09-Sep-2021

ଲୋଇସିଂହା, (ବିନୋଦ କୁମାର ଦୀପ): ବଲାଙ୍ଗୀର ଜିଲ୍ଲା ଲୋଇସିଂହା ବ୍ଲକକୁ ମରୁଡି ଘୋଷଣା ଦାବିରେ ଗତକାଲି କଂଗ୍ରେସ ତରଫରୁ ଚାଷୀମାନଙ୍କର ଏକ ବିଶାଳ ଶୋଭାଯାତ୍ରା ଅନୁଷ୍ଠିତ ହୋଇଯାଇଛି l ଲୋଇସିଂହା ଉଗ୍ରେସନଭବନ ଠାରୁ ତହସିଲ କାର୍ଯ୍ୟାଲୟକୁ ପଦଯାତ୍ରା ବାହାରି ଥିଲା l  ଲୋଇସିଂହାକୁ ମରୁଡି ଘୋଷଣା ଦାବିରେ ଚାଷୀ ମାନେ ତହସିଲଦାରଙ୍କ ଅଫିସ ସାମ୍ନାରେ ଧାରଣା ଦେଇଥିଲେ l ଏହି ଆନ୍ଦୋଳନରେ କଂଗ୍ରେସର ବ୍ଲକ ସଭାପତି ଅରବିନ୍ଦ ସାହୁ, ଜିଲ୍ଲା ସଭାପତି ଦିଲୀପ କୁମାର ବେହେରା, ଜିଲ୍ଲା ପଂଚାୟତରାଜ କୋଡିନେଟର ଅଜୟ ବାଲି, କଂଗ୍ରେସ ବିଧାୟକ ପାର୍ଥୀ ନବ ନାଏକ, କୃଷକ ସଭାପତି ସାନନ୍ଦ ମିଶ୍ର, ସରୋଜ ବିଶ୍ୱଳ, ଟଙ୍କଧର ଗଡ଼ତିଆ, ସମାରୁ ପଟେଲ ସହ ଅନେକ କଂଗ୍ରେସ କର୍ମୀ ଓ ଲୋଇସିଂହା ଅଂଚଳର ଶତାଧିକ

ଚାଷୀମାନେ ଉପସ୍ଥିତ ଥିଲେ  l ଲୋଇସିଂହା ବ୍ଲକର ସମସ୍ତ ପଂଚାୟତ ଗୁଡିକର ଚାଷଜମିର ପରିସ୍ଥିତିକୁ ଅନୁଧ୍ୟାନ ଏବଂ ତର୍ଜମା କରାଯାଇଛି l ବର୍ତମାନ ସୁଦ୍ଧା ସ୍ୱଳ୍ପ ବର୍ଷା ଯୋଗୁଁ ଜମିରେ ମାଟିରେ ଫାଟ ସୃଷ୍ଟିହୋଇ ଚାଷ ନଷ୍ଟହେବା ସହ ଆସନ୍ନ ମରୁଡି ଦେଖା ଗଲାଣି l ଆଗକୁ ଯଦି ବର୍ଷା ହୁଏ ତାହେଲେ ମଧ୍ୟ ଚାଷ ହେବାର ଖୁବକମ ସମ୍ଭାବନା ରହିଛି ଏଣୁ ଲୋଇସିଂହାକୁ ମରୁଡି ଘୋଷଣା କରାଯିବା ନେଇ ବୋଲି ତହସିଲଦାରଙ୍କୁ ଏକ ଦାବିପତ୍ର ପ୍ରଦାନ କରାଯାଇଛି l