08-Sep-2021

ପାଟଣାଗଡ(ପ୍ରେରଣା ଖବର)  ଖପ୍ରାଖୋଲ ବନ ବିଭାଗ ରେଞ୍ଜର ଶ୍ରୀବଚ୍ଛ କୁମରାଙ୍କୁ ଜାତିଆଣା ଆକ୍ଷେପ ଓ ଫରେଷ୍ଟରଙ୍କୁ ବ୍ଲାକ୍ ମେଲିଙ୍ଗ କରି ୧ ଲକ୍ଷ ଟଙ୍କା ୩ ସାମ୍ବାଦିକ ମାଗିଥିବା ଘଟଣାକୁ ଏକ ମାସରୁ ଉର୍ଦ୍ଧ୍ଵ ସମୟ ବିତିଯାଇ ଥିଲେ ମଧ୍ୟ ପୁଲିସ ସେମାନଙ୍କୁ ଗିରଫ କରି ନଥିବାରୁ ଅଚଂଳରେ  ଅସନ୍ତୋଷ ପ୍ରକାଶ ପାଇଛି । ପୁଲିସର ନିସ୍କ୍ରୟତା ତଥା ଅଭିଯୁକ୍ତଙ୍କୁ ଗିରଫ ଦାବିରେ ବୁଧବାର ଲାଠୋର ର ଉଦାରବାଦୀ ଗଣତାନ୍ତ୍ରିକ ସଂଘ ପକ୍ଷରୁ ଥାନା ଘେରାଓ କରିଛନ୍ତି । ଉକ୍ତ ସଂଘର ପ୍ରତିଷ୍ଠାତା ଲବ ସୁନାଙ୍କ ନେତୃତ୍ୱରେ ଶତାଧିକ ମହିଲା ଓ ପୁରୁଷ ରାମପୁର ସ୍ଥିତ ବସଷ୍ଟାଣ୍ଡ ଏକତ୍ରିତ ହୋଇ ଏକ ସୋଭାଯାତ୍ରାରେ ବାହାରି  ପାଟଣାଗଡ ରାମଜି ଛକ ଦେଇ ଏସଡିପିଓ ଅଫିସ ସମ୍ମୁଖରେ ପହଚିଂ ଥିଲେ । ସେଠାରେ ଅନୁଷ୍ଠିତ ପ୍ରତିବାଦ ସଭାରେ ନାରା ବାଜି ଓ ବିକ୍ଷୋଭ ପ୍ରଦର୍ଶନ କରିଥିଲେ । ପରେ ଥାନାରେ ମାଜଷ୍ଟେଟ ଦାୟିତ୍ୱରେ ଥିବା ପାଟଣାଗଡ ଅତିରିକ୍ତ ତହସିଲ ଧିରଜ ପାତ୍ରଙ୍କ ଉପସ୍ଥିତିରେ ପାଟଣାଗଡ ଏସଡିପିଓ ଜ୍ୟୋର୍ତିମୟ ଭୁକ୍ତାଙ୍କୁ ଏକ ଦାବିପତ୍ର ଦେଇ ଅଭୁଯୁକ୍ତଙ୍କୁ ତୁରନ୍ତ ଗିରଫ କରିବା ପାଇଁ ଦାବି କରିଥିଲେ । ସେହି ସମୟରେ ପାଟଣାଗଡ ଥାନା ଅଧିକାରୀ ଅନନ୍ତ ପଧାନ, ବେଲାପଡା ଥାନା ଅଧିକାରୀ ବୁଲୁ ମୁଣ୍ଡା, ଖପ୍ରାଖୋଲ ଆଇଆଇସି ରାମକାନ୍ତ ସାହୁ, ଲାଠୋର ଏସଆଇ ପ୍ରଣବ ମୁର୍ମୁ ସହ ଏକ ପ୍ଲାଟଉନ ଫୋର୍ସ ମୁତୟନ ଥିଲେ ।
 

ସୂଚନାଯୋଗ୍ୟଯେ, ଅଗଷ୍ଟ ୨ ତାରିଖରେ ପାଟଣାଗଡରେ କାର୍ଯ୍ୟରତ ତିନିଜଣ ସାମ୍ବାଦିକ ବିଜୟା ନନ୍ଦ ଦାସ ଓର‘ ବିଜୁ , ଅଜିତ କୁମାର ପୁତୋହିତ ଓର‘ କୁନମୁନ ଓ ଦୀପକ ଖମାରୀ ଖପ୍ରାଖୋଲ ବନ ବିଭାଗ ଦ୍ୱାରା ହୋଇଥିବା ମନରେଗା ଯୋଜନାରେ ଏକ ରାସ୍ତା କାମର ରେଞ୍ଜରଙ୍କ ଠାରୁ ୨ ଥର ପ୍ରତିକ୍ରିୟା ନେବା ସହ ବଲାଙ୍ଗିର ଡିଏ‘ଓଙ୍କ ପ୍ରତିକ୍ରିୟା ନେଇ ୨ ଥର ଖବର ପ୍ରସାରଣ କରିଥିଲେ । ଖବର ପ୍ରସାରଣ ପରେ ଡିଏ‘ଓଙ୍କ ନିର୍ଦ୍ଦେଶ କ୍ରମେ ବିଭାଗ ପକ୍ଷରୁ ତଦନ୍ତ ଆରମ୍ଭ ହୋଇଯାଇ ଥିଲା । ଏହି ସମୟରେ ପୁଣି ଏହି ତିନି ଜଣ ସାମ୍ବାଦିକ ତୃତୀୟ ଥର ପ୍ରତିକ୍ରିୟା ନେବା ଆଳରେ କିଛି ଅନ୍ୟ ଆଶା ନେଇ ଖପ୍ରାଖୋଲ ବନବିଭାଗ ରେଞ୍ଜର ଶ୍ରୀ କୁମୁରାଙ୍କ ବାସଭବନକୁ ଯାଇ ଥିଲେ । ସେହି ସମୟରେ ଏହି ଘଟଣାକୁ ନେଇ ରେଞ୍ଜର ଓ ସାମ୍ବାଦିକଙ୍କ ମଧ୍ୟରେ ବଚସା ହୋଇଥିଲା । ପରେ ଏହି ତିନି ଜଣ ସାମ୍ବାଦିକ ରେଞ୍ଜରଙ୍କୁ ଅସଭ୍ୟ ଭାଷାରେ ଗାଲି ଗୁଲଜ କରିବା ସହ ଜାତିଆଣ ଆକ୍ଷେପ କରିଥିବା ନେଇ ରେଞ୍ଜର ଖପ୍ରାଖୋଲ ଥାନାରେ ଲିଖିତ ଅଭିଯୋଗ କରିଥିଲେ । ଏହା ସହ ହିରଶଙ୍କର ଫରେଷ୍ଟର ପ୍ରୟବ୍ରତ ମହାକୁଡଙ୍କୁ ଏହି ତିନି ଜଣ ସାମ୍ବାଦିକ ଖବର ପ୍ରସାରଣ ନକରିବା ପାଇଁ ୧ ଲକ୍ଷ ଟଙ୍କା ଦାବି କରିଥିବା ନେଇ ଫରେଷ୍ଟର ମଧ୍ୟ ସେହି ଦିନ ଥାନାରେ ଏକ ଲିଖିତ ଅଭିଯୋଗ କରିଥିଲେ । ଏପରିକି ଦିପକ ଖମାରୀ ଫରେଷ୍ଟରଙ୍କୁ ବାରମ୍ବାର ଫୋନ କରି ଉକ୍ତ ଟଙ୍କା ନଦେଲେ ନାକାରତ୍ମକ ଖବର ପ୍ରସାର କରାଯିବ ବୋଲି ଧମକ ଦେଇ ଆସୁଥିବା ଫରେଷ୍ଟର ଶ୍ରୀଯୁକ୍ତ ମହାକୁର ସୂଚନା ଦେଇଛନ୍ତି । ଏପରିକି ସେହି ଦିନ ଏହି ତିନି ଜଣ ସମ୍ବାଦିକଙ୍କୁ ରେଞ୍ଜର ହତ୍ୟା ଧମକ ଦେଇଥିବା ନେଇ ସାମ୍ବାଦିକ ମାନେ ମଧ୍ୟ ଥାନାରେ ଏତଲା ଦେଇଥିଲେ । ଉପରୁକ୍ତ ଘଟଣା ସମ୍ପର୍କରେ ଏସଡିପିଓ ଶ୍ରୀ ଭୁକ୍ତାଙ୍କୁ ପଚାରିବାରୁ ତଦନ୍ତ ପ୍ରକ୍ରିୟା ଜାରି ରହିଛି । ଆସନ୍ତା ୧୪ ତାରିଖ ଦିନ ଲବ ସୁନା ଓ ଡିଙ୍ଗର କୁମ୍ଭାର ସହ ସଂଘର କର୍ମକର୍ତାଙ୍କୁ ନେଇ ଏକ ଆଲୋଚନା କରାଯିବ । ଏହା ପରେ ଆଇନ ଅନୁଯାୟୀ କାର୍ଯ୍ୟନୁଷ୍ଠାନ ଗ୍ରହଣ କରାଯିବ । ଏସମ୍ପର୍କରେ ଲବ ସୁନାଙ୍କୁ ପଚାରିବାରୁ, ପୁଲିସ ୧ ମାସରୁ ଅଧିକ ହେବ ତଦନ୍ତ ଆଳରେ ଦିନ ଗଡାଇ ଚାଲିଛି । ମାନ୍ୟବର ଉଚ୍ଚ ନ୍ୟାୟଳୟରେ ଅଭିଯେୁକ୍ତ ମାନଙ୍କ ଜାମିନ ଖାରଜ ହେବା ସ୍ୱତେଃ କାହା ଚାପରେ ଅଭିଯୁକ୍ତ ସାମ୍ବାଦିକଙ୍କୁ ପୁଲିସ ସୁରକ୍ଷା ଦେଇ ଆସୁଛି ବୋଲି କ୍ଷୋଭ ପ୍ରକାଶ କରିବା ସହ ପୁଲିସର କାର୍ଯ୍ୟାନୁଷ୍ଠାନ ପ୍ରତି ଆଙ୍ଗୁଳି ନିର୍ଦ୍ଦେଶ କରିଥିଲେ ।