04-Nov-2020

ଢେଙ୍କାନାଳ, (ଦୀପକ କୁମାର ଷଡଙ୍ଗୀ ଙ୍କ ରିପୋର୍ଟ) ଢେଙ୍କାନାଳ ଜିଲ୍ଲାର କରୋନା ୱାରିଅର ମାନଙ୍କୁ ଯେଉଁ ଛଟେଇ କରାଯାଇଥିଲା ତାହାକୁ ନେଇ ଜିଲ୍ଲାପାଳଙ୍କୁ ଭେଟିଛନ୍ତି ସଂଘ । ସରକାରଙ୍କ ନିୟମ ଅନୁଯାୟୀ 90 ଦିନର କାର୍ଯ୍ୟ ପରେ ଏଏନଏମ ମାନଙ୍କୁ ଜିଲ୍ଲାପାଳ ଛଟେଇ କରିଦେଇଥିଲେ। ସେମାନଙ୍କୁ ପୁନଃ ନିଯୁକ୍ତି ପାଇଁ ସେମାନେ ଜିଲ୍ଲାପାଳ, ସିଡିଏମଓ ଏବଂ ମନ୍ତ୍ରୀ ପ୍ରଫୁଲ୍ଲ ମାଲିକ ଙ୍କୁ ଜଣାଇଲେ ମଧ୍ୟ କୌଣସି ସନ୍ତୋଷମୂଳକ ଉତ୍ତର ପାଇନଥିଲେ। ସେଥିପାଇଁ ଗତ 26 ତାରିଖ ରେ ଜିଲାପାଳଙ୍କ କାର୍ଯ୍ୟାଳୟ ସମ୍ମୁଖରେ ସଂଘ ରାଜ୍ୟ ସଭାପତି ଇଞ୍ଜିନିୟର ଦେବାଶିଷ ହୋତା ଙ୍କ ସହ ଧାରଣା ମଧ୍ୟ ଦେଇଥିଲେ। ଏହାକୁ ଦମନ କରିବାକୁ ଯାଇ ପୋଲିସ ସେମାନଙ୍କୁ ଗିରଫ ମଧ୍ୟ କରିଥିଲା । ଗତକାଲି ଖୋର୍ଦ୍ଧା ସିଡିଏମଓ ଏହି କରୋନା ୱାରିଅରଙ୍କ କାର୍ଯ୍ୟ ସୀମା ବଢାଇଥିବାରୁ, କାହିଁକି ଢେଙ୍କାନାଳ ରେ ସେମାନଙ୍କ କାର୍ଯ୍ୟ ସୀମା ବଢ଼ାଯିବ ନାହିଁ, ସେଥିପାଇଁ ସଂଘ ପ୍ରଶ୍ନ କରିଛି । ବର୍ତ୍ତମାନ ମଧ୍ୟ ଜିଲ୍ଲାରେ 300 ରୁ ଅଧିକ କରୋନା ରୋଗୀ ଥିବା ବେଳେ, ଗାଁ ଗାଁ ବୁଲି କର୍ମୀ ମାନେ ଲୋକଙ୍କ କରୋନା ପରୀକ୍ଷା, ସ୍ୱାବ ସଂଗ୍ରହ ଆଦି କାର୍ଯ୍ୟ ର ଆବଶ୍ୟକତା ରହିଛି ବୋଲି ସଂଘ ଦାବି କରିଛି।  ସଂଘ ଏଥିପାଇଁ ଜିଲ୍ଲାପାଳ ଙ୍କୁ ଭେଟିଥିଲେ ମଧ୍ୟ ସେମାନଙ୍କ କାର୍ଯ୍ୟ ସୀମା ବଢାଯାଇପାରିବ ନାହିଁ ବୋଲି ଜିଲାପାଳ ମନା କରିଦେଇଥିଲେ।