01-Nov-2020

ଉଲୁଣ୍ଡା (ଗୌର ଚନ୍ଦ୍ର ପରିଚ୍ଛା)- ଉଲୁଣ୍ଡା ବ୍ଲକ ତେଲେଣ୍ଡା ପୀଠରେ ଜିଲ୍ଲା କୁଲୁତା ସମାଜର ଇଷ୍ଟଦେବୀ ଶ୍ରୀଶ୍ରୀ ରାମେଶ୍ୱର ବାବା ଓ କରୁଣା ମୟୀ ମାଁ ରାମଚଣ୍ଡିଙ୍କ ବାର୍ଷୀକ ମହାପୁଜା ଅନୁଷ୍ଠିତ ହୋଇଯାଇଛି । ପ୍ରଥମେ ବ୍ଲକର ପଲାସ ଏବଂ କହ୍ନେଇପାଲି ଗ୍ରାମର ଯୁବଗୋଷ୍ଠି ମହାନଦୀରୁ ପାଣି ଆଣି ଇଷ୍ଟଦେବୀଙ୍କ ଠାରେ  ଜଲାଶୟ କରାଯାଇଥିଲା । ପରେ ମହାଆଲତୀ ଦେବା ପରେ ପୁଜା କାର୍ଯ୍ୟ ସମ୍ପାଦନ ହୋଇଥିଲା ।  ମହାଦେବ ଭୋଇ ସମସ୍ତ ପୂଜା କାର୍ଯ୍ୟ ତୁଲାଇଥିଲେ ।  ଏହି ଅବଶରରେ ଧୃବଚରଣ ପଧାନଙ୍କ ସଭାପତିତ୍ୱରେ ବାର୍ଷୀକ ସଭା ଅନୁଷ୍ଠିତ ହୋଇଥିଲା । ଏଥିରେ ମୁଖ୍ୟ ଅତିଥି ଭାବରେ ଏସ ମହଦାର କଲ୍ପ ପଧାନ, ସମ୍ମାନୀତ ଅତିଥି ଭାବରେ  ବୀରମହାରାଜପୁର ବ୍ଲକ ଅଧ୍ୟକ୍ଷ ସନ୍ତୋଷ ଭୋଇ, ଲକ୍ଷ୍ମଣ ପଧାନ, ସମ୍ବଲପୁରର ଜଟା ଭୁଷଣ ସାହୁ ଯୋଗଦେଇ ବିଭିନ୍ନ ସମସ୍ୟା ଉପରେ ଆଲୋକପାତ କରିଥିଲେ । ବିଶେଷକରି ସମାଜର ଶୃଙ୍ଖଳିତ, ସାମାଜିକ ସ୍ତରରେ ଆର୍ଥୀକ ସମସ୍ୟା, ଶିକ୍ଷା, ଚାଷୀ ତଥା ଚାଷର ଉନ୍ନତୀ, ନାରୀଶିକ୍ଷା, କୁସଂସ୍କାର ଆଦି ଉପରେ ଆଲୋଚନା କରିବା ସହ ସମାଜର ସମସ୍ତ ପୁଅ,ଝିଅ ଯୁକ୍ତ ଦୁଇ ପର୍ଯ୍ୟନ୍ତ ପାଠ ପଢୀବା ବାଧ୍ୟତା ମୂଳକ କରାଜିବା ପାଇଁ ସର୍ବସମ୍ମତି କ୍ରମେ ନିଷ୍ପତି ନିଆଯାଇଥିଲା । ଜିଲ୍ଲା କୁଲ୍‌ତା ସମାଜର ସୋନପୁର ସଂମ୍ପାଦକ କ୍ଷେତ୍ରବାସୀ ପଧାନ ବାର୍ଷୀକ ବୀବରଣୀ ପାଠ କରିବା ସହିତ ରାଜ୍ୟରେ କୁଲୁତା ସମାଜର ମହାସଭା ଶହେବର୍ଷ ପୁର୍ତୀ ଅବଶରରେ  ଆସନ୍ତା ବର୍ଷ ବରଗଡ ଠାରେ ସୁବର୍ଣ୍ଣ ଜୟନ୍ତୀ ପାଲନ କରିବା ପାଇଁ ସମସ୍ତଙ୍କ ସହଯୋଗ କାମନା କରିଥିଲେ । ଅନ୍ୟମାନଙ୍କ ମଧ୍ୟରେ ଭାସ୍କର ବେହେରା, ରାଜକୁମାର ଭୋଇ, କେଶବ ବୁଧିଆ, ଚଣ୍ଡାଲ ପଧାନ, କର୍ଣ୍ଣରାଜ ପଧାନ, ଘାସିରାମ ସାହୁ, ନାରାୟଣ ପଧାନ,  ବୃନ୍ଦାବନ ପଧାନ, ଜଗଦିସ ପଧାନ, ମାଗୁଣୀ ପଧାନ, ନେହେରୁ ପଧାନ, ଭାଗିରଥି ଭୋଇ, ସଚିଦାନନ୍ଦ ବେହେରା ପ୍ରମୁଖ କାର୍ଯ୍ୟକ୍ରମକୁ ପରିଚାଲନା କରିଥିବା ବେଲେ ରାମପୁରର ଗୌନ୍ତିଆ ପ୍ରଫୁଲ୍ଲ ପଧାନ କୁଲୁତା ଜାତିର ଉତ୍ପତି , ସ୍ଥିତି ଓ ଭବିଶ୍ୟତ ସମେତ ମାଁ ରାମଚଣ୍ଡୀଙ୍କ ଶକ୍ତି ସ୍ୱରୂପ ଉପରେ ପ୍ରବଚନ ଦେଇଥିଲେ । ଶମ୍ଭୂପ୍ରଶାଦ ପଧାନ ଧନ୍ୟବାଦ ଦେଇଥିଲେ ।