31-Aug-2021

ଉଲୁଣ୍ଡା(ଗୌରଚନ୍ଦ୍ର ପରିଛା) ସୁବର୍ଣ୍ଣପୁର ଜିଲ୍ଲା ଉଲୁଣ୍ଡା  ବ୍ଲକ ବାଘପାଲିରେ ଆସନ୍ତା ପୌଷ ବକୁଳ ଆମାବାଶ୍ୟା ଅବସରରେ  ସିଦ୍ଧସାଧକ ଚନ୍ଦ୍ରମଣି ଦାସଙ୍କ ପବିତ୍ର ମହୋତ୍ସବ ଅନୁଷ୍ଠିତ ହେବ । ଏହି ଅବସରରେ  ଦ୍ୱିତୀୟ ସ୍ମରଣୀକା ସୁଧାସାର ପ୍ରକାଶ ପାଇବ । ଏହାକୁ ଦୃଷ୍ଟିରେ ରଖି  ପଂଚାୟତ ସମିତି ଡିଗ୍ରୀ କଲେଜରେ ଏକ ବୈଠକ ଅନୁଷ୍ଠିତ ହୋଇଛି । ଡ.ଦେବାଶିଷ ପାଣ୍ଡିଆଙ୍କ ଅଧ୍ୟକ୍ଷତାରେ ହୋଇଥିବା ଏହି ବୈଠକରେ ସମ୍ପାଦନା ମଣ୍ଡଳୀ ଏବଂ ଉପଦେଷ୍ଟା ମଣ୍ଡଳୀର କର୍ମକର୍ତା ମାନେ ଯୋଗ ଦେଇଥିଲେ ।  ବିଶେଷ କରି  ପତ୍ରିକାଟି କିଭଳି ଆଗାମୀ ଦିନରେ ଦୀର୍ଘସ୍ଥାୟୀ ହୋଇପାରିବ ଏବଂ ନୂତନ ଲେଖକ ମାନଙ୍କୁ କିପରି ସାମିଲ କରାଯାଇ ପାରିବ ସେଉପରେ ଆଲୋଚନା କରିବା ସହ  ସ୍ମରଣୀକା ପାଇଁ ଲେଖା ଆହ୍ୱନା କରାଯାଇଥିଲା । ଉତ୍ସାହୀ ଲେଖକ ମାନେ  ଚନ୍ଦ୍ରମଣି ଦାସଙ୍କ ଜୀବନୀ ଓ ସାହିତ୍ୟ ସମେତ ସନ୍ଥ ସାହିତ୍ୟ ବିଭିଧ ଧାରା ଉପରେ ମୌଲିକ ଓ ଗବେଷଣା ଧର୍ମୀ ଲେଖା ସିଦ୍ଧଯୋଗୀ ଚନ୍ଦ୍ରମଣୀ ମଠ ବିକାଶ ଟ୍ରଷ୍ଟ ବାଘପାଲି, ପୋ. କୋଟସମଲାଇ, ଭାୟା ବୀରମହାରାଜପୁର, ଜିଲ୍ଲା ସୁବର୍ଣ୍ଣପୁର ଠିକଣାରେ କିମ୍ବା ଚନ୍ଦ୍ରମଣୀ ମଠ ବିକାଶ ଟ୍ରଷ୍ଟ ୨୧ ଜିମେଲ ଟଡକମରେ  ସେପ୍ଟେମ୍ବର ମାସ ସେଷ ସୁଦ୍ଧା ପଠାଇବାକୁ ଆନୁରୋଧ କରାଯାଇଛି ।  ଅନ୍ୟମାନଙ୍କ ମଧ୍ୟରେ ଡ. ଅନିରୁଦ୍ଧ କୁରକୁରିଆ, କବି ଅଖୋଜ ଷାଣ୍ଢ, ଆଇନଜୀବୀ ମନୋଜ ମହାନ୍ତି, ଶିକ୍ଷକ ରାମେଶ୍ୱର ଛତ୍ରୀଆ ପ୍ରମୁଖ ବହୁ ସଦସ୍ୟ ଯୋଗ ଦେଇଥିଲେ । ଶେଷରେ ମୁକୁନ୍ଦ ଧରୁଆ ଧନ୍ୟବାଦ ଦେଇଥିଲେ ।