17-Nov-2021

ଜଗତସିଂହ ପୁର(ପ୍ରେରଣା ଖବର) ଆଜି ଓଡ଼ିଶା ସରକାରୀ ଚୁକ୍ତିଭିତିକ କର୍ମଚାରୀ ମହାସଂଘ, ଜଗତସିଂହପୁର ଜିଲ୍ଲା ଶାଖାର କାର୍ଯ୍ୟକାରିଣୀ ବୈଠକ ବାବା ଗୋରେଖନାଥ ପୀଠରେ ତା: ୧୨.୧୧.୨୦୨୧ ରିଖରେ ଅନୁଷ୍ଠିତ ହୋଇଯାଇଛି । ଉକ୍ତ ବୈଠକରେ ନୂତନ କର୍ମକର୍ତ୍ତା ଚୟନ କରାଯାଇ; ଲୋଜାଲିନୀ ପଣ୍ଡାଙ୍କୁ ସଭାପତି, ଶାରଦା ପ୍ରସାଦ ନାୟକ ଙ୍କୁ ସମ୍ପାଦକ ଓ ମନୋଜ କୁମାର ବେଉରାଙ୍କୁ  କୋଷାଧ୍ୟକ୍ଷ ରୂପେ ମନୋନୀତ  କରାଗଲା । ପୁନଶ୍ଚ ତା ୧୧.୧୦.୨୦୨୧ ରିଖରେ ହୋଇଥିବା ରାଜ୍ୟ କ୍ୟାବିନେଟ ର ନିଷ୍ପତ୍ତି ଏବଂ ତା ୨୭.୧୦.୨୦୨୧ ରିଖରେ ରାଜ୍ୟ ସରକାରଙ୍କ ତରଫରୁ ବାହାରିଥିବା ବିଜ୍ଞପ୍ତିରେ ମହାସଂଘ ସନ୍ତୁଷ୍ଟ ନାହିଁ ବୋଲି ସଂଘର କର୍ମକର୍ତ୍ତାମାନେ ପ୍ରକାଶ କରିଛନ୍ତି । ଏକ ଅସମ୍ବିଧାନିକ ଚୁକ୍ତିଭିତ୍ତିକ ନିଯୁକ୍ତି ଅଧିନିୟମ ୨୦୧୩  ଅନୁଯାୟୀ ଚୁକ୍ତିଭିତ୍ତିକ କର୍ମଚାରୀଙ୍କୁ ୬ ବର୍ଷ ଗୋତି ଖଟାଯାଉଛି । ତେଣୁ ରାଜ୍ୟର ହଜାର ହଜାର ଯୁବ କର୍ମଚାରୀଙ୍କ ହିତକୁ ଦୃଷ୍ଟିରେ ରଖି ଏଭଳି କୁସ୍ଚିତ ପ୍ରଥାକୁ ସମ୍ପୂର୍ଣ ଉଚ୍ଛେଦ କରିବା ସହ ମାନ୍ୟବର ସୁପ୍ରୀମ କୋର୍ଟଙ୍କ “ସମାନ କାମକୁ ସମାନ ଦରମା” ରାୟକୁ ଅବିଳମ୍ବେ କାର୍ଯ୍ୟକାରୀ କରିବା ପାଇଁ ସଂଘ ଦାବି କରିବା ସହ ଆଗାମୀ ପଞ୍ଚାୟତ ନିର୍ବାଚନ ପୂର୍ବରୁ ଦାବୀ ଗୁଡିକ ପୂରଣ ନହେଲେ ସାମ୍ବିଧାନିକ ବିଧି ବ୍ୟବସ୍ଥା ମଧ୍ୟରେ ସଂଘ ଆନ୍ଦୋଳନ ପାଇଁ ରାଜ ରାସ୍ତାକୁ ଓହ୍ଲାଇବ ବୋଲି ଚେତାବନୀ ଦେଇଛନ୍ତି । ଏହି ସଭାରେ ସମସ୍ତ କର୍ମକର୍ତ୍ତା ଉପସ୍ଥିତ ଥିଲେ।