12-Sep-2021

ରେଢ଼ାଖୋଲ ( ଅନିଲ କୁମାର ପୃଷ୍ଟି ) ସମ୍ବଲପୁର ଜିଲ୍ଲା ରେଢାଖୋଲ ବିଜୁ ପଟ୍ଟନାୟକ କଲ୍ୟାଣ ମଣ୍ଡପ ଠାରେ ରବିବାର ବିଜେପି ନଗର ମଣ୍ଡଳ କାର୍ଯ୍ୟକାରିଣୀ ବୈଠକ ଅନୁଷ୍ଠିତ ହୋଇଯାଇଛି । ରାଜ୍ୟ କାର୍ଯ୍ୟକାରିଣୀ ସଦସ୍ୟ ଦେବେନ୍ଦ୍ର ମହାପାତ୍ରଙ୍କ ସଭାପତିତ୍ବରେ  ଅନୁଷ୍ଠିତ ବୈଠକରେ ସମ୍ବଲପୁର ଜିଲ୍ଲା ସଭାପତି ଗିରିଶ ପଟେଲ ଯୋଗଦେଇ ସଂଗଠନକୁ ତୃଣମୂଳ ସ୍ତରରୁ ସୁଦୃଢ କରିବା ସହ ଆଗାମୀ ପରିଷଦ ନିର୍ବାଚନରେ ରେଢ଼ାଖୋଲ ଏନ‌ଏସି ଦଖଲ କରିବା ପାଇଁ ରଣନିତି ପ୍ରସ୍ତୁତ‌ କରିଥିଲେ । ତା ସହିତ ରେଢ଼ାଖୋଲ ଏନ‌ଏସିରେ ଲାଗି ରହିଥିବା ପାଣି ସମସ୍ୟା , ଅଞ୍ଚଳରେ ମରୁଡି ସମସ୍ୟା ସହିତ ହାତୀ ଉପଦ୍ରବର ସ୍ଥୟୀ ପ୍ରତିକାର ନେଇ ପ୍ରଶାସନକୁ ଦାବି କରିବା ପାଇଁ ରାଜନୈତିକ ଚିଠା ପ୍ରସ୍ତାବ ଗୃହୀତ କରାଯାଇଥିଲା । ରେଢ଼ାଖୋଲ ନଗର ସଭାପତି ରାମାନୁଜ ମହାପାତ୍ର ସଭା ପରିଚାଳନା କରିଥିବା ବେଳେ , ଏହି କାର୍ଯ୍ୟକ୍ରମରେ ଜିଲ୍ଲା ସାଧାରଣ ସମ୍ପାଦକ ଅନିଲ ବେହେରା , ଜିଲ୍ଲା ଯୁବମୋର୍ଚ୍ଚା ସଭାପତି ଅଶ୍ବିନୀ ମାଝୀ , ପୂର୍ବତନ ନଗର ଅଧ୍ୟକ୍ଷା ସୁଷମା ମୁଣ୍ଡା ,

ଜିଲ୍ଲା ଉପସଭାପତି ବିଚିତ୍ରାନନ୍ଦ ସାହୁ , ସାଂସଦ ପ୍ରତିନିଧି ଶିବରାମ ସାହୁ , ବରିଷ୍ଠ ବିଜେପି ନେତା ବିରଞ୍ଚି ସାହୁ ମଞ୍ଚାସିନ ଥିବାବେଳେ ନଗର ମଣ୍ଡଳର ସାଧାରଣ ସମ୍ପାଦକ ନରେନ୍ଦ୍ର ମଲ୍ଲିକ , ଯୁବମୋର୍ଚ୍ଚା ସଭାପତି ଅମର ସିଂ , ସଂପାଦକ ଦିଲ୍ଲୀପ ଲାଉରିଆ , ରବି ରଥ , ପାରସ ଭଞ୍ଜ ,‌ ଉପ ସଭାପତି ଝୀଲ୍ଲି ବହିଦାର , ଅନୁସୟା ପ୍ରାଧନ, ମହିଳା ମୋର୍ଚ୍ଚା ସଭାପତି ମଞୁସା ପ୍ରଧାନ ସହିତ ମଣ୍ଡଳୀର ବହୁ କାର୍ଯ୍ୟକର୍ତ୍ତା ଯୋଗ ଦେଇଥିଲେ ଶେଷରେ ସାଧାରଣ ସମ୍ପାଦକ ରାଜେନ୍ଦ୍ର ପ୍ରସାଦ ବୈଠାରୁ ଧନ୍ୟବାଦ ଅର୍ପଣ କରିଥିଲେ ।