01-Sep-2021

ଲୋଇସିଂହା, (ବିନୋଦ କୁମାର ଦୀପ ): ଲୋଇସିଂହା ବ୍ଲକ ବୁଢ଼ୀପଦର ପଂଚାୟତକୁ ମରୁଡି ଘୋଷଣା ଦାବିରେ ତହସିଲଦାରଙ୍କ ଜରିଆରେ ଜିଲ୍ଲାପାଳଙ୍କୁ ଏକ ଦାବୀପତ୍ର ପ୍ରଦାନ କରାଯାଇଛି l ସୂଚନା ମୁତାବକ  ଗତ ଅଗଷ୍ଟ ୨୯ ତାରିଖରେ ରାଜୀବଭବନ ଠାରେ ଶ୍ରୀ ସୁଧାଂଶୁଶେଖର ସାହୁଙ୍କ ସଭାପତିତ୍ୱରେ ଏକ ବୈଠକ ବସିଥିଲା l ଉକ୍ତ ବୈଠକରେ ପଂଚାୟତର ସମସ୍ତ ଗ୍ରାମର ଚାଷ ପରିସ୍ଥିତିକୁ ଅନୁଧ୍ୟାନ ଓ ତର୍ଜମା କରାଗଲା l ବର୍ତମାନ ସୁଦ୍ଧା ସ୍ୱଳ୍ପ ବର୍ଷା ଯୋଗୁଁ ଜମିରେ ମାଟି ଫାଟ ସୃଷ୍ଟିହୋଇ ଚାଷ ନଷ୍ଟହେବା ସହ ଆସନ୍ନ ମରୁଡି ଦେଖା ଗଲାଣି l ଆଗକୁ ଯଦି ବର୍ଷା ହୁଏ ତାହେଲେ ମଧ୍ୟ ଚାଷ ହେବାର ଖୁବକମ ସମ୍ଭାବନାଏଣୁ ବୁଢ଼ୀପଦର ପଂଚାୟତକୁ ମରୁଡି ଘୋଷଣା ଦାବିରେ ଆଜି ନେଗୀପାଲି, ଘୁଷୁରାମୁଣ୍ଡା, ପିପିଲିପାଲି, ସଲତରପାଲି, ଲୁହୁରାପାଲି ଓ ବୁଢ଼ୀପଦର ଗ୍ରାମର ସମସ୍ତ ଚାଷୀ ବିଡ଼ିଓ ଓ ତହସିଲଙ୍କୁ ଭେଟି ଏକ ଦାବିପତ୍ର ପ୍ରଦାନ କରିଛନ୍ତି l