25-Oct-2021

ବଲାଙ୍ଗିର- ବ୍ୟାଙ୍କ କର୍ତ୍ତୃପକ୍ଷ ଓ ପରିଚାଳନା ମଣ୍ଡଳୀର ମନମୁଖୀ ଶାସନର ପ୍ରତିବାଦରେ ଗତ ତା.୧୭.୧୦.୨୦୨୧ ରେ ସଂଘର କାର୍ଯ୍ୟକାରିଣୀ ବୈଠକରେ ଏହାର ତିବ୍ର ବିରୋଧ କରିବା ପାଇଁ ନିଷ୍ପତ୍ତି ଗ୍ରହଣ କରାଯାଇଥିଲା । ନିଷ୍ପତ୍ତି ମୁତାବକ ସଂଘର ଆଭିମୁଖ୍ୟ ଓ ସଂଘକୁ ଶ୍ରମିକମାନଙ୍କର ନ୍ୟାର୍ଯ୍ୟ ଦାବି ଉପରେ ଆଲୋଚନା କରିବାକୁ ଆମନ୍ତ୍ରଣ କରିବା ପାଇଁ ଲିଖିତ ଭାବରେ ଅବଗତ କରିଦିଆଯାଇଥିଲା । କିନ୍ତୁ ବ୍ୟାଙ୍କ କର୍ତ୍ତୃପକ୍ଷ ଆଜି ପର୍ଯ୍ୟନ୍ତ ସଂଘକୁ ଆଲୋଚନା ପାଇଁ ଆମନ୍ତ୍ରଣ କରିନଥିବାରୁ ବାଧ୍ୟ ହୋଇ ଆନ୍ଦୋଳାତ୍ମକ ପନ୍ଥା ଗ୍ରହଣ କରିବାକୁ ସଂଘ ବାଧ୍ୟ ହୋଇଛି ବୋଲି ସଂଘ ସଂପାଦକ ପୁଲିନ ମିଶ୍ର ଓ ସଭାପତି ସତ୍ୟନାରାୟଣ ମିଶ୍ର ଏକ ପ୍ରେସ ବିଜ୍ଞତ୍ତି ଜରିଆରେ ଜଣାଇଅଛନ୍ତି । କର୍ମଚାରୀମାନଙ୍କର ନ୍ୟାର୍ଯ୍ୟଦାବି ପ୍ରତି ବ୍ୟାଙ୍କ କର୍ତ୍ତୃପକ୍ଷ ଓ ମହାପ୍ରବନ୍ଧକମାନଙ୍କ ଉଦାସିନତା ମନୋଭାବର ପ୍ରତିବାଦରେ ଆସନ୍ତା ନଭେମ୍ବର ୯ ଓ ୧୦ ତାରିଖରେ ବ୍ୟାଙ୍କର ୪୩୫ ଶାଖା, ମୁଖ୍ୟ କାର୍ଯ୍ୟାଳୟ  ଓ ଆଞ୍ଚଳିକ କାର୍ଯ୍ୟାଳୟରେ କାର୍ଯ୍ୟରତ ୬୦୦ ରୁ ଅଧିକ କର୍ମଚାରୀ କାର୍ଯ୍ୟବନ୍ଦ ଆନ୍ଦୋଳନକୁ ଓହ୍ଲାଇବେ ବୋଲି ସୂଚନା ଦେଇଛନ୍ତି । ଆହୁରି ମଧ୍ୟ ସେମାନେ ଜଣାଇଛନ୍ତି ଏହି ଦୁଇ ଦିନିଆ ଧର୍ମଘଟରେ ଯଦି ବ୍ୟାଙ୍କ କର୍ତ୍ତୃପକ୍ଷଙ୍କ ମନୋଭାବରେ ପରିବର୍ତ୍ତନ ନ ଆସେ ଏବଂ ସଂଘର ନ୍ୟାର୍ଯ୍ୟ ଦାବି ଉପରେ କର୍ଣ୍ଣପାତ ନ କରନ୍ତି ଆଗାମୀ ଦିନରେ ଆନ୍ଦୋଳନକୁ ତିବ୍ରତର କରି ୧୭ଟି ଜିଲ୍ଲାର ସମସ୍ତ ଶାଖାକୁ ଅଚଳ କରିଦିଆଯିବ ବୋଲି ଚେତାବନୀ ଦେଇଛନ୍ତି ।