14-Oct-2021

ପାଟଣାଗଡ (ପ୍ରେରଣା ଖବର) : ନୂତନ ଭାବରେ ଯୋଗଦେଇ ଥିବା ପାଟଣାଗଡ ଉପଜିଲ୍ଲାପାଳ ତଥା ଉପଖଣ୍ଡ ମାଜିଷ୍ଟେଟ ବିଜୟାନନ୍ଦ ସେଠୀ ଙ୍କ କୋଭିଡ ସୁରକ୍ଷା ରଣନିତୀ ସମ୍ମୂର୍ଣ ବିଫଳ ହୋଇଥିବା ଦେଖିବାକୁ ମିଳିଛି । ଗତକାଲି ସନ୍ଦ୍ୟା ୫ ଟା ରୁ ସହର ମଧ୍ୟ ରେ ୧୪୪ ଧାରା ଯାରୀ କରାଯାଇଥିଲା । ସେହିପରି ଏନଏସି ଏବଂ ପାଟଣାଗଡ ଥାନଧିକାରୀ ଙ୍କୁ ବିଭିନ୍ନ ଗଳି କୁ ବ୍ୟାରିକେଡିଙ୍ଗ ପାଇଁ ନିର୍ଦେଶ ଦେଇଥିଲେ । ସୁରକ୍ଷା ଦୃଷ୍ଟି ୩ ପ୍ଲାଟୁନ ପୋଲିସ ଫୋର୍ସ ମୁତୟନ କରାଯାଇଥିଲା ଏବଂ ଆଶାଥିଲା ମା ଙ୍କ ବଏଲ ଯାତ୍ରା ଏବଂ ନଗର ଭ୍ରମଣ ସମୟ ରେ ଭିଡ କୁ ଆଡେଇ ଦିଆଯିବ ଭକ୍ତ କଟକଣା ମାନିବେ କିନ୍ତୁ ଉପଜିଲ୍ଲାପାଳ ଙ୍କ ଖାମଖିଆଲି କୁ ଭରପୂର ଫାଇଦା ଉଠାଇଲେ ଭକ୍ତ । ହଜାରହଜାର ଭକ୍ତ ମାଡି ଆସିଲେ ଗଡଭିତର ପଡିଆ କୁ ଯାହାଫଳରେ କମ ପଡିଯାଇଥିଲେ ପୋଲିସ ଫୋର୍ସ ।  ଏପରିକି ଥାନାଧିକାରୀ ଅନନ୍ତ ପଧାନ , ଆସିଷ୍ଟାଣ୍ଡ କମାଣ୍ଡାଟ କୁମୁଦ ସେଠ ଏବଂ ଥାନା ଏସଆଇ ବିଦେଶି ପଧାନ ଭିଡ ନିୟନ୍ତ୍ରଣ କରିବାକୁ ପ୍ରାଣମୁର୍ଚ୍ଛା ଚେଷ୍ଟା ସତ୍ୱେ ଲୋକେ କିଛି ମାନିନଥିଲେ । କିନ୍ତୁ ଆଇନଶୃଙ୍ଖଳା ପରିସ୍ଥିତି ଉପରେ ନଜର ରଖିବା ପରିବର୍ତ୍ତେ ନିଜ ଗ।।ଡି ଭିତରେ ବସି ଏସବୁ ର ମଜା ନେଉଥିଲେ ନବାଗତ ଉପଖଣ୍ଡ ମୁଖିଆ । କେବଳ ସେତିକି ନୁହେଁ ବେଲପଡା ତହସିଲଦାର , ପାଟଣାଗଡ ତହସିଲଦାର , ପାଟଣାଗଡ ସହକାରୀ ଜିଲ୍ଲାପାଳ ମଧ୍ୟ ଭିଡ ନିୟନ୍ତ୍ରଣ ପାଇଁ ସହର ର ବିଭିନ୍ନ ଛକ ରେ ଉପସ୍ଥିତ ଲୋକଙ୍କୁ ୧୪୪ ଧାରା ବିଷୟ ରେ ବୁଝାସୁଝା କରୁଥିଲେ ହେଲେ ବାବୁ ନିଦାବିଷ୍ନୁ ସାଜି ଗଡଭିତର ପଡିଆ ରେ ମୌନବ୍ରତ ପାଳୁଥିଲେ । ମା ଙ୍କ ମନ୍ଦିର ରୁ ବାହାରିବା ସମୟ ରେ ଅନେକ ଉପଜିଲ୍ଲାପାଳ ପାଟଣାଗଡ ର ଅଧିଷ୍ଠାତ୍ରୀ ଦେବୀ ଙ୍କ ସମ୍ମାନାର୍ଥେ ଦର୍ଶନ କରିଥାଆନ୍ତି ହେଲେ ଶ୍ରୀଯୁକ୍ତ ସେଠୀ ଙ୍କ ବାବୁଗିରୀ ପାଟଣଗଡ ଆସୁଆସୁ ଏ ଅଂଚଳ ର ଇଷ୍ଟଦେବୀ ଙ୍କ ପ୍ରତୀ ଏଭଳି ଆଚରଣ , ଆଇନଶୃଙ୍ଖଳା ପରିସ୍ଥିତି ଉପରେ ଖାମଖିଆଲି କୁ ଅଧିକାରୀ କର୍ମଚାରୀ ଏବଂ ସାଧାରଣ ଜନତା ଙ୍କ ମଧ୍ୟ ରେ ମୁଖ୍ୟ ର୍ଚ୍ଚା ର ବିଷୟ ପାଲଟିଛି ।