05-Nov-2020

ଖପ୍ରାଖୋଲ (ଗୋରେଖନାଥ ବରିହା) - ଖପ୍ରାଖୋଲ ବ୍ଲକ ଅନ୍ତର୍ଗତ ଲୁହା ସିଂହା ସମବାୟ ସମିତି ର ସମ୍ପାଦକ ଙ୍କୁ ପରିବର୍ତ୍ତନ କରିବା ପାଇଁ ଅଞ୍ଚଳବାସୀ ଙ୍କ ଦାବି। ସୂଚନାଯୋଗ୍ୟ ଯେ ଲୁହା ସିଂହା ସମବାୟ ସମିତି ରେ ୫ ଖଣ୍ଡ ପଞ୍ଚାୟତ ତଥା ୨୯ ଖଣ୍ଡ ଗ୍ରାମର ଲୋକମାନେ ନିର୍ଭର କରନ୍ତି। ଏହି ଲୁହା ସିଂହା ସମବାୟ ସମିତି ର ସମ୍ପାଦକ ଭାବରେ ବଲାଙ୍ଗିର ଜିଲ୍ଲା ର କେନ୍ଦ୍ର ସମବାୟ ବ୍ୟାଙ୍କ ଲାଠୋର ଶାଖା ର ସୁପରଭାଇଜର  ଅଶୋକ କୁମାର ମିଶ୍ର ଙ୍କୁ ଏହି ସମିତି ରେ ସମ୍ପାଦକ କାର୍ଯ୍ୟ ତୁଲାଇବା ନିମନ୍ତେ ଦାୟିତ୍ଵ ଦେଇଛନ୍ତି। କିନ୍ତୁ ମିଶ୍ର ସାତ ଗୋଟି ସମବାୟ ସମିତି ର ସମ୍ପାଦକ ଭାବରେ ନିଯୁକ୍ତ ଅଛନ୍ତି, ଯାହା ଫଳରେ ଏହି ସମବାୟ ସମିତି ର କାର୍ଯ୍ୟ ତୁଲାଇବା ପାଇଁ ସମୟ ପାଉନାହାନ୍ତି। ଯଦ୍ବାରାକି ଏହି ଅଞ୍ଚଳ ର ଚାଷୀ ମାନେ ଋଣ ଦେଣ ଲେଣ ଓ ସାର୍ ପାଇଁ ସମ୍ପାଦକ ଙ୍କୁ ସାକ୍ଷାତ କରି ପାରୁନାହାନ୍ତି। ବାରମ୍ବାର ଆସି ଆସି ହଇରାଣ ହରକତ ହୋଇଥାନ୍ତି। ସେଥିପାଇଁ ଅଞ୍ଚଳବାସୀ ଦୁଃଖ ପ୍ରକାଶ କରିଛନ୍ତି। ନିଜ ଅଞ୍ଚଳର ସୁବିଧା କରିବା ସକାଶେ ଏଠାରେ ଅନ୍ୟ ଏକ ସମ୍ପାଦକ ଙ୍କୁ ନିଯୁକ୍ତି ଦିଆଯାଉ ବୋଲି ଅଞ୍ଚଳ ବାସୀ ଦାବି କରିଛନ୍ତି।