଷ୍ଟର ମଦର ବିଦ୍ୟୁତ ଖମାରୀ,କେୟାର ଲିଭର ଶିବଶଂକର ପୃଷ୍ଟି, ୱା ସି ଡି ଏ ର ଅରୁଣ ପ୍ରଧାନ ଆଲୋଚନା ରେ ଅଂଶଗ୍ରହଣ କରିଥିଲେ । ଶେଷରେ ଆନନ୍ଦିନୀ ରଥ ଧନ୍ୟବାଦ ଅର୍ପଣ କରିଥିଲେ ।