26-Aug-2021

ଜଗତସିଂହପୁର ର(ନୃସିଂହ ବାରିକ) :ବୁଧବାର ତିର୍ତ୍ତୋଲ ନିର୍ବାଚନ ମଣ୍ଡଳୀର ବିରିଡି ବ୍ଳକର ବାଲିଆସ୍ଥିତ ମା ଭଗବତୀ ପୀଠ ପରିସରରେ ବିଜୁ ଜନତା ଦଳର ପରିବର୍ଦ୍ଧିତ କାର୍ଯ୍ୟକାରିଣୀ ବୈଠକ ଅନୁଷ୍ଠିତ ହୋଇଯାଇଛି। ବ୍ଳକ ସଭାପତି ରବିନ୍ଦ୍ର କୁମାର ରାଉଳ ଏଥିରେ ଅଧକ୍ଷତା କରିଥିବା ବେଳେ ଜୋନ ସଂଯୋଗକ ନୃସିଂହ କୁମାର ଦାଶ ଅତିଥି ପରିଚୟ ପ୍ରଦାନ କରିଥିଲେ। ଏହି କାର୍ଯ୍ୟକ୍ରମରେ ନବୀନ ସରକାରର ବରିଷ୍ଟ ମନ୍ତ୍ରୀ ତଥା ଜଗତସିଂପୁର ଜିଲ୍ଲା ପର୍ଯ୍ୟବେକ୍ଷକ ଗଣଶିକ୍ଷାମନ୍ତ୍ରୀ ସମୀର ରଂଜନ ଦାସ ମୁଖ୍ୟଅତିଥି ଭାବେ ଯୋଗ ଦେଇଥିଲ। ଅନ୍ୟମାନଙ୍କ ମଧ୍ୟରେ ଜିଲ୍ଲା ଯୋଜନା ବୋର୍ଡ ଅଧକ୍ଷ ବିଧାୟକ ପ୍ରଶାନ୍ତ ମୁଦୁଲି,ତିର୍ତ୍ତୋଲର ଯୁବ ବିଧାୟକ ଇଂ ବିଜୟଶଂକର ଦାସ, ଜିଲ୍ଲାପରିଷଦ ଅଧ୍ୟକ୍ଷା ପ୍ରିୟ ଦର୍ଶନୀ ବିଶ୍ଵାଳ,ପ୍ରଫେସର ରମାକାନ୍ତ ଭୋଇ, ଜିଲ୍ଲା ବିଜୁ ମହିଳା ଜନତା ଦଳର ସଭାନେତ୍ରୀ ସବିତ ମହାପାତ୍ର ଯୋଗ ହେଇଥିବାବେଳେ ବ୍ଲକ ଯୁବ ସଭାପତି ଶୁଶାନ୍ତ କୁମାର ସାହୁ , ବ୍ଳକ ମହିଳା ସଭାନେତ୍ରୀ ମମତା ପାତ୍ର, ଛାତ୍ର ସଭାପତି ଗୋରେଖ ଆଶ୍ରୀତ ବେହେରା । ଜୋନ ସଂଯୋଜକ ପବିତ୍ର ପଶାୟତ,  ଉପଦେଷ୍ଟା ବିଭୂତି ଭୁଷଣ ଦାସ, ରାଜ୍ୟ ସଂପାଦକ ପ୍ରଦୀପ୍ତ ଭୁୟାଁ, ଜିଲ୍ଲା ପରିଷଦ ସଭ୍ୟ ପ୍ରତାପ ବେହେରା,ସଭ୍ୟା ଲତା ଦାସ, ବିଧାୟକଙ୍କ ପ୍ରତିନିଧିନେତା  ନନ୍ଦ ପାତ୍ର, ରଘୁନାଥପୁର ବ୍ଳକ ସଭାପତି ଦେବାଶୀଷ ତ୍ରୀପାଠୀ , ତିର୍ତ୍ତୋଲ ବ୍ଲକ୍କ ସଭାପତି ଗଙ୍ଗାଧର ବିଶ୍ଵାଳ,ରେଖାରାଣୀ ବୋଷ ପ୍ରମୁଖ ଯୋଗଦେଇଥିଲେ। ପ୍ରାରମ୍ଭରେ  ପ୍ରବାଦ ପୁରୁଷ ବିଜୁପଟ୍ଟନାୟକ ଓ ସ୍ବର୍ଗତ  ବିଷ୍ଣୁ ଦାସଙ୍କ ଫଟୋଚିତ୍ରରେ ପୁଷ୍ପମାଲ୍ୟ ଅର୍ପଣ କରାଯିବା ସହ ପ୍ରଦୀପ ପ୍ରଜ୍ବଳନ ପରେ ସଭାକାର୍ଯ୍ୟ ଆରମ୍ଭ କରାଯାଇଥିଲା। ପରେ ପରେ  ମହାନ୍  ଆତ୍ମାଙ୍କ ପାଇଁ ଦୁଇ ମିନିଟ ନିରବ ପାର୍ଥନା କରାଯାଇଥିଲା। ଆଗାମୀ ପଞ୍ଚାୟତ ନିର୍ବାଚନକୁ ଆଖି ଆଗରେ ରଖି ଏହି ଦୈଠକରେ ମନ୍ତ୍ରୀ ସମୀର ରଂଜନ ଦାସ ସମସ୍ତେ ବିଜୁ ପରିବାରର ବୋଲି ନିଜକୁ ଭାବି ପ୍ରିୟ ମୁଖ୍ୟମନ୍ତ୍ରୀଙ୍କ ସମ୍ମାନକୁ ବଜାୟ ରଖିବା ପାଇଁ ବିରିଡି ବ୍ଲକର ସମସ୍ତ ୨୧ଟି ପଞ୍ଚାୟତର  ସରପଞ୍ଚ ସମିତି ସଭ୍ୟଙ୍କୁ ଜିତାଇବା ସହ ଦୁଇଟି ଜିଲ୍ଲାପରିଷଦ ଜୋନର ସଭ୍ୟମାନଙ୍କୁ ଜିତାଇବାକୁ ହେବ। ଏଥିପାଇଁ ଆଜିଠାରୁ ସମସ୍ତେ ନବୀନବାବୁଙ୍କ ଜନକଲ୍ୟାଣକାରୀ ଯୋଜନାକୁ ଲୋକମାନଙ୍କ ପାଖରେ ପହଞ୍ଚାଇ ଲୋକମାନଙ୍କ ନିକଟତର ହେବାକୁ ପରାମର୍ଶ ଦେଇଥିଲେ। ଏଥି ସହିତ ବ୍ଳକ କମିଟ, ପଞ୍ଚାୟତ  କମିଟ ତୁରନ୍ତ ଗଠନ କରି କ୍ରିୟାଶୀଳ କରିବାକୁ ବ୍ଳକ ସଭାପତି ଓ ଜୋନ ସଂଯୋଜନକୁ ଗୁରୁମନ୍ତ୍ର ଦେଇଥିଲେ। ଏହି କାର୍ଯ୍ୟକ୍ରମରେ ବହୁସଂଖ୍ୟାରେ ସରପଞ୍ଚ, ସମୀତି ସଭ୍ୟ,ପଞ୍ଚାୟତ ସଭାପତି, ମହିଳା ସଭାପତି ଓ ଯୁବଛାତ୍ର ସଂଗଠନର କର୍ମକର୍ତାମାନେ ଯୋଗଦେଇଥିଲେ ।ଶେଷରେ ତୃପ୍ତୀ ରାୟ ଧନ୍ୟବାଦ ଅର୍ପଣ କରିଥିଲେ। ରିପୋର୍ଟ-ନୃସିଂହ ଚରଣ ବାରିକ