30-Oct-2020

କଲାହାଣ୍ଡି, (ତ୍ରିନାଥ ବେଶ୍ରା)ପୁଣି ଦାଦନ ନିର୍ଯ୍ୟାତନା ର ଶିକାର ହେବା ନେଇ ଦଣ୍ଡପାଟ ଅଞ୍ଚଳ ରେ ଚର୍ଚ୍ଚା।ପୁଅ କୁ ଫେରାଇ ଆଣିବାକୁ ପିତାମାତା ଙ୍କ ଥାନାର ଦ୍ଵାରାସ୍ତ।ଦଲାଲ ଏକ ବୋରିଂ ମାଲିକ  ପାଖରେ ୮୦ ହଜାର ଟଙ୍କା ରେ ବନ୍ଧକ କରିଥିବା ଅଭିଯୋଗ। ସୂଚନା ମତେ ଗତ ୧୬ତାରିଖ ଦିନ ଟେଣ୍ଡାପାଲି ପଂଚାୟତ ଛତାଗହୀର ଗ୍ରାମର କୃଷ୍ଣ ଦୁର୍ଗା ନାମକ ଦଲାଲ ନିକଟସ୍ଥ ଜୟନ୍ତପୁର ପଞ୍ଚାୟତ ରଇନଗୁଡା ଗ୍ରାମରଦିଗାମ୍ବର ମାଝୀ ଙ୍କ ପୁଅ ଭାରତ ମାଝୀ ଓ ଚତୁର ମାଝୀ ଙ୍କୁ ନେଇ ଉମରକୋଟ ଠାରେ କାମ କରିବା ବାହାନା କରି  ନେଇଥିଲେ।ସେଠାରୁ ପ୍ରବର୍ତ୍ତାଇ ପୁଣି ଏକ ବୋଲେରୋ ମାଧ୍ୟମରେ ମଧ୍ୟପ୍ରଦେଶ ର ଇଣ୍ଡୋର କୁ ନେଇ ଏକ ଠିକଦାର ପାଖରେ ଛାଡ଼ିଦେଇ ଦଲାଲ ଜଣକ ସେଠାରୁ ଚମ୍ପଟ ମାରିଥିଲେ।ତେବେ ଠିକାଦାର ସେଠାରେ ନିର୍ଯାତନ ଦେବା ସହ ମାଡ଼ ପିଟ କରି କାମ ରେ ଖଟାଉଥିବା ନେଇ ଘର ଲୋକଙ୍କୁ ଦୁହେଁ ଫୋନରେ ଉଦ୍ଧାର କରିବାକୁ ଜଣାଇଥିଲେ।ଏନେଇ ଆଜି କୋକସରା ଥାନାରେ ଦାଦନ ଶ୍ରମିକ ଙ୍କ ବାପା ମା ଅଭିଯୋଗ କରିଛନ୍ତି।ଅଭିଯୋଗ କୁ ଭିତ୍ତିକରି ତଦନ୍ତ ଆରମ୍ଭ କରିଛି।ତେବେ ଦଲାଲ ଜଣକ ଫେରାର ଥିବା ଜଣା ପଡିଛି।ଅନ୍ୟପଟେ ଦୁହିଁଙ୍କ ଆସିବା ପଥ କୁ ଅନେଇ ବସିଛନ୍ତି ପରିବାର ଲୋକେ।ତେବେ ଦଣ୍ଡପାଟ ଅଞ୍ଚଳ ପାଇଁ ଏହି ଘଟଣା କିଛି ନୂଆ ନୁହେଁ।ଏଠିକାର ଦାଦନ ଶ୍ରମିକ ଙ୍କ ଭାଗ୍ୟ ଦଲାଲ ଓ ଠିକାଦାର ଉପରେ ନ୍ୟସ୍ତ କରେ।କେତେ ନିର୍ଯ୍ୟାତିତ ହୁଅନ୍ତି ତ ଅନେକଙ୍କ ମୃତ ଦେହ ଘରକୁ ଆସେ ପୁଣି ଅନେକ ନିଖୋଜ ହୋଇ ତାଙ୍କ ଠେର ପାହାନ୍ତି ନାହିଁ ପରିବାର ଲୋକେ।ତେବେ ଏହି ଘଟଣା କୁ ନେଇ ଆଗ କୁ ପୋଲିସ କି ପଦକ୍ଷେପ ନେବ ଦେଖିବାକୁ ବାକି ରହିଲା।