04-Aug-2021

କେନ୍ଦ୍ରାପଡା(ଶିବ ପ୍ରସାଦ ସେନାପତି) : ଓଡିଶା ଷ୍ଟାଫ ସିଲେକସନ କମିଶନ ମହାଦୁର୍ନୀତି ପ୍ରତିବାଦରେ ଆଜି କେନ୍ଦ୍ରାପଡା ଛାତ୍ର କଂଗ୍ରେସ ପକ୍ଷରୁ ଜିଲ୍ଲାପାଳ କାର୍ଯ୍ୟାଳୟ ସମ୍ମୁଖରେ ସଭାପତି ପରଭେଜ ଅଖତରଙ୍କ ନେତୃତ୍ୱରେ ବିକ୍ଷୋଭ ପ୍ରଦର୍ଶନ ହୋଇଥିଲା | ଛାତ୍ର କଂଗ୍ରେସ କର୍ମକର୍ତା ମାନେ କେନ୍ଦ୍ରାପଡା ଉର୍ଦୁ ଲାଇବ୍ରେରୀ ପାଖରୁ ଏକ ବିକ୍ଷୋଭ ଶେଭାଯାତ୍ରାରେ ବାହାରି ଜିଲ୍ଲାପାଳ କାର୍ଯ୍ୟାଳୟ ସମ୍ମୁଖକୁ ଯାଇଥିଲେ ଯାଇ ଏଡିଏମ ଙ୍କୁ ଦାବିପତ୍ର ଦେଇଥିଲେ | ବାଟରେ ପୋଲିସ ସହ ଧସ୍ତାଧସ୍ତି ମଧ୍ୟ ହୋଇଥିଲା | ଏହି ବିକ୍ଷୋଭ ଶୋଭାଯାତ୍ରାରେ ଛାତ୍ର କଂଗ୍ରେସ ରାଜ୍ୟ ଉପସଭାପତି ସୁନୀଲ କୁମାର ମାଟିଆ , ସାଧାରଣ ସମ୍ପାଦକ ବିଭୁତି ଭୂଷଣ ମହାପାତ୍ର ଓ ଅହମଦ ଖାନ ଯୋଗଦେଇ ସରକାରଙ୍କ ଉପରେ ବର୍ଷିଥିଲେ | ଏହି ପରିପେକ୍ଷୀରେ ଛାତ୍ର ନେତା ଶ୍ରୀ ମହାପାତ୍ର କହିଥିଲେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଛାତ୍ର ଛାତ୍ରୀ ମାନଙ୍କ ଭବିଷ୍ୟତକୁ ଅପହରଣ କରିଛନ୍ତି | ଷ୍ଟାଫ ସିଲେକସନ କମିଶନ ଦୁର୍ନୀତିର ଗନ୍ତାଘର ପାଲଟିଥିବା ବେଳେ ଯୋଜନାର ମାଳ ପକାଇ ବୁଲୁଥିବା  ଓଡିଶା ସରକାର ଅଦୃଶ୍ୟ ଭାବରେ "ଟଙ୍କା ଦିଅ ଚାକିରୀ ନିଅ " ବୋଲି ଯୋଜନା ଟିଏ କରିଛନ୍ତି ,ଯାହାକୁ ଛାତ୍ର କଂଗ୍ରେସ ଓଡ଼ିଶାର କୋଣଅନୁକୋଣରୁ ବରୋଧ କରିବ| ନିଯୁକ୍ତି ଦୁର୍ନୀତିର ଚେର ତୃତୀୟ ମହଲା ପର୍ଯ୍ୟନ୍ତ ଲମ୍ବିଥିବା ବେଳେ କେବଳ ଜଣେ କିରାଣୀ କୁ ଧରି ବିରାଟ ଦୁର୍ନୀତିକୁ ଚାପି ଦେବାକୁ ବସିଛନ୍ତି ରାଜ୍ୟସରକାର | ଏହି ଘଟଣାରେ ସରକାର ଭିଜିଲାନ୍ସ ତଦନ୍ତ ପାଇଁ ସୁପାରିଶ କରିଥିବା ବେଳେ , ଭିଜିଲାନ୍ସ ସରକାରଙ୍କୁ ଘଣ୍ଟ ଘୋଡାଇବା ବୋଲି ଛାତ୍ର କଂଗ୍ରେସ ଅଭିଯୋଗ କରିଛି | ହାଇକୋର୍ଟ ତତ୍ୱାବଧାନରେ ଏକ କମିଟି କରି ଏହି ଘଟଣାର ଉଚ୍ଚ ସ୍ତରୀୟ ତଦନ୍ତ କରାଗଲେ ବହୁ ସରକାରୀ ବଡ଼ପଣ୍ଡା ,ରାଜନେତା ଙ୍କ ସମେତ ବହୁ ପାୱାରଫୁଲ ଦୁର୍ନୀତି ଖୋର ଙ୍କ ମୁଖଖୋଲିବ ବୋଲି ଦାବି କରିଛି | ଯଦି ସରକାର ଦାବି ନ ଶୁଣନ୍ତି ଛାତ୍ର କଂଗ୍ରେସ ରାଜ୍ୟ ସଭାପତି ୟାସିର ନୱାଜ ଙ୍କ ନେତୃତ୍ୱରେ ଭୟଙ୍କର ଆନ୍ଦୋଳନର ସରକାର ସାମ୍ନା କରିବେ ବୋଲି ଶ୍ରୀ ମହାପାତ୍ର ମତ ରଖିଛନ୍ତି | ଏହି କାର୍ଯ୍ୟକ୍ରମରେ ସମ୍ବିତ ଶ୍ରୀଚନ୍ଦନ , ପୂର୍ବତନ ଛାତ୍ର କଂଗ୍ରେସ ସଭାପତି ଉମେଶ ପାଢ଼ୀ ଅହମଦ ଅମୀର ,ଆସିବ ଖାନ , ୟାଶନ ,ଭଗବାନ ମିଶ୍ର , ମୁମତାଜ ଅଲ୍ଲୀ ,ଫରହାନ ଅଲ୍ଲୀ ପ୍ରମୁଖ ଯୋଗଦେଇଥିଲେ