02-Nov-2021

ଗଞ୍ଜାମ (ଉମା ମହାରଣା) ସମଗ୍ର ଦେଶରୁ ପୋଲିଓ ନିରାକରଣ ପାଇଁ ଜନ ସଚେତନତା ସୃଷ୍ଟି କରିବାରେ  ରୋଟାରୀ କ୍ଳବ ସମେତ ବିଭିନ୍ନ ସ୍ବେଚ୍ଛାସେବୀ ସଂଗଠନ ଗୁଡିକର ଗୁରୁ ଦାୟିତ୍ୱ ରହିଛି ବୋଲି ରୋଟାରୀ କ୍ଳବ ଅଫ୍ ବ୍ରହ୍ମପୁର ଇଷ୍ଟ ତରଫରୁ ଆୟୋଜିତ ଏକ ସେମିନାର୍ ରେ ଗଂଜାମ ଜିଲ୍ଲା ମୁଖ୍ୟ ଚିକିତ୍ସାଧିକାରୀ ଡଃ  ଉମାଶଙ୍କର ମିଶ୍ର ମତ ବ୍ୟକ୍ତ କରି ଛନ୍ତି ।ପୋଲିଓ ନିରାକରଣ ପାଇଁ ପାଣ୍ଠି ସଂଗ୍ରହ ଉଦ୍ଦେଶ୍ୟରେ ଆୟୋଜିତ ସେମିନାର୍ ରେ ମୁଖ୍ୟ ଅତିଥି ରୂପେ ଯୋଗଦେଇ ଡାକ୍ତର ମିଶ୍ର ଜଳ ଓ ପରିମଳ ବ୍ୟବସ୍ଥା ଉପରେ ଗୁରୁତ୍ୱ ଦେଇ ଜଳଦ୍ବାରା ପୋଲିଓ ପ୍ରସାର ଲାଭ କରିଥାଏ ବୋଲି ପ୍ରକାଶ କରିଥିଲେ ।କୋରୋନା ର ସାଂପ୍ରତିକ ସ୍ଥିତି ଉପରେ ମତପ୍ରକାଶ କରି ବର୍ତ୍ତମାନ ସୁଦ୍ଧା କୋରୋନା ହଟିନାହି ଏବଂ ସମସ୍ତେ କୋରୋନାର ଗାଇଡ୍ ଲାଇନ୍ ମାନି ଚଳିବାକୁ ହେବ ବୋଲି ସତର୍କ କରିଥିଲେ ।ଧର୍ମନଗର ସ୍ଥିତି କ୍ଳବର ସଭାଗୃହରେ କ୍ଳବର ସଭାପତି କାମରାଜୁ ମହାରଣା ଙ୍କ ସଭାପତିତ୍ବରେ ଆୟୋଜିତ ସେମିନାର୍ ରେ ରୋଟାରୀ ଜିଲ୍ଲା-3262ର କାର୍ଯ୍ୟକାରୀ ସଂପାଦକ ରୋଟାରୀଆନ୍ ଡି.ଶ୍ରୀନିବାସ ପୃଷ୍ଟି ,ସହକାରୀ ପ୍ରାନ୍ତ ପାଳ ଭି.ଅଜୟ ରାଜୁ ,ଡାକ୍ତର ଗୀତାଞ୍ଜଳୀ ଦାଶ ସମ୍ମାନିତ ଅତିଥି ଭାବେ ଯୋଗଦେଇ ରୋଟାରୀ କ୍ଳବ ଅଫ୍ ବ୍ରହ୍ମପୁର ଇଷ୍ଟର ବିଭିନ୍ନ କାର୍ଯ୍ୟକ୍ରମର ପ୍ରଶଂସା କରିଥିଲେ ।ଏହି ଅବସରରେ ଜିଲ୍ଲା ଦ୍ବାରା ପ୍ରଦତ୍ତ ସିଡିଏମଓ ଡାକ୍ତର ମିଶ୍ରଙ୍କୁ କୋରୋନା ଯୋଦ୍ଧା ମାନ ପତ୍ର କ୍ଳବ ସଭାପତି ପ୍ରଦାନ କରିଥିଲେ ।ପୂର୍ବତନ ସଭାପତି ଡାକ୍ତର ସମ୍ବିତ ବେଗ୍ ରାୟ ପଲ୍ସ ପୋଲିଓ ପାଣ୍ଠି ବୃଦ୍ଧି , ଅଜିତ କୁମାର ପୃଷ୍ଟି କୃତ୍ରିମ ଅଙ୍ଗ ପ୍ରଦାନ ସକ୍ଷମ-3 ର ଆଗାମୀ କାର୍ଯ୍ୟକ୍ରମ ଉପରେ ବକ୍ତବ୍ଯ ରଖିଥିଲେ,ପ୍ରଦୀପ କୁମାର ପଣ୍ଡା ମୁଖ୍ୟ ଅତିଥିଙ୍କର ପରିଚୟ  ପ୍ରଦାନ କରିଥିଲେ ।ପୂର୍ବତନ ସଭାପତି ପି.ସତ୍ୟନାରାୟଣ ମୁଖ୍ୟ ଅତିଥି ଓ ଅନ୍ୟାନ୍ୟ ଅତିଥି ମାନଙ୍କୁ ଧନ୍ୟବାଦ ଅର୍ପଣ କରିଥିଲେ । ଶେଷରେ ପୂର୍ବତନ ସଭାପତି ପ୍ରଦୀପ କୁମାର ପଣ୍ଡା ଓ ରୋଟାରୀଆନ୍ ଲଳିତ ମଙ୍ଗରାଜ ଙ୍କ ପ୍ରଚେଷ୍ଟାରେ  ପୁରୀ ଜଗନ୍ନାଥ ମନ୍ଦିରରୁ ଆସିଥିବା ଅବଢା ମହାପ୍ରସାଦ ଉପସ୍ଥିତ ସମସ୍ତ ସଭ୍ୟ ଓ ଅତିଥି ମାନଙ୍କୁ ପରିବେଷଣ କରାଯାଇଥିଲା ଏହି କାର୍ଯ୍ୟକ୍ରମରେ ବ୍ରହ୍ମପୁରସ୍ଥିତ ସମସ୍ତ ରୋଟାରୀ କ୍ଳବର ସଭାପତି ଓ ସଭ୍ୟ ବୃନ୍ଦ ଅଂଶ ଗ୍ରହଣ କରିଥିଲେ ।