31-Aug-2021

ବଲାଙ୍ଗୀର,(ପ୍ରେରଣା ଖବର): ଆଜି ଅପରାହ୍‌ଣରେ କେନ୍ଦ୍ର ସାହିତ୍ୟ ଏକାଡେମୀ ତରଫରୁ ଆୟୋଜିତ ଏକ ଗଳ୍ପ ପାଠ କାର୍ଯ୍ୟକ୍ରମରେ ଯୋଗ ଦେଇଛନ୍ତି ବଲାଙ୍ଗୀରର ବିଶିଷ୍ଟ ଗାଳ୍ପିକ ପ୍ରଦୀପ କୁମାର ମିଶ୍ର। ଅନ୍‌ଲାଇନ୍ ମାଧ୍ୟମରେ ଅନୁଷ୍ଠିତ ଏହି ସ୍ବତନ୍ତ୍ର କାର୍ଯ୍ୟକ୍ରମରେ ଅଂଶଗ୍ରହଣ କରିଥିବା ଅନ୍ୟ କଥାକାର ମାନେ ହେଲେ ଦେବଯାନୀ ଦାସ, ମହାଶ୍ବେତା ସାହୁ ଏବଂ ସୁବ୍ରତ କୁମାର ଦାସ। ଶ୍ରୀ ମିଶ୍ରଙ୍କ ଗଳ୍ପ ‘ସେମାନେ ତଫସିଲଭୁକ୍ତ ନୁହନ୍ତି’ ଅତିଥି ଏବଂ ଦର୍ଶକଙ୍କ ଦ୍ବାରା ଉଚ୍ଚ ପ୍ରଶଂସିତ ହୋଇଥିଲା। ସାହିତ୍ୟ ଏକାଡେମୀ କୋଲ୍‌କାତାର କା‌ର୍ଯ୍ୟକ୍ରମ ଅଧିକାରୀ ମିହିର କୁମାର ସାହୁ କାର୍ଯ୍ୟକ୍ରମ ପରିଚାଳନା କରିଥିବା ବେଳେ ଅତିଥି ଭାବେ ଯୋଗ ଦେଇଥିଲେ ଓଡ଼ିଆ ଉପଦେଷ୍ଟା ପରିଷଦର ଆବାହକ ଡକ୍ଟର ବିଜୟାନନ୍ଦ ସିଂହ।