15-Nov-2021

ଧର୍ମଗଡ଼(ଜ୍ୟୋତିରଞ୍ଜନ ବେମାଲ )
 କଳାହାଣ୍ଡି ଜିଲ୍ଲା ଧର୍ମଗଡ଼ ବ୍ଲକ୍ ଜିଇଓ ଟ୍ୟାଗ୍  କର୍ମଚାରୀ ସଂଘ ତରଫରୁ ବିଭିନ୍ନ ସମସ୍ୟା ର ସମାଧାନ ନିମନ୍ତେ  ମୁଖ୍ୟ ମନ୍ତ୍ରୀ ଙ୍କ ଉଦ୍ଦେଶ୍ୟରେ  ବିଡ଼ିଓ ଙ୍କ ଜରିଆରେ ଏକ ଚାରୀ ଦଫା ଦାବିପତ୍ର ପ୍ରଦାନ କରିଛନ୍ତି । ପଞ୍ଚାୟତ ଓ ପାନୀୟ ଜଳ ବିଭାଗ ଚିଠି ନଂ  ୧୧୯୨୭/ ୦୫.୦୭.୨୦୧୭ ଠାରୁ ଜୀଇଓ ଟ୍ୟାଗ କର୍ମଚାରୀ ମାନେ କାର୍ଯ୍ୟ କରୁଛନ୍ତି । କର୍ମଚାରୀ ମାନେ ସରକାରି ଆବାସ ଯୋଜନା ରେ ଗୃହ ପାଇଥିବା ହିତାଧିକାରି ଙ୍କ ଠାରୁ ନଥି ପତ୍ର ଆଣି ଅନଲାଇନ୍ ପଞ୍ଜୀକରଣ , ଗୃହ ଫଟୋ ଉଠାଇବା , ଡାଟା ଏଣ୍ଟ୍ରି କରିବା ଠାରୁ ବିଭିନ୍ନ ସମୟରେ ଜନ କଲ୍ୟାଣ କାର୍ଯ୍ୟରେ ନିୟୋଜିତ ହୋଇ କାର୍ଯ୍ୟ କରୁଛନ୍ତି।

କିନ୍ତୁ ପାରିଶ୍ରମିକ ବାବଦରେ  ଗୋଟିଏ ଜିଇଓ ଟେଗ ପିଛା ୫୦ ଟଙ୍କା ମିଲୁଛି । ଏତିକି ଟଙ୍କା ରେ ପରିବାର ପୋଷଣ କରିବା ଅସମ୍ଭବ ହୋଇଛି । ଏଣୁ ସେମାନଙ୍କୁ ଡାଟା ଏଣ୍ଟ୍ରି ଭାବେ ସ୍ଵତନ୍ତ୍ର ନିଯୁକ୍ତି ଦିଆଯାଇ ମାସିକ ପାରିଶ୍ରମିକ ଦେବା ସହ ଅନ୍ୟାନ୍ୟ ସୁବିଧା ଦେବା ପାଇଁ  ଦାବିପତ୍ର ରେ ଦର୍ଶାଇଛନ୍ତି । ଧର୍ମଗଡ଼ ବ୍ଲକ୍ ସଂଘ ସଭାପତି ଲକ୍ଷ୍ମୀକାନ୍ତ ନାଏକ ଙ୍କ ନେତୃତ୍ୱରେ  ଦିନେଶ ସ୍ୱାଇଁ , ଦେବେନ୍ଦ୍ର ବାଗ , ସ୍ୱରୂପ ପୁରୋହିତ , ଜୟପ୍ରକାଶ ବେହେରା , ଜ୍ୟୋତିରଞ୍ଜନ ବେମାଲ, ପ୍ରଦୀପ କୁମାର ସାହୁ  ହରିପ୍ରସାଦ ସା ପ୍ରମୁଖ ଉପସ୍ଥିତ ହୋଇ ଏହି ଦାବି ପତ୍ର ପ୍ରଦାନ କରିଛନ୍ତି ।