17-Nov-2021

କଳାହାଣ୍ଡି,ଗୋଲାମୁଣ୍ଡା(ତ୍ରିନାଥ ବେଶ୍ରା ): କାେଭିଡ ମହାମାରୀ ଯାେଗୁଁ ଦେଶ ତଥା ସାରା ଓଡିଶା ରାଜ୍ୟରେ ଶିକ୍ଷା ବ୍ୟବସ୍ଥା ବିପର୍ଯ୍ୟସ୍ତ  ହୋଇ ପଡିଛି। ସ୍କୁଲ ଯାଉଥିବା ଛାତ୍ରଛାତ୍ରୀ ମାନେ ପାଠ ପଢିବାର ସୁଯୋଗ ପାଇ ନ ପାରି ପାଠ ପଢାରୁ ବଞ୍ଚିତ ହୋଇଛନ୍ତି।ଏହାକୁ ଦୃଷ୍ଟିରେ ରଖି ଆତ୍ମଶକ୍ତି ଟ୍ରଷ୍ଟ  ଇଣ୍ତିଆ, ମହିଳା ଶ୍ରମଜୀବୀ ମଞ୍ଚ ଓଡିଶା, ଓଡିଶା ଶ୍ରମଜୀବୀ ମଞ୍ଚ ଓଡିଶା ଓ ନାଗରିକ ବିକାଶ  ସଂଗଠନ କଳାହାଣ୍ଡିଙ୍କ ଦ୍ବାରା ଗତ ଜୁଲାଇ ୨୦୨୦ ବର୍ଷ ମିଶନ ୩,୫,୮, କାର୍ଯ୍ୟକ୍ରମ ଆରମ୍ଭ କରାଯାଇଥିଲା । ପରବର୍ତ୍ତୀ ସମୟରେ ଫେବ୍ରୁଆରି ୨୦୨୧ ରେ କଳାହାଣ୍ଡି  ଜିଲ୍ଲାର  ଗୋଲାମୁଣ୍ଡା  ବ୍ଲକର ବିଭିନ୍ନ ଗ୍ରାମରେ Remidial Class ଖୋଲାଯାଇ ସ୍ବେଚ୍ଛାସେବୀ ମାନଙ୍କ ଦ୍ବାରା ଶିକ୍ଷାଦାନର ବ୍ୟବସ୍ଥା କରାଯାଇଥିଲା ଓ ପରେ ଛାତ୍ରଛାତ୍ରୀ ମାନଙ୍କ ଶିକ୍ଷାର ଗୁରୁତ୍ବକୁ ଉପଲବଧି କରି ମିଶନ ୧  ଲକ୍ଷ୍ୟ ଭଲି ଏକ ବଳିଷ୍ଠ ପଦକ୍ଷେପ ନିଆଯାଇଥିଲା।

ପ୍ରତି ଗ୍ରାମରେ ସ୍ବେଚ୍ଛାସେବୀ ମାନଙ୍କ ମାଧ୍ୟମରେ ଓଡିଶାରେ ଏକ ଲକ୍ଷ ଛାତ୍ରଛାତ୍ରୀଙ୍କୁ ଶିକ୍ଷାଦାନର ବ୍ୟବସ୍ଥା  କରାଯାଇଥିଲା ମୋ ଚାଟଶାଳୀ ଅଧିନରେ।
ବର୍ତ୍ତମାନର ଆବଶ୍ୟକତାକୁ ଲକ୍ଷ୍ୟ କରି ସାରା ରାଜ୍ୟରେ ୫ ଲକ୍ଷ ଛାତ୍ରଛାତ୍ରୀଙ୍କୁ   ମିଶନ ଚାଟଶାଳୀ ମାଧ୍ୟମରେ ଶିକ୍ଷା ପ୍ରଦାନ କରାଯିବାର ଯୋଜନାର ଶୁଭାରମ୍ଭ ସାମ୍ବାଦିକ ସମ୍ମିଳନୀ ମାଧ୍ୟମରେ  କରାଯାଇଛି ।  ଏହି ଯୋଜନାର ମୁଖ୍ୟ ଉଦ୍ଦେଶ୍ୟ ହେଉଛି ଦୁଇ ବର୍ଷ ବିଦ୍ୟାଳୟ ବନ୍ଦ ଥିବାରୁ ଶିକ୍ଷାର ଶିକ୍ଷଣ ସ୍ତର କମିଯାଇଛି ସେହି ଶିକ୍ଷାର ଅଭାବ ପୂରଣ ନିମନ୍ତେ ନାଗରିକ ବିକାଶ ସଂଗଠନ କଳାହାଣ୍ଡି ମିଶନ ଚାଟଶାଳୀ ଆରମ୍ଭ କରିଛନ୍ତି। ବର୍ତ୍ତମାନ ରାଜ୍ୟ  ସରକାର ଆଂଶିକ ବିଦ୍ୟାଳୟ ଖୋଲିବା ନିମନ୍ତେ ଅନୁମତି ଦେଇଛନ୍ତି l ତେବେ ଶିକ୍ଷାର ଅଭାବ ପୂରଣ କରିବା ନିମନ୍ତେ   ବିକଳ୍ପ ଭାବେ ପ୍ରତିକାର ଶିକ୍ଷା କାର୍ଯ୍ୟକ୍ରମ ଭାବରେ  ମିଶନ ଚାଟଶାଳୀକୁ ସମର୍ଥନ କରିପାରିବେ। ଏହି  ସାମ୍ବାଦିକ ସମ୍ମିଳନୀରେ ମୁଖ୍ୟ ଅତିଥି ଭାବେ ସ୍ଥାନୀୟ ଚହକା   ଗ୍ରାମ ପଞ୍ଚାୟତର ନାଏବ୍   ସରପଞ୍ଚ ଶ୍ରୀଯୁକ୍ତ ଉମେଶ ବାରିକ , ୱାର୍ଡ  ସଭ୍ୟ    ଶ୍ରୀଯୁକ୍ତ ତୁଳସୀ ସିକ୍କା, ସ୍ଵେଛାସେବୀ ପ୍ରସନ୍ନ କୁମାର ସାହୁ, କେଶବ ପୂଜାରୀ, କୁନ୍ତି ବାଗ, ସନାତନ ନାଏକ, ମମତା ସିକା, ଲିଲି ଜାଲ, ସଂଗଠନ ସଭାନେତ୍ରୀ ଅହଳ୍ୟା ବେଶ୍ରା,ସମ୍ପାଦିକା ଧିରା ବାଗ,ସଭ୍ୟା ଲବଣୀ ନାଏକଙ୍କ ସମେତ ସାମ୍ବାଦିକ ମାନମସ୍ତେ ନେ ଯୋଗ ଦେଇଥିଲେ  । ଉକ୍ତ କାର୍ଯ୍ୟକ୍ରମକୁ  ନାଗରିକ ବିକାଶ ସଂଗଠନ କଳାହାଣ୍ଡି କର୍ମକର୍ତ୍ତା ମାନେ ଯଥା ବ୍ଳକ ସଂଯୋଜକ ଗୌରବ  ସୁନାନୀ, ଜନସାଥୀ ଝସ୍କେତନ ସାଗର, ଜୟକୁମାର ସୁନାନୀ, ଆଶ୍ରିତା କର, ଅକ୍ଷୟ କୁମାର, ପବିତ୍ର ବେଶ୍ରା, କୁଳମନି ହରିଜନ ଯୋଗ ଦେଇ କାର୍ଯ୍ୟକ୍ରମକୁ ପରିଚାଳନା  କରିଥିଲେ।