31-Aug-2021

ଉଲୁଣ୍ଡା(ଗୌରଚନ୍ଦ୍ର ପରିଛା) ପଶ୍ଚିମ ଓଡିଶାର ଅନ୍ୟତମ ପର୍ଯ୍ୟଟନ ସ୍ଥଳି ତଥା ଶ୍ରୀ ଜଗନ୍ନାଥଙ୍କ ଲୀଲା ଭୂମି ଉଲୁଣ୍ଡା ବ୍ଲକ ପାତାଲି ଶ୍ରୀ କ୍ଷେତ୍ରରେ ପଣ୍ଡିତ ମାନଙ୍କ ଦ୍ୱାରା ଗଣପର୍ବ ନୂଆଖାଇ ପାଇଁ ଲଗ୍ନ ଧାର୍ଯ୍ୟ କରାଯାଇଛି । ଏହି ଅବଶରରେ ଆୟୋଜିତ ବୈଠକରେ ଉଲୁଣ୍ଡା ତହସିଲଦାର ପୁର୍ଣ୍ଣଚନ୍ଦ୍ର ନାଏକ, ଟୁରିଷ୍ଟ ଅ‘ିସର ବିଜୟାନନ୍ଦ ଦଲାଇ, ପ୍ରଶାସନିକ ଅଧିକାରୀ ସହଦେବ ମେହେର ଉପସ୍ଥିତ ରହିଥିଲେ । ଚତୁର୍ଦ୍ଧା ମୁର୍ତିଙ୍କ ଆଜ୍ଞାମାଲ ପ୍ରାପ୍ତ ପରେ ଜିଲ୍ଲାର ବରିଷ୍ଠ ପଣ୍ଡିତ ମାନଙ୍କ ଦ୍ୱାରା ନୂଆଖାଇ ଲଗ୍ନ ସ୍ଥିର କରାଯାଇଥିଲା । ଆସନ୍ତା ଭାଦ୍ରବ ଶୁକ୍ଲପକ୍ଷ ରୂଷି ପଂଚମି ଶନିବାର ୧୧.୯.୨୧ ଦିନ ପୁର୍ବାହ୍ନ ୧୦ ଘଂଟା ୧୮ ମିନିଟ ଗତେ ଓ ୧୦ ଘଂଟା ୨୯ ମିନିଟ ମଧ୍ୟେ ତୁଳା ଲଗ୍ନ ମିଥୁନ ନବାଂସେ ଅମୃତ ସମୟରେ ପଶ୍ଚିମ ଓଡିଶାର ସମସ୍ତ ଦେବା ଦେବୀ ତଥା ଗୃହ ଦେବାଦେବୀଙ୍କ ଠାରେ ନବାନ୍ନ ଭୋଗ ଅର୍ପଣ କରାଯିବ ଓ ନବାନ୍ନ ଭକ୍ଷଣ କରାଜିବ । ଲଗ୍ନ ଧାର୍ଯ୍ୟ ବୈଠକରେ ଜ୍ୟୋର୍ତିବିଦ୍ୟା ବାଚସ୍ପତି ମେଡେନ କୁମାର ବିଶି, ଜ୍ୟୋର୍ତିବିଦ ଯୋଗେନ୍ଦ୍ର ହୋତା, ଜ୍ୟୋର୍ତିବିଦ ଗୁଣାସାଗର ପଣ୍ଡା, ଜ୍ୟୋର୍ତିବିଦ୍ୟା ଦେବାର୍ଚନ ଦାସ, ଜ୍ୟୋର୍ତିବିଦ୍ୟା ଭୂଷଣ ରାମକୃଷ୍ଣ ପଣ୍ଡା, ମନରଂଜନ ପାଢୀ, ଚିତରଂଜନ ପାଢୀ, ଭବାନୀ ଶଙ୍କର ପଣ୍ଡା, ପରମେଶ୍ୱର ମେଣ୍ଡଲି, ନଲିନୀକାନ୍ତ ବାଘ, ଜଗନ୍ନାଥ ହୋତା, କମଲ ହୋତା, ଜଗଦିସ କର୍ଣ୍ଣ, ଶିବ ମହାକୁର, ମନୋଜ ପଣ୍ଡା ପ୍ରମୁଖ ଉପସ୍ଥିତ ରହିଥିଲେ । ଟ୍ରଷ୍ଟ ସଦସ୍ୟ ପୁର୍ଣ୍ଣଚନ୍ଦ୍ର ପାଢୀ ସଂଯୋଜନା କରିଥିଲେ ।