15-Nov-2021

କଳାହାଣ୍ଡି,କୋକସରା(ତ୍ରିନାଥ ବେଶ୍ରା )
କଳାହାଣ୍ଡି ଜ଼ିଲ୍ଲା କୋକସରା ବ୍ଲକ ଅଧୀନରେ ଥିବା ଶିଶୁ ବିକାଶ ଯୋଜନା କାର୍ଯ୍ୟାଳୟ ରେ ପରିଚାଳିତ ହେଉଥିବା ପ୍ରତେକ ଅଙ୍ଗନବାଡି କେନ୍ଦ୍ରଠାରେ ପଣ୍ଡିତ ଜବାହରଲାଲ ନେହେରୁ ଙ୍କ 132 ତମ ଜନ୍ମଦିନ ପାଳନ କରା ଯାଇଥିଲା l ନେହେରୁଙ୍କ ଜନ୍ମଦିନ ଦିନ ସହ ଶିଶୁ ଦିବସ ମଧ୍ୟ ପାଳନ କରାଯାଇ ଥିବା ଦେଖିବାକୁ ମିଳିଥିଲା! ଆଜିର ଶୁଭ ଦିନରେ କାଉ ଡୋଳା, ସର୍ଗୀଗୁଡ଼ା ଓ ପ୍ରତେକ ଅଙ୍ଗନବାଡି କେନ୍ଦ୍ରରେତିନି ବର୍ଷ ରୁ ଛଅ ବର୍ଷ ର ପ୍ରାକ ବିଦ୍ୟାଳୟ ପିଲାମାନଙ୍କୁ ମାଳତୀ ଦେବୀ ପ୍ରାକବିଦ୍ୟାଳୟ ପରିଧାନ ଯୋଜନାରେ ସ୍ୱିଟର, ଜୋତା ଓ ମୌଜା ବଣ୍ଟନ କରାଗଲା !

ପିଲାଙ୍କୁ ପୌଷାକ ବଣ୍ଟନ ପୂର୍ବରୁ ନେହେରୁ ଙ୍କ ଫୋଟୋରେ କାଉ ଡୋଳା ସରପଞ୍ଚ ଶ୍ରୀମତି ଜମ୍ବୁ ବତି ସାହୁ ନେହେରୁ ଙ୍କ ଫୋଟୋ ରେ ଦୀପ ପ୍ରଜ୍ୱଳନ କରି ପୁଷ୍ପମାଲ୍ୟ ଅର୍ପଣ କରି ଥିଲେ !ସ୍ଥାନୀୟ ଅଙ୍ଗନବାଡ଼ି କର୍ମୀ ଶ୍ରୀମତୀ ତୁଳସୀ ବେଶ୍ରା ଶିଶୁ ଦିବସ ଉପରେ ପିଲାଙ୍କୁ କିଛି ଶିକ୍ଷା ଦେଇ  ମାଳତୀ ଦେବୀ ପ୍ରାକ ବିଦ୍ୟାଳୟ ପରିଧାନ ଯୋଜନା  ଉପରେ ଉପସ୍ଥିତ ଥିବା ଏସଏଚଜି ର ମହିଳା, ସ୍ଥାନୀୟ ଶିକ୍ଷକ,ଗ୍ରାମର ଭଦ୍ର ବ୍ୟକ୍ତି, ୱାର୍ଡମେମ୍ବର, ଶିଶୁ ମାନଙ୍କ ମାଆ ମାନଙ୍କ ଆଗରେ ସୁନ୍ଦର ଭାବରେ ବୁଝାଇ ଥିବା ଦେଖିବାକୁ ମିଳିଥିଲା ! ଏହି ଅବସରରେ ପିଲାଙ୍କୁ ସୁ ଇଟର ଓ ବୁଟ ବଣ୍ଟନ କରି ଚକ୍ଲେଟ୍ ବଣ୍ଟନ କରାଗଲା! ଉପସ୍ଥିତ ଥିବା ବ୍ୟକ୍ତି ବିଶେଷ ଙ୍କ ମଧ୍ୟରୁ ସ୍ଥାନୀୟ  ଗ୍ରାମର ତିନି ନମ୍ବର ୱାର୍ଡ ମେମ୍ବର ଶ୍ରୀମତୀ ବନିତା କର, ଏସଏଚଜି ର ମାଆ ମାନଙ୍କ ମଧ୍ୟରୁ ପାର୍ବତୀ ନାୟକ , ରୁକ୍ମଣୀ ପାତ୍ର ,ଯାଞ୍ଚ କମିଟି ପକ୍ଷରୁ କାମଦେବ ବେଶ୍ରା ଓ ସ୍ଥାନୀୟ ଶିକ୍ଷକ ସହ କିଛି ଭଦ୍ର ବ୍ୟକ୍ତି କାର୍ଯ୍ୟକ୍ରମରେ ସାମିଲ ହୋଇ ସହଯୋଗ କରି ଥିଲେ !