09-Sep-2021

ବଲାଙ୍ଗୀର, ପଶ୍ଚିମ ଓଡ଼ିଶାରେ ପାଳିତ ବିଭିନ୍ନ ପର୍ବପର୍ବାଣୀ ଆଧାରରେ ଏ ମାଟିର ସଂସ୍କୃତି ଓ ସ୍ୱାଭିମାନକୁ ଦୁରଗାମୀ କରିବାକୁ ମହୁରୀ ପ୍ରଡକ୍ସନ ପକ୍ଷରୁ ବର୍ଷବ୍ୟାପୀ ଧାରାବାହିକ ନିର୍ମାଣ ପରିକଳ୍ପନାକୁ ଏ ମଧ୍ୟରେ ସଫଲତାର ସହ ରୂପାୟନ କରାଯାଇଛି । ଆସନ୍ତା ୧ଠ ତାରିଖ ଦିନ ପଶ୍ଚିମ ଓଡ଼ିଶାର ପ୍ରଥମ ଥର ପାଇଁ ଆଂଚଳିକ ଭାଷାରେ ମୁକ୍ତିଲାଭ କରିବାକୁ ଯାଉଥିବା ମୁହରୀ ପ୍ରଡକ୍ସନର ମେଗା ଧାରାବାହିକ ‘ଭାବର ଧାର୍‌’ ର ପ୍ରଥମ ପ୍ରମୋ ଭିଡିଓ ସ୍ଥାନୀୟ ସାମ୍ବାଦିକ ଭାବନ ଠାରେ ଉନ୍ମୋଚିତ ହୋଇଯାଇଛି । ଏଥିରେ  ୟୁ ଟୁବ୍ ଧାରାବାହିକର ପ୍ରଯୋଜିକା ନୀହାରିକା ଓ ଉପାସନା ପୁରୋହିତଙ୍କ ପକ୍ଷରୁ ହିମାଂଶୁ ଭୂଷଣ ପଣ୍ଡା ସମାବେତ ଦର୍ଶକଙ୍କୁ ଧାରାବାହିକର ଆଭିମୁଖ୍ୟ ସଂପର୍କରେ ଅବଗତ କରାଇଥିଲେ । ନିର୍ଦ୍ଦେଶକ ଗୋପାଳ ପ୍ରଧାନଙ୍କ ଆହ୍ୱାନକ୍ରମେ ବରିଷ୍ଠ କଳାକାର ସତ୍ୟ ନାରାୟଣ ବେହେରା, କଳାକାର ତଥା ପ୍ରମେୟର କେବିକେ ସଂସ୍କରଣ ମୁଖ୍ୟ ଅଖିଳ ଚନ୍ଦ୍ର ହୋତା, ସଂଗୀତ ନିର୍ଦ୍ଦେଶକ ଶଶ୍ୱତ, କୁମାର ତ୍ରିପାଠୀ, ନାଟ୍ୟଭୂଷଣ ଜଗଦାନନ୍ଦ ଛୁରିଆ ପ୍ରମୁଖ ନିଜ ନିଜ ବକ୍ତବ୍ୟ ଉପସ୍ଥାପନ କରିଥିଲେ । ପ୍ରଦର୍ଶିତ ଧାରାବାହିକରେ ଅଭିନୟ କରୁଥିବା କଳାକାରଙ୍କ ମଧ୍ୟରେ ଅଚ୍ୟୁତ ପୁରୋହିତ, ଶିଶୁ କଳାକାର ଅଶ୍ମି, ଅର୍ପିତା, ରିଙ୍କି ତ୍ରିପାଠୀ, ବର୍ଷାରାଣୀ ନନ୍ଦ, ଚନ୍ଦନା ସିଂହ, ସସ୍ମିତା ପରମଗୁରୁ, ଜ୍ୟୋସ୍ନାରାଣୀ ଦାସ, ଲଳିତ ପୂଜାରୀ, ରାମପ୍ରସାଦ ଦାସନୂତନ ମିଶ୍ର, ବ୍ୟାସଦେବ ପୁରୋହିତ ପ୍ରମୁଖ ଅଭିନୟ ସମୟର ନିଜର ଅଭିଜ୍ଞତା ସଂପର୍କରେ କହିଥିଲେ । ଧାରାବାହିକର ସଂପାଦକ ପ୍ରଶାନ୍ତ ବେହେରା ଉପସ୍ଥିତ ଦର୍ଶକଙ୍କୁ ନିଜର ଅଭିଜ୍ଞତା ବଖାଣି ଥିଲେ ।ଶେଷରେ ଶ୍ରୀକାନ୍ତ ଦାସ ସମସ୍ତଙ୍କୁ ଧନ୍ୟବାଦ ଅର୍ପଣ କରିଥିଲେ ।