31-Aug-2021

ରେଢ଼ାଖୋଲ ( ଅନିଲ କୁମାର ପୃଷ୍ଟି ) ସମ୍ବଲପୁର ଜିଲ୍ଲା ରେଢ଼ାଖୋଲ ଏନଏସି ତରଫରୁ ସ୍ୱାୟତ ଶାସନ ଦିବସ ୨୦୨୧ ମହାମାରୀ କରୋନାକୁ ଦୃଷ୍ଟିରେ ରଖି ନିଡ଼ାମ୍ବର ଭାବରେ ପାଳନ ହୋଇଯାଇଛି। ଏହି ଅବସରରେ ଭୋର ସକାଳୁ ଡାକବାଜି ଯନ୍ତ୍ର ସହାୟତାରେ ରାମଧନୁ କରାଯାଇଥିଲା। ପରେ ବିଭିନ୍ନ ସ୍ଥାନରେ ଥିବା ସନ୍ଥକବି ଭୀମଭୋଇ , ଗୋପବନ୍ଧୁ , ଡଃ ଆମ୍ବେଦକରଙ୍କ ପ୍ରତିମୂର୍ତ୍ତୀ ଏବଂ ମହାତ୍ମାଗାନ୍ଧୀ ସ୍ମୃତିସ୍ତମ୍ଭ ଠାରେ ମାଲ୍ୟାର୍ପଣ

କରାଯାଇଥିଲା । ସ୍ଥାନୀୟ ପରିଷଦ କାର୍ଯ୍ୟାଳୟରେ ଶ୍ରୀ ପବିତ୍ର ବେହେରା ରେଢ଼ାଖୋଲ ଉପଜିଲ୍ଲାପାଳ ଦ୍ଵାରା ଏନ‌ଏସି ନିର୍ବାହୀ ଅଧିକାରୀ ଓ ସମସ୍ତ କର୍ମଚାରୀଙ୍କ ଉପସ୍ଥିତିରେ ଜାତୀୟ ପତାକା ଉତ୍ତୋଳନ କରାଯାଇଥିଲା । ସ୍ଥାନୀୟ ଉପଖଣ୍ଡ ଚିକିତ୍ସାଳୟରେ ରୋଗୀମାନଙ୍କୁ ଫଳ ବଣ୍ଟନ କରାଯାଇଥିଲା ତାପରେ କାର୍ଯ୍ୟାଳୟ ଠାରୁ ଏକ ଶୋଭାଯାତ୍ରାରେ ବାହାରି ସଚେତନତାର ବାର୍ତା ସହ ସହର ପରିକ୍ରମା କରିବା ପରେ ସାପ୍ତାହିକ ବଜାର ଠାରେ ଏକ ସାମୁହିକ ସଫେଇ କାର୍ଯ୍ୟକ୍ରମ କରାଯାଇଥିଲା । ଏହି ଅବସରରେ ସ୍ଥାନୀୟ ବିଜୁ କଲ୍ୟାଣ ମଣ୍ଡପ ଠାରେ ଚତୁର୍ଥ ଶ୍ରେଣୀ କର୍ମଚାରୀଙ୍କୁ ପୋଷାକ ବଣ୍ଟନ କରାଯାଇଥିଲା । ଏହି ସଂପୂର୍ଣ୍ଣ କାର୍ଯ୍ୟକ୍ରମକୁ ନିର୍ବାହୀ ଅଧିକାରୀ କନିକା ଚକ୍ରବର୍ତ୍ତୀଙ୍କ ଅଧ୍ୟକ୍ଷତା କରିବା ସହିତ ପରିଷଦ ସମସ୍ତ କର୍ମଚାରୀ ଉପସ୍ଥିତି ଥିଲେ।