03-Nov-2020

ବଲାଙ୍ଗୀର, (ସନ୍ତୋଷ କୁମାର ଠାକୁର)-  ବଲାଙ୍ଗୀରର ଜିଲ୍ଲା ଅବସର ପ୍ରାପ୍ତ ପୌରକର୍ମଚାରୀ ସଂଘର ସଭାପତି ସୁଧିର ଚନ୍ଦ୍ର ପଣ୍ଡାଙ୍କ ଅଧ୍ୟକ୍ଷତାରେ ସାମ୍ବାଦିକ ଭବନ ପରିସରରେ କୁଶ ନାଗଙ୍କ ବିୟୋଗରେ ଏକ ଶୋକ ସଭା ଅନୁଷ୍ଠିତ ହୋଇ ୨ ମିନିଟ ନିରବ ପ୍ରାର୍ଥନା କରାଯାଇଥିଲା । ସ୍ୱର୍ଗତ ନାଗ ପୌରକର୍ମଚାରୀ ସଂଘ ତଥା ଅବସରପ୍ରାପ୍ତ କର୍ମଚାରୀ ସଂଘର ଜଣେ ଦକ୍ଷ ସଂଗଠକ ଥିଲେ । ତତ୍ ସଙ୍ଗେ ସଙ୍ଗେ ସେ ନିତିବାନ, ନିଷ୍ଠାପର, ପରୋପକାରୀ, ସମାଜସେବୀ ଦରଦୀ ମଣିଷ ଭାବେ ପରିଚିତ ଥିଲେ । କର୍ମଚାରୀମାନଙ୍କର ହକ୍ ଦାବୀ ପାଇଁ ସେ ସଦା ସର୍ବଦା ଆଗଧାଡିରେ ରହି ଲଢ଼ିଆସୁଥିଲେ । ସେ ସାମଜିକ କର୍ମିଭାବେ ବିଶେଷତ ଦଳିତ ସମାଜର ମଙ୍ଗଳ ପାଇଁ ବିଭିନ୍ନ ପତ୍ର ପତ୍ରିକା ଲେଖାଲେଖି କରୁଥିଲେ । ଗତ ୩୧ ତାରିଖ ଶନିବାର ଦିନ ତାଙ୍କର ଦେହାନ୍ତ ହୋଇଥିଲା । ଜଣେ ସୁଯୋଗ୍ୟ ସଂଗଠକ, ସମାଜସେବୀ, ଆମାୟିକ ବ୍ୟକ୍ତିତ୍ୱକୁ ସଂଘ ହରାଇଲା ବୋଲି ଆଜି ସ୍ଥାନୀୟ ସାମ୍ବାଦିକ ଭବନଠାରେ ଅନୁଷ୍ଠିତ ଶୋକସଭାରେ ସମସ୍ତେ ମତବ୍ୟକ୍ତ କରିଛନ୍ତି । ଏହି ଶୋକସଭାରେ କୃଷ୍ଣଚନ୍ଦ୍ର ମିଶ୍ର, ଶିବଶଙ୍କର ଖୁଆସ, ପ୍ରଫୁଲ୍ଲ କୁମାର ବେହେରା, ଯବଦୁ ବାରିକ, ଘାସିରାମ ବେହେରା, ମକର ଧ୍ୱଜ ବିଶ୍ୱାଲ, ସୁଧାଂଶୁ ପାତ୍ର, ଅହଲ୍ୟା କୁମ୍ଭାର, ବାସୁପତି ବାଗ, ନରସିଂହ ଦିପ ପ୍ରମୁଖ ଉପସ୍ଥିତ ରହି ସ୍ୱର୍ଗତ ନାଗଙ୍କ ସ୍ମୃତି ଚାରଣ କରିଥିଲେ ।